جستجو Justuju

پاکستان میں عوامی و سیاسی ہل چل Political Resurgence in Pakistan

2011-11-17T21:35:00.002+05:00

جستجو
حکمت اور دانش سے بھرپور تحریریں

! عوامی وسیاسی ہل چل

!دل چسپ اور ڈرامائی عوامی اجتماعات کی پاکستانی سیاست میں واپسی: کیا یہ چائے کی پیالی میں اٹھائے جانے والا ایک طوفان ہے

از: محمّد بن قاسم، جستجو

لاہور 1940 کے بعد پھر ایک نئی قرارداد ِ پاکستان کا محرّک اورمستقر بن رہا ہے۔ تاہم قرارداد لاہور پاکستان کے وقت موجود مجمع برّصغیر قبل آزادی کے مسلمانوں کی اجتماعی سوچ و فکر، بصیرت، اور رہنمائی کا نمائندہ تھا۔ حالیہ زمانہ میں متحدہ قومی موومنٹ، مسلم لیگ نون، اور پھر تازہ ترین تحریک انصاف کے اجتماعات اس قسم کے انقلابی عزائم کا مقابلہ نہیں کرسکتے۔ اس ملاحظہ کے باوجود، یہ جلسے اس امر کی غمّازی کررہے ہیں کہ موجودہ سیاسی جماعتوں کے رہنما پاکستان کے مستقبل کے بارے میں فکرمند ہیں۔ اور وہ اپنی اپنی ڈفلی اپنا اپنا راگ، گا بجا کر، عوامی توجہّ اپنی جانب مبذول کرکے کوئی نہ کوئی معنی خیز تبدیلی لانا چاہتے ہیں۔

تاہم، بد قسمتی سے تمام رہنما کسی نہ کسی طور پر کُل پاکستان مرکزی پلیٹ فارم کے بجائے اپنی اپنی زمینی پناہ گاہوں اور حواریوں کے گھیرے میں رہ کر مرکزی حکومت کے خواب دیکھ رہے ہیں۔

1976 میں جب پیپلزپارٹی نے قبل از وقت انتخابات کا اعلان کرکے سیاسی میدانوں میں اکھاڑے سجادیے، اس وقت متحدہ اپوزیشن پلیٹ فارم کے جلسوں میں عوام ایک بڑی تعداد میں شرکت کررہے تھے۔ اور آمرانہ اور جابرانہ طرزحکومت کے خلاف عوامی ووٹ پڑگئے، جنہیں جعلی نتائج سے شکست دینے کی کوشش کی گئی، اور اس کا ردّ عمل بڑے پیمانہ پر عوامی احتجاج، اور ایک اور طویل وتاریک مارشل لاءدور کے آغاز کی صورت میں ہوا۔ اب یہ سوال پیدا ہوتا ہے کہ کیا موجودہ سیاسی رہنما تمام پاکستان میں اپنی مقبولیت کے جھنڈے گاڑ سکیں گے، یا پھر یہ عمران خان جیسے نئے نویلے رہنما کی جانب سے ایک کھوکھلا چیلنج ثابت ہوگا! جلسوں میں حاضرین کی تعداد سے زیادہ یہ فیصلہ آئندہ انتخابات کے بیلٹ بکسوں میں موجود، صحیح یا غلط ، ووٹوں کی گنتی پر ہوگا۔

پاکستان پیپلز پارٹی کی موجودہ حکومت، اور اس کی ایک ناقابل یقین حلیف، پنجاب میں قلابازی کھاجانے والی، مسلم لیگ ق، کے چیدہ چیدہ لیڈروں کے کردار کا ریکارڈ ، جعلی ڈگریوں، ان کی کھوکھلی بصیرت اورسطحی علم، مالی بدعنوانیوں، وغیرہ کی وجہ سے نہ صرف ایک عام پاکستانی بلکہ غیرملکی رہنماحضرات کے نزدیک بھی قابل احترام نہیں سمجھی جاسکتی۔ اسی لیے پڑھے لکھے پاکستانی کراچی میں منعقد کیے جانے والے متحدہ، پیپلزپارٹی، اور قلابازی لیگ کے مشترکہ قوت کے مظاہرے دیکھ کر حیران ہیں۔ ان مظاہروں سے، اور پیپلزپارٹی کے چند کارکنوں کے حالیہ کرداروں سے پاکستانی سیاست میں مرکزیت کمزور ہوتی جارہی ہے۔ یہاں تک کہ خود وزیراعظم بھی اپنے آبائی علاقہ میں ایک نئے صوبہ، اور اس میں مستقبل میں اپنی خاندانی سیاست کی مضبوطی کے خواب دیکھ رہے ہیں۔ یہ تقسیم نیک نیتی پر مبنی نہیں، اور دشمنانِ پاکستان کے لیے شادیانے بجنے کے مترادف ہے۔

پاکستان میں سابقہ نیم فوجی حکومت نے سابق جنرل و صدر، پرویز مشرف، کے دور میں برقی میڈیا میں جو انقلاب برپا کیا، اس نے خود اس کے لیے ایک وقت شدید مشکلات پیداکیں، مگر عوام کو باشعوربنادیا۔ میڈیا میں سازوآواز سے مزین تصاویر نے عوام کی توجہ اپنے ساتھ کچھ اس طرح چسپاں کرلی ہے کہ اب تمام سیاسی افراد بھی اس کے طریقہءکار کی نقّالی کرنے پر مجبورہیں۔ اداکاروں کی طرح جسمانی حرکات و سکنات، مکالموں کی پرزوراور ریہرسل پرمبنی ادائیگی،روشنیاں ساز و آواز، اشعار وگیتوں کا بے سرگانا، پروفیشنل موسیقاروں کی دلآویز ادائیگی، یہ سب آج ان سیاسی جلسوں کا لازمی جزوبن چکے ہیں۔ قیام پاکستان کے وقت بھی شعراءکرام اپنی نظموں سے آزادی کے جذبوں کو مہمیز دیا کرتے تھے، اور لوگ ان پر سر دھنتے تھے۔ تاہم آج کی موسیقی اور گیت وقتی تاءثر تو چھوڑ سکتے ہیں، مگر وہ زیادہ دیر قائم نہیں رہ سکتا۔

متحدہ قومی موومنٹ کا لاہوری جلسہ متوقع کامیابی حاصل نہ کرسکا تھا۔ تاہم ایسے مواقع متحدہ اپنے قیام کے اوائل سے دیکھ چکی ہے، اور وہ جہد مسلسل پر یقین رکھتے ہوئے بعد میں زیریں سندھ کی حدتک کامیاب رہی ہے، اور وہ پاکستان کے دیگر حصّوں میں بھی مشکلات کے باوجود اپنی سیاسی جدّوجہد جاری رکھے گی۔ مسلم لیگ نون، جس کا نام ہی ایک قابل بحث امر ہے اور پاکستان کے ایک مشہورومقبول ادیب کمال احمد رضوی کے طنزومزاح سے بھرپور ڈراموں الف نون کی بوجوہ یاد دلاتا ہے، اپنے جلسہ میں تنہاپرواز کرنے میں مصروف رہی، اور اسے بھی کامیابی کے اعلیٰ درجہ پر فائز قرار نہیں دیا جاسکتا۔ دوسری جانب تحریک انصاف کا 30 اکتوبر2011 کا جلسہ اس کی اپنی سیاسی مقبولیت اور شرکاءکی تعداد کے معیار سے کامیاب کہا جاسکتا ہے۔ اس جلسہ میں مقبول نوجوان فن کاروں کی موجودگی اور ادائیگی نے اسے ایک دل چسپ میڈیا ڈرامہ بنادیا۔ اور شرکاءکی دل چسپی آخرتک برقراررہی۔ اس ڈرامہ کے مصنّف، ہدایت کار، اور اداکاروں نے مجموعی طور پر ایک پُراثر پرفارمنس دی۔

تحریک انصاف کے رہنما، عمران خان، ایک ایسا ایجنڈا پاکستانی عوام کے سامنے پیش کررہے ہیں، جو نوجوان نسل کے لیے ایک دل چسپ پیغام رکھتاہے۔ مگر وہ بزرگ پاکستانی جنہوں نے پاکستان کی سیاسی ہل چل کو ایک طویل زمانہ سے دیکھا ہے، یا اس کا مطالعہ کیا ہے، وہ یہ جان چکے ہیں کہ ایک ایسا ایجنڈا پیش کرنا جو اس سے پہلے، بطور مثال، ایوّب خان (دوست، آقانہیں)، ذوالفقار علی بھُٹّو (عوامی اور مزدوروں کی بیداری)، پرویز مشرف (ایک بنیادی عوامی بلدیاتی نظام اور پانی کے ذخیروں اور بجلی کے ذرائع اور معدنیات کا استعمال) ، گیلانی /زرداری ( بلوچستان کی ترقی کا مالی پیکیج)، سنگاپور کے سابق وزیر اعظم لی کوان یو کے اقدامات (غیرملکی قرضوں اور بھیک سے چھٹکارا) وغیرہ سب آزمودہءکار نعرے ہیں۔ آج کا ایک نوجوان ان نعروں کو نیا اور انقلابی سمجھ کر دھوکہ کھاسکتا ہے، یا پاکستان کے لیے منفی سوچ رکھنے والے تھکے ہوئے جسم و ذہن بھی اسی قسم کا ایک سطحی عارضی تاءثر قائم کرسکتے ہیں جیسا کہ کسی بھی دل چسپ فلم کو دیکھ کر سنیما ہال سے نکلتے ہوئے احساس ہوتاہے۔ جب تک آپ گھر پہنچتے ہیں، یہ احساس کمزور تر ہوتا چلا جاتا ہے۔

چنانچہ، ہمارے پیارے دوستو، شہزاد رائے اور بلال مقصود اور فیصل کپاڈیہ کے مقبول گیتوں کھڑارہ تو کھڑارہ، میں بھی دیکھوں گا، کے برعکس پاکستان ایسے ہی چلتا رہے گا، کیونکہ آپ بھی ووٹ ڈالتے وقت اپنی برادری کے گھیرے سے نہ نکلیں گے، اور کوئی بھی ایک سیاسی پارٹی ایسی اکثریت حاصل نہیں کرسکے گی جو معاشرہ میں ایک انقلابی تبدیلی لانے کے لیے ضروری ہے۔ اگر صرف پاکستان کے چند اہم اداروں (زیریں عدلیہ، پولیس، اسٹیل مل، پی آئی اے، ریلوے ، وغیرہ) ہی میں صفائی آپریشن کیا جائے تو ہزاروں بے عمل اور بے عقل افراد بے روزگار ہوجائیں گے، اور معاشرہ ایک نئی مصیبت سے دوچارہوجائے گا۔ کیا ہمارے برادری ، قبائلی، اور لسّانی معاشرہ میں کوئی صاف ستھرا امریکی شیرف جیسا غیرجانب دار تھانہِ دار مقامی طور پر منتخب ہوسکتا ہے؟ اگر تحریکِ انصاف بھی برسرِ اقتدار آگئی تو اپنے بظاہر انقلابی ایجنڈا کو عملی جامہ پہنانے کے لیے پولیس وعدلیہ کے بجائے کیا آسمان سے فرشتے لاکرکام کرے گی !۔

ہر انتظامی انتخاب بھی کسی نہ کسی سیاسی پلیٹ فارم کا مرہون ِ منّت ہوتاہے، جیسا کہ ہمارے حالیہ کامیاب بلدیاتی نظام نے اب تک ثابت کیا۔ انہوں نے مقامی جڑیں ہونے کی وجہ سے کچھ نہ کچھ کام ضرورکرڈالا۔

چنانچہ اگر آپ ان پاکستانیوں میں سے ہیں جو تحریک انصاف کی شکل میں کسی انقلابی تبدیلی کی نوید سن رہے ہیں، کسی خوش فہمی میں مبتلا نہ رہیں۔ تحریک انصاف اس وقت بھی کل پاکستان پلیٹ فارم پر عمران خان کے علاوہ کوئی پرکشش رہنما اور کارکنوں کا ہجوم نہیں رکھتی۔ ہاں شاید پاکستانی خفیہ قوتیں جو موجودہ سیاسی سیٹ اپ سے تنگ آچکی ہیں، اپنی حمایت اور وزن خاموشی سے انصاف کے پلڑے میں ڈال دیں۔ ہاں جاتے جاتے ہم یہ یاد دلاتے چلیں کہ امریکہ میں مقیم ایک نوجوان لڑکی بھی اپنی آنکھوں میں اپنے مبینہ باپ سے ملنے اور اس کے سائے میں رہنے کے خواب سجائے ہوئے ہے، اور وہ بھی ان ڈراموں کو دل چسپی سے دیکھ رہی ہے۔ اور پاکستانی عوام تحریکِ انصاف کے رہنما کی تمام اولاد کو بھی ایک کامیاب متحدخاندان اوراخلاقی قوت کے مظہر کے طور پران کے شانہ بشانہ کھڑا دیکھنا ضرور چاہیں گے۔

تمام پاکستانی سیاسی پارٹیوں کا ایک امتحان یہ بھی ہے کہ وہ لاہوری طرز کے جلسے، پشاور، کوئٹہ،ا ور کراچی میں بھی کردکھائیں۔

٭

جستجو: حکمت و دانش سے بھرپور تحریریں: جملہ حقوق مصنف اور جستجو میڈیا کے نام محفوظ
”عوامی وسیاسی ہل چل! “: اتوار، 30 اکتوبر 2011
(c) 1997-2011 - Justuju Media: JustujuTv@gmail.com - Justuju 009-2011
All Rights Reserved - (C) Justuju Publishers / Justuju Media

Justuju Web TV Channel
A Project of Justuju Media

HASHIM SYED MOHAMMAD BIN QASIM
Justuju Media

Researcher, Writer, Publisher, Sociologist, ICT and O&D Consultant
Current Affairs Analyst, Radio Islam International, Johannesburg, South Africa
Contributing Editor: Urdupoint.Com

Justuju Media Projects جستجو میڈیا کے پراجیکٹس

The Justuju Media جستجو میڈیا Channel at YouTube
http://www.youtube.com/user/JustujuTv

The Justuju Family Consultancy Project
http://www.adamhawwa.com

The Legend of Akhgar
http://akhgars.blogspot.com/
A Tribute to American Sufi Urdu Poet
Sayyid Mohammad Hanif Akhgar Maleehabadi

American Humor
http://justuju-americanhumour.blogspot.com/
The Best of American Humour Brought to You in Urdu

Saudi Arabia: Discovering its Soul
http://zargrifth.blogspot.com/
Based on a legendary book about Saudi Arabia "Zar Grifth"

Canadian Urdu Poetry - Kulliyaate Ashar
http://justuju-kulliyaateashar.blogspot.com/
Beautiful Poems / Ode of Syed
Mohammad Munif Ahaar Malihabadi
Toronto Canada

Kalaame Musavvir
http://mosawwerhomepage.blogspot.com/
Maulana Musavvir's Poetry Rediscovered
Urdu Poetry from early 20th Century

Wrestling Diabetes
http://wrestlingdiabetes.blogspot.com/
Ziabetes Kay Saath Saath
Dr. Abid Moiz's Landmark Urdu Book on Diabetes Presented
by Justuju

JIRGA جرگہ

2011-08-13T13:27:00.002+05:00

جستجو

حکمت اور دانش سے بھرپور تحریریں

جرگہ

پاکستانی معاشرہ کی ”نیم حکیم“ عدالتوں کے طبیبوں اورمریضوں کا ایک احوال ، اور ایک انوکھا پہلو

یوم آزادی پر آپ کے غوروفکر کے لیے ایک تحفہ

از: محمّد بن قاسم، جستجو

JustujuTv@gmail.com

ایک سخت گرم دن کی صورت میں جھلسادینے والی تپش برساکر اب سورج مغربی پہاڑوں کے پیچھے چھپنے کی تیّاری کررہا تھا۔ اس کا سُرخ چہرہ اس امر کی غمّازی کررہا تھا کہ وہ اپنا کام نامکمّل چھوڑ کر جانے پر سخت غُصّہ میں ہے، اور وہ دوسرے دن ایک بار پھر تپادینے والا عذاب لے کر آدھمکے گا۔ فی الوقت پہاڑوں اور ان کے دامن میں واقع وادیوں میں بسنے والے انسان، جانور، چرند و پرند، اپنی اپنی پناہ گاہوں کی جانب رواں دواں تھے۔

سمندر خاں نے ایک پہاڑی چٹان کے چھجّے کے نیچے ایک عارضی سایہ گاہ سے اپنی رائفل اٹھا کر اپنے کندھے پر ڈالی، اور پانی کی چھاگل اُٹھا کر اپنے منہ سے لگا کر اس سے چند قطرے پانی پینے کی ایک ناکام کوشش کی! چھاگل خشک ہوچکی تھی، اس خالی چھاگل کو بھی اس نے اپنی کمر سے بندھی ایک بیلٹ سے لٹکالیا، اور ایک موٹے سے ڈنڈے کی مدد سے اپنی بھیڑبکریوں کے گلّے کو جمع کرنا شروع کردیا۔ جلد ہی وہ اس ریوڑ کے کے پیچھے چلتا ہوا اپنے گاؤں کی جانب چل پڑا۔ وہ تاریکی ہوجانے سے پہلے ہی، جلد از جلد، گھر پہنچ جانا چاہتا تھا۔ ایک اور گرم دن میں جانوروں کی دیکھ بھال کرنے کے بعد اس وقت پیاس سے اس کا حلق خشک تھا، اور اس بُرے حال میں وہ بھوک بھی محسوس کررہا تھا۔

پہاڑی راستوں کے اونچے نیچے، پیچ درپیچ راستوں اور دشوارگذار پگڈنڈیوں پر چلتے ہوئے اس کے تھکے تھکے قدم اپنے ریوڑ کا بمشکل ساتھ دے پارہے تھے۔ جب کہ دور سے نظر آنے والا، گاؤں کے جھونپڑوں سے بل کھاتے ہوئے اُٹھتا ہوا دھواں اسے گھر کی جانب بڑھنے کی ہمّت عطا کررہا تھا۔ اس کے گھر پہنچتے پہنچتے اندھیرا مکمّل طور پر چھاچکا تھا، اور گاؤں کے آوارہ کُتّے بھونک بھونک کر اپنی بے چینی اور گرسنگی کا اظہار کررہے تھے۔ وہ کُتّے گاؤں کے مکینوں کی جانب سے رات کے کھانے کے بعد کچھ بچے کھچے روٹی کے ٹکڑوں میں اپنا بھی حصّہ ملنے کی اُمّید کررہے تھے۔ سمندر خاں کا گاؤں، سردار کلے، نزدیک ترین شہری آبادی سے 50 کلومیٹر کے فاصلہِ پر واقع تھا۔ مگر یہ فاصلہ کسی سیدھی، پکّی کیا، کچّی سڑک کی طرح بھی نہ تھا۔ اسے صرف پیدل، یا گھوڑوں، گدھوں، اور خچّروں کی مدد سے ہی بمشکل طے کیا جاسکتا تھا۔ اس علاقہ میں آزادی سے پہلے کسی جیپ کا گزر ہوا ہو تو ہوا ہو، مگر آزادی کے بعد سے قبیلہ کے بڑوں کی جانب سے کسی بھی مشینی گاڑی کو یہاں آنے جانے کی اجازت نہ تھی۔ کسی بھی مریض، اور خصوصی طور پر حاملہ خواتین، بوڑھوں اور بچّوں کو کسی بھی ہنگامی صورت حال میں شہری ہسپتال تک لیجانے میں ہی اکثرمریض اپنے جان سے ہاتھ دھو بیٹھتے۔

سمندرخاں نے اپنے گھر کے دروازے پر جاکر ہلکے سے دستک دی۔ جانوروں کا ریوڑ نزدیک ہی واقع ایک کچّی دیوار کے احاطہ میں محفوظ کردیاگیا تھا۔ ” آجا بیٹا“، اس کی عمر رسیدہ ماں کی ایک نحیف سی آواز سنائی دی۔ السّلامُ علیکم کہتے ہوئے وہ ماں کے سامنے سے سرجھکا کر گزرگیا۔ اس کی ماں گزشتہ کئی روز سے کھانسی اور بخار کا شکارتھی، اور وہ اسے شہر سے دوائیں لاکر دینے، یا اسے خود ڈاکٹر کے پاس لیجانے یا کسی مناسب ہسپتال لے جانے سے بھی قاصررہا تھا۔ جانوروں کو چارہ کھلانے، اور ان کی دیکھ بھال کرنے کے لیے روز باہر لے جانا ضروری تھا، اور وہ اس بلاناغہ روزینہ میں تعطیل کرنے سے اپنے آپ کو عاجز پاتا تھا۔ شہر کے ہسپتال جانے اور آنے کا مطلب کم از کم تین روز کا سفر تھا۔ وہ گاؤں کے خان کا اس قدر مقروض ہوچکا تھا کہ اُسے جلد ہی اپنے جانوروں کے ریوڑمیں سے چند بہترین جانوروں کو فروخت کرکے قرضہ کی ایک موٹی قسط اداکرنے کا انتظام کرنے کا سوا کوئی چارہ کار نظر نہ آتا تھا۔

سمندرخاں کی بیوی ثمینہ شاہین نے آگے بڑھ کر اسے پانی سے بھرا ایک پیتل کا پیالہ پیش کیا، جسے پیاسے سمندرخاں نے آب حیات کی طرح فوراً اپنے منہ سے لگالیا۔ اس دوران ثمینہ نے اس کے پاؤں سے چپلیں اتارکر ایک کنارے کردیں، اور بولی: ” سمندرخانا، تیری یہ چپلیں اب جواب دے گئی ہیں ۔ ۔ انہیں بدلنا ہی پڑے گا۔ آئندہ شہرکے دورہِ میں ایک نیا جوڑا لانا نہ بھولنا۔“ سمندرخاں نے ثمینہ پر ایک پیاربھری نرم نظر ڈالی، اور پھر اپنے آبلے پڑے پیروں کو پانی سے نتھار کر ایک سخت چارپائی پردراز ہوگیا۔ ماں کے لیے دوا، اس کا علاج، بیوی کے لیے کپڑے، بیٹے دریا خاں کے لیے کتابوں کا خرچ، ایک نئی خودکاربندوق اور کارتوسوں کا ذخیرہ ، خراب موسم میں جانوروں کے چارہ کا بندوبست، خان کا سودسے لدا قرضہ، گھر کے لیے آٹے دال کا بندوبست، یہ تمام کام وہ کس خوش قسمت دن مُکمّل کرسکے گا ! یا پھر وہ بھی اپنے آبآواجداد کی طرح کسی سخت پہاڑی کے دامن میں اپنی حسرتیں، ناتمام خواہشیں، سینہ میں دبائے ہمیشہ کے لیے سکون کی نیند سوجائے گا!! ” آ، سمندر خانا، روٹی کھالے“، ثمینہ کی پیارودرد بھری آواز نے اسے سوچوں کے دھاروں سے حقیقت کے کنارے لا پھینکا۔ وہ پیاز، مرچ،ٹماٹر، اور دہی کی لذیذ چٹنی گرماگرم موٹی سی روٹی کے ساتھ کھاکر، کنویں کا پانی مٹکے سے پی کر ، خدائے بزرگ وبرتر کا شکربجالایا۔ جلد ہی وہ تمام فکروں سے آزاد، دنیا و مافیہا سے بے خبر نیند کی گود میں جاچکاتھا۔ دوسری جانب دنیا، تیزی سے چکراتے ہوئے، سورج کے گرد اپنی گردش کا ایک اور چکّر مکمّل کرکے ان سنگلاخ پہاڑوں کے باسیوں کو ایک اور نئے گرم دن کا سامنا کرانے کے لیے بے چین سی نظرآرہی تھی۔

سمندرخاں اکثر خوابوں کی دنیا میں پہنچ کر اپنی ناآسودہ خواہشات کوتکمیل پاتے دیکھتا۔ مگر ان خوابوں میں بسااوقات اُسے خوف زدہ کرنے والے عفریت بھی نظرآتے۔ گزشتہ دنوں اس نے وادی کے اوپر سے پرواز کرتے ہوئے ایک بڑے سے طیّارے کودیکھا، اور پھر اپنے زخم خوردہ پیروں اور ٹوٹی پھوٹی چپّلوں کو دیکھ کراس کی آنکھوں میں آنسوﺅں کے چند قطرے درآئے۔ جنہیں اس نے سُرعت سے پونچھ ڈالا، اور اپنے اطراف کا جائزہ لیا کہ کوئی دیکھ تو نہیں رہا۔ کیا ہم اپنی اس قسمت کو بدل نہیں سکتے، کیا ہم ان اڑان بھرتے فولادی عُقابوں میں آسمانوں کو چھُوتے نظرآتے افراد سے کسی طور بھی دم خم میں کم ہیں، ! صبح فجرکی اذان سے اس کی آنکھ کھلی تو اس کا تکیہ آنسوؤں سے بھیگا ہوا تھا۔ ”شاید دریا خان ہی پڑھ لکھ کر ایسے جہاز اڑانے والا جواں بن جائے ۔ ۔ ۔ پھر تو میں ماں اور ثمینہ کے ساتھ ہمیشہ اس کے جہاز ہی میں رہا کروں گا“، اس کے دل میں ایسی ہی بچکانہ خواہشات کا ایک تانتا سا بندھا رہتا۔ شہر سے وہ کبھی کبھی پرانے اخبارات اور رسالے لے آتا، اور وہ اور ثمینہ ان چھپی ہوئی رنگین تصاویر دیکھ کر ہوائی قلعے بناتے، اور خیالی پلاؤپکاتے۔ سمندرخاں کو ایسے اخبارورسائل کو اپنے قبیلہ کے بزرگوں سے چھُپاکررکھنا پڑتا، کیوں کہ اُن کے نزدیک یہ تصاویر دیکھنا کفر کے مترادف تھا۔ گاؤں میں سڑک بننے کا تصوّر ہی محال تھا، اور اس کے بغیر جدید شہری زندگی کی کسی بھی سہولت، اسکول، ہسپتال، اشیائے صرف، ڈاک، اور غیروں کا آناجانا، سب کچھ ہی ناممکن تھا۔قبیلہ کے بزرگ اور اکثرارکان ومکین اپنی کٹّر روایتوں کے امین تھے، اور کسی بھی روایت شکن کو بڑی سے بڑی سزا دینے سے گُریز نہ کرتے۔ گاؤں میں آئے دن جرگہ لگتا، جس میں سردارکلے کا خان اور جرگہ کے دیگر ارکان ایک دائرے میں بیٹھ کرمختلف جھگڑے چکاتے، الزامات عائد کرتے، اور پلک جھپکتے ہی من مانے فیصلے سناتے، اور مزاج اور موسم کے مطابق مختلف النّوع سزائیں دے ڈالتے۔ کبھی کبھی ایسی بیٹھکوں میں مقامی پولیٹیکل ایجنٹ، اور پارلیمانی رکن گل خان بھی موجود ہوتا۔ یہ شخص اسمبلی کا رکن بن جانے کے بعد اب گاؤں میں کم کم ہی نظر آتا اور کسی نہ کسی رسمی کام کے بہانے شہر ہی میں رہائش پذیر رہتا۔ وہ اور اس کا تمام خاندان اب شہر میں رہائش اختیار کرچکے تھے، اور ان کی موجودہ زندگی کے بارے میں قبیلہ کے ارکان کم ہی جانتے۔ رکن اسمبلی بن جانے سے پہلے گاؤں میں سڑک کی تعمیر، اور ترقّیاتی کاموں کی مُخالفت میں یہ شخص اور اس کے حواری سب سے بڑھ چڑھ کر حصّہ لیتے، اور گل خان روایت شکنوں کے لیے سخت سے سخت جسمانی اور مالی سزا تجویز کرنے سے نہ چُوکتا۔

فجر کی نماز کی ادائیگی کے بعد مسجد میں اعلان کیا گیا، کہ آج بھی جرگہ منعقد ہوگا، اور اس میں کئی مقدمات پیش کیے جائیں گے۔ چنانچہ تمام مرد افراد مسجد کے قریب میدان میں ایک گھنٹہ بعد جمع ہوجائیں، تاکہ دن چڑھنے سے پہلے اور گرمی کے بڑھ جانے سے پہلے ہی کام مکمّل کیا جاسکے۔ سمندرخاں بھی چائے کی ایک پیالی اور سوکھی روٹی سے ناشتہ کرنے کے بعد میدان کی جانب چل پڑا۔ گاؤں کے سب اہم افراد جمع ہوچکے تھے، اور چند بزرگ اشخاص آپس میں چہ می گوئیاں کررہے تھے۔ سمندرخاں سرجھکائے میدان میں پہنچ کرایک جانب بیٹھ گیا۔ اس کے ذہن میں یہاں سے فارغ ہونے کے بعد کئی ضروری کام تھے، جن میں شہر جانے کا انتظام کرنا، چپلّوں کا ایک نیا جوڑا لانا، چند جانوروں کو فروخت کرکے دواؤں اور دیگر ضروریات زندگی کی خریداری بھی شامل تھی۔ سمندر خاں کے آجانے پر کئی بزرگوں کی نظریں اس کی جانب اُٹھ گئیں، مگر خاموش طبیعت، خوابوں کی دنیا کا باسی سمندرخاں اپنی سوچوں میں گُم، سرجھکائے اور اپنی نظریں زمین پر گاڑے جرگہ کی کارروائی کے انتظار میں گھڑیاں گنتارہا۔

شاید وہ اسی طرح سوچوں میں گُم رہتا، اور جرگہ کے اختتام پر گھر چلاجاتا، مگر وہ اپنا نام سن کرچونک اُٹھا، اور گھبراہٹ میں کھڑاہوگیا۔ ” یہ میرا نام کس سلسلہ میں لیا گیا ہے“، وہ ابھی یہ سوچ ہی رہا تھا اور اس کی زبان نے ان الفاظ کو ابھی ادا تک نہیں کیا تھا کہ ایک بزرگ کی کرخت اور تحکّمانہ آواز نے اُسے مؤدّبانہ انداز میں بیٹھ جانے کی ہدایت کی۔ ”سمندر خاں، تمہارا بیٹا دریا خاں کافی عرصہِ سے گاؤں واپس نہیں آیا ہے، اور یہ پتہ چلا ہے کہ تم شہر سے اخباراور رسالے بھی لاکر دیکھتے اور پڑھتے رہتے ہو! پھر گزشتہ کئی ماہ سے تم نے سردار کا قرضہ بھی ادا نہیں کیا۔ کیا تمہیں اپنی صفائی میں کچھ کہنا ہے؟! “ سمندر خاں ابھی تک اس اچانک اُفتاد پر بحرءحیرت میں غوطے کھارہا تھا۔ اس نے اپنے حواس مجتمع کیے، اور اپنی پھٹی پرانی چپّل کو پاؤں میں گھسیٹتے ہوئے درست کیا، اپنی پگڑی سرپر ٹھیک کی، اور کھڑا ہوگیا۔ ” جناب، دریا خان تو ایک بڑے شہر میں کچھ کام کرنے اور پیسے کمانے گیا ہے۔ اور یہ پرانے اخبار اور رسالے تو اشیائے صرف کی خریداری کے وقت کاغذی تھیلوں اور ورق کی طرح لپٹے چلے آتے ہیں۔ جہاں تک قرضہ کا تعلّق ہے تو میں آج ہی شہرجاکر کچھ جانور بیچ کر گزشتہ اقساط ادا کردوں گا۔ میری ماں بھی بڑی بیمار ہے، اور مجھے اس کے لیے دواؤں کا انتظام بھی کرنا ہے۔ مجھے اس بارے میں ایک ہفتہ کی مہلت اور دی جائے۔ میں اور دریا خان مل کر یہ تمام قرض جلد ہی ادا کردیں گے، انشااللہ۔“ مگر اسے یہ دیکھ کر مزید حیرت ہوئی کہ جرگہ کے اراکین اور قرض خواہ کسی بھی ہمدردی کے مُوڈ میں نہ تھے۔ ’ ’ معلوم ہوا ہے کہ دریا خان شہر میں کام کرنے نہیں، بلکہ پڑھنے گیا ہوا ہے۔ چنانچہ ایک تو وہ بلا اجازت گاؤں کی تہذیب اور روایتوں سے فرار حاصل کرکے ان کی خلاف ورزی کا مُرتکب ہورہا ہے۔ اور دوسرے یہ بھی کہ وہ پڑھتے لکھتے کس طرح تمہاری کوئی بھی مالی مددکرسکے گا!!“ ابھی یہ جملے فضاء میں گونج ہی رہے تھے کہ ایک اور بلندآواز اٹھی: ” اس امر کی بھی کیا ضمانت ہے کہ تم شہر جانے کے بعد واپس بھی آؤ گے!!!“ یہ رکن پارلیمان ، گل خان کی آواز تھی۔ گزشتہ دنوں وہ اپنے پارلیمانی اقتدار اور طاقت کے نشہ میں شہر سے ایک پجیرو جیپ کسی نہ کسی طرح گاؤں کے اطراف تک لے آیا تھا۔ اس نمود ونمائش کا خمیازہ اسے جرگہ کی جانب سے ایک بڑے مالی جرمانہ، اور تمام بزرگوں اور مکینوں سے معافی مانگنے کی شکل میں دینا پڑا تھا۔ اس معاملہ کی آگ ابھی تک اس کے سینہ میں جل رہی تھی، اور وہ اس وقت سمندرخاں کے اوپر اپنا یہ غُصّہ بھی اتاردینا چاہتا تھا۔

ابھی دیگر معاملات بھی نمٹائے جانے تھے، اور سورج اب سرپرآتا جارہا تھا، فضاء میں تمازت اچانک بڑھ گئی تھی۔ سمندرخاں نے اپنی پگڑی کو، جو اب اس نے سر سے اتار کر اپنے ہاتھوں میں پکڑی ہوئی تھی، اور وہ اسے بے چینی سے گھما پھرارہا تھا، ایک طرف کرکے اپنی پیشانی پر سے پسینہ کو پونچھا۔ جذباتی تلاطم کی وجہ سے اس کے سینہ میں دل زور زور سے دھڑک رہا تھا۔ اب جرگہ کی کسی ممکنہ سخت فیصلہ کی تلوار اسے اپنے سر پر لٹکتی محسوس ہورہی تھی۔ اس نے زیرلب آیتہ الکرسی کی تلاوت شروع کردی،ا ور اللہ سے مدد چاہی۔ ” ٹھیک ہے، سمندرخاں“، جرگہ نے فیصلہ سنادیا، ” تم اپنے تمام جانور یہاں ضمانتاً چھوڑ کر جاؤ، اور دریا خان کو گاؤں لے کر آؤ۔ قرضہ کی رقم کے علاوہ، وعدہ خلافی اور روایات کی عدم پاسداری پر تم پر پچاس ہزار روپیے کا جرمانہ بھی عائد کیا جاتا ہے۔ “ جرمانہ کی اتنی بڑی رقم کے بارے میں سن کر سمندرخاں کا سرچکراگیا، اور اس نے بمشکل اپنے توازن کو برقرار رکھا۔ اُسے آسمان اور زمین گھومتی محسوس ہورہی تھی۔ آج سورج بھی آگ برسانے میں شقاوت سے کام لے رہا تھا۔

سمندرخاں نے اپنی بندوق اٹھائی، ماں کو سلام کیا، اور بیوی ثمینہ کو خداحافظ کہہ کر شہر کی جانب چل پڑا۔ اس کے ریوڑ کے تمام جانور گاؤں کے ایک شخص کے احاطہ میں بطورضمانت پہنچائے جاچکے تھے۔ شہر پہنچتے پہنچتے وہ ننگے پیر ہوچکا تھا، ٹوٹی چپّلیں اسے راستہ میں ہی ترک کردینا پڑی تھیں۔ شہر کے قریب پہنچتے ہی اس نے ایک چھوٹی سے مسجد کے صحن میں پناہ لی۔ چند نمازیں ادا کرکے اس نے آسماں کی جانب بے بسی سے دیکھا، اور اپنے مسائل اور وسائل کا جائزہ لینے لگا۔ قرضہ کے دس ہزار، جرمانہ کے پچاس ہزار، اور علاج معالجہ اور دیگر ضروریاتِ زندگی کے لیے بھی کچھ رقم درکار تھی۔ ” اب میں ایک لاکھ روپیہ کہاں سے لاؤں! اتنی بڑی رقم کا انتظام کسی نئے قرضہ سے بھی نہ ہوسکے گا، اور ایک غریب گاؤں کے باسیوں میں سے اس کی مدد کون کرسکے گا؟ “، وہ منہ ہی منہ میں بڑبڑایا۔ وہ اپنے گاؤں کے بزرگوں کے غیر منظقی مطالبات پر جھنجھلا رہا تھا۔ مگر یہی وہ رواج و روایات تھیں، جن پر اس کے گاؤں کے باسیوں کو فخر تھا، اور وہ سینہ پھُلائے ، سر اٹھائے، ان روایتوں کی ہر قیمت پر حفاظت کرنے کا بیڑا اٹھائے رہتے۔ گاؤں کی عورتیں کسی قسم کے حقوق کے لیے آواز نہیں اُٹھاسکتی تھیں۔ چاہے وہ کسی عام مرض میں مُبتلا ہوں، یا مرض الموت میں، کسی قیمت پر وہ اپنے پردے سے باہر آکر کسی غیر طبیب کو اپنا جسم نہیں دکھا سکتی تھیں۔ حاملہ عورتیں کسی قسم کی جدید طبّی سہولتوں سے مستفید نہ ہوسکتیں۔ نہ ہی وہ عورتیں کسی قسم کے انتخابات میں ووٹ دینے کی حق دارمتصوّر ہوتیں۔ بس قبیلہ کے لیے نسلِ انسانی کی افزائش کی بے زبان مشینیں سی بن کر رہ گئی تھیں۔ گل خان کی پارلیمانی رکنیت بھی علاقہ میں کوئی تبدیلی کی لہر نہ لاسکی تھی، اور پولیٹیکل ایجنٹ بھی زیادہ تر قبیلہ کے ہمہ وقت مسلّح افراد سے ڈر کر اپنی جان کی خیر مناتا رہتا۔ البتّہ گل خان کی اپنی ذاتی زندگی یکسر بدل چکی تھی، اور وہ اپنے قبیلہ کی لاعلمی میں سردار کلے کی قدیم تہذیب سے دور اب دارالحکومت کی چکا چوند میں گھُل مل چکا تھا۔ تاہم اپنے علاقہ میں آکر وہ روایتی رسم و رواج کے رنگوں کا ہی لبادہ اوڑھ لیتا۔

عشاء کی نماز کے لیے نمازی جمع ہوچکے تھے، سمندرخاں مسجد کے باہر بنے وضو خانہ سے نکلا تو اندھیرا چھایا ہوا تھا، اور جماعت کھڑی ہوچکی تھی۔ اس نے دیکھا کہ ایک شخص ایک چادر میں جلدی جلدی مسجد کے باہر پڑے کچھ جوتے چپلیں سمیٹ رہا ہے۔ سمندرخاں کی آنکھوں میں خون اُتر آیا، اور، وہ اسے خنزیر کا بچہّ کہتے ہوئے اس کے اوپر جھپٹ پڑا۔ وہ کمزور شخص جلد ہی قابو میں آگیا، اور کچھ کہنے کے بجائے صرف غوں غاں کرنے لگا۔ شاید وہ ایک معذور فرد تھا۔ سمندرخاں نے اسے یکہ بعد دیگرے دو چار تھپّڑ مارے تو وہ نیچے گر پڑا، اور پھر خود نہ اُٹھ سکا۔ سمندر خاں کو اس کی حالت پر افسوس ہونے لگا، اور اس نے آگے بڑھ کر اٹھنے کا سہارا دیا۔ ” آخرتم کو ایسی کیا مار پڑی ہے کہ تم مسجد کو بھی نہیں بخش رہا ہے؟“، سمندر خاں نے اس چور کی نم آلود آنکھوں میں آنکھیں گاڑتے ہوئے سختی سے پوچھا۔ مگر جواب ندارد۔ کچھ ہچکچاتے ہوئے، اس گونگے اور نحیف شخص نے ایک مظلومانہ خاموشی کے ساتھ اپنی قمیص اُٹھا کر اپنا پچکا ہوا پیٹ سمندرخاں کے سامنے کردیا۔ مسجد کے دروازے سے باہر آنے والی ملگجی سی روشنی میں یہ منظر دیکھ کر سمندرخاں کے غُصّہ کا طوفان کسی جھاگ کی طرح اچانک بیٹھ گیا۔ تھوڑی دیر بعد سمندر خاں مسجد کے باہر، اس شخص کے پیچھے تھکے قدموں سے چلا جارہا تھا۔ اس کے پیروں میں بھی ایک معمولی سی چپل نظر آرہی تھی۔ ” خدا مجھے معاف کرے“، وہ زیر لب بڑبڑارہا تھا۔

شہر کے بازاروں میں چراغاں کا سماں تھا۔ آزادی کے پچاس برس گزرجانے پر جشن طلائی منایا جارہا تھا۔ ریڈیو، ٹیلی ویژن دکانوں پر شور مچارہے تھے۔ خریداروں کا ہر طرف ایک ہجوم تھا، کھوے سے کھوا چھل رہا تھا۔ سمندرخاں نے بے فکری اورآزادی سے چلتے پھرتے، اور چمکتی دمکتی سڑکوں پر گھومتے ان مردوزن کو دیکھا، تو اس کے ذہن میں اپنے علاقہ کی حالتِ زار کا نقشہ کھنچ گیا۔ سرِ شام ہی اندھیرا، تنگ گلیوں میں کتّوں ، گیدڑوں، اور بھیڑیوں کا راج۔ ایسے میں کوئی مجبوری ہی اس اندھیرے میں کسی کو یہ خطرات مول لینے پر مجبور کرسکتی تھی۔ شہر کی جانب جانے والی پگڈنڈیاں اور راستے رات میں قطعی ناقابل عبور ہوتے۔ ان سوچوں میں گم اس کی نظر اچانک گل خان پر پڑگئی۔ وہ اپنے اہل خاندان کے ساتھ ایک چم چم کرتی لینڈ کروزر جیپ سے اتر کر ایک بڑی دکان میں داخل ہورہا تھا۔ گل خان کے لباس، اس کے اہل ِ خانہ کے زرق برق کپڑوں، بلا برقعہ بے پردہ سی بی بیوں اور بچّوں کو دیکھ کر وہ دنگ رہ گیا۔ اس کی عقل نے اس حقیقت کو قبول کرنے سے یک سر انکار کردیا کہ یہ وہی پڑوسی خاندان ہے۔ خود خوابوں کی دنیا میں رہنے کے باوجود، سمندرخاں ابھی تک شہری سیاسی قوّت اور اس کے نشہ سے ناآشنا ہی رہا تھا۔ وہ اپنے ہم قبیلہ کے سماجی روّیہ میں اتنی بڑی تبدیلی ہضم کرنے سے قاصر تھا۔ اس وقت اس کے سامنے صرف اور صرف جرگہ کا فیصلہ، اور اس کے دوران گل خاں کا سخت کردار چکّر کھارہا تھا۔ اس نے بمشکل اپنے آپ پر قابو پایا، اور اپنی چادر میں چھپی رائفل پر اپنی گرفت مضبوط کرلی۔ چادرمیں لپٹے ہوئے سمندرخاں کو کسی واقف کار کا پہچان لینا اس وقت ایک دشوار امر تھا۔ اس کے سینہ اور آنکھوں میں انتقام کی بجلیاں چمکنے لگی تھیں۔ وہ اس بڑے ڈیپارٹمنٹل اسٹور کے سامنے ہی ایک نیم تاریک گوشہ میں مورچہ بند ہوکر بیٹھ گیا، جس میں گل خان اپنے خاندان کے ساتھ داخل ہوا تھا۔

گل خان خاصی دیر بعد شاپنگ کے تھیلوں سے لدا پھندا ، اکڑتا ہوا برآمد ہوا۔ اس کے لیے اور اس کے اہل خاندان کے لیے ڈرائیور اور باڈی گارڈ نے آگے بڑھ کر بڑے ادب کے ساتھ، سر جھکائے ہوئے، نظریں نیچی کیے ہوئے، جیپ کے دروازے کھول دیے۔ ” اب ، یا کبھی نہیں“، سمندرخاں نے سوچا، اور اس نے رائفل کی نالی سامنے کرتے ہوئے جیپ کی جانب دوڑلگادی۔ کئی فائروں کی آوازیں بلند ہوئیں، اور ہجوم میں ایک بھگدڑ مچ گئی۔ سمندر خاں کی چلائی ہوئی گولیاں، سپر مارکیٹ کے جزوقتی سیکیوریٹی گارڈ، دریا خان، کے جسم میں پیوست ہوچکی تھیں۔ وہ مارکیٹ کے ایک خفیہ سیکیوریٹی کیمرے کی مدد سے خاصی دیر سے اس مشتبہ شخص کو دیکھ رہا تھا، جو مارکیٹ کے سامنے ایک تاریک گوشہ میں چھپا ہوا تھا۔ دریا خان زخمی ہوجانے کے باعث فوری طور پر ہلاک ہوجانے والے مجرم کو نہ دیکھ سکا تھا، جسے گل خان کے محافظوں نے قابو پانے کے بعد وہیں درجنوں گولیاں مار کر چھلنی کردیا تھا۔ تاہم، دریا خان کی حاضر دماغی کے سبب نامعلوم حملہ آور کی گولیاں گل خان کے بجائے دریا خان کے جسم میں پیوست ہوچکی تھیں۔ فوری طور پر سب نے ہی اس بہادر گارڈ کی جرأت و ہمّت کو سراہا۔

ہلاک ہوجانے والے حملہ آور کی شناخت ہوجانے کے بعد، اور کسی حد تک صحت یابی حاصل ہوجانے پر، دریا خان سردار کلے میں موجود تھا۔ اس کی دادی، اور ماں اپنے میلے اور پرانے کپڑوں اور چادروں کی اوٹ سے اسے دیکھ کر آنسو بہارہی تھیں۔ مسجد کے قریب میدان میں ایک اور جرگہ شروع ہونے والا تھا، اور مجرم خاندان کا واحد وارث دریا خان سرجھکائے، اس حادثہ میں اپنی ایک معذور ہوجانے والی ٹانگ موڑے ہوئے، اپنے خاندان کے مستقبل کی فکر میں گم، بیساکھی سے زمین کُرید رہا تھا، اور اپنی قسمت کے فیصلہ کا منتظر تھا۔ گل خان اور اس کے عزیزوں کی خوں آشام نظریں دریا خان کے چہرے پر جمی ہوئی تھیں۔ سورج اپنی تمام تر تمازت کے ساتھ تیزی سے مشرق سے ابھر رہا تھا، اور ہر قسم کے غمِ دوراں سے بے نیاز دور سربفلک پہاڑوں کی چوٹیاں سورج کی کرنوں سے چمکنے لگی تھیں، اور ایک بڑا سا طیّارہ ان زمینی کارروائیوں سے لاپروا مغرب سے مشرق کی جانب اڑا چلا جارہا تھا۔

جستجو: حکمت و دانش سے بھرپور تحریریں: جملہ حقوق مصنف اور جستجو میڈیا کے نام محفوظ

”جرگہ “: منگل، 9 اگست 2011

موٹرسائیکلیات ۔۔ ایک نیاپاکستانی طرزِزندگی

2010-03-06T00:22:00.008+05:00

ایک پاکبان کا پاکستان

محمّدبن قاسم

”زر گرفت“، سعودی عرب پر ایک انوکھی نظر کے مصنّف کے قلم سے ایک اور شگفتہ تحریر

بسم اللہ الرحمٰن الرّحیم

موٹرسائیکلیات ۔۔ ایک نیاپاکستانی طرزِزندگی

ربع صدی کے بعد پاکستان واپس آئے تو یہاں کئی انوکھی نئی اشیاءاور روّیے دیکھنے کوملے۔ ان اشیاءمیں سے ایک دل چسپ چیزایک ایسی سواری ہے، جس کا تفصیلی تعارّف ضروری ہے۔دنیا کے ہر ملک میں شاہراہوں پر چلنے اوردوسروں کا خیال رکھنے کے قوانین موجود ہیں۔ اسی طرح کے چندجنگل کے قوانین پاکستانیوں نے بھی بنا رکھے ہیں۔ ان پر عمل درآمد کس طرح ہوتاہے، اس کا مشاہدہ اور مطالعہ بھی ایک خاصے کی چیز ہے۔

یہ سواری ایک چھوٹے سے ٹٹو کے مشابہہ ہے، اور یہ ایک مشین ہے، جو یقینا پیٹرول سے ہی چلتی ہے۔ اچانک پیٹرول ختم ہونے پر اسے بائیں سمت لٹا دیا جائے تو یہ پھر چلنے کے قابل ہوجاتی ہے۔دروغ برگردنِ راوی، اس سلسلہ میں یہ سننے میں آیا کہ امریکی خلائی ادارہ، ناسا، کا ایک مشن بار بار ناکام ہورہا تھا۔ ان کا راکٹ اسٹارٹ ہی نہیں ہوتاتھا، اور تمام امریکی سائنسدان اور دانش ور اس مسئلہ کو حل کرنے میں ناکام رہے۔ اس وقت ایک پاکستانی جو یہ تمام مناظر اور جدوجہد دےکھ کر لطف اندوز ہورہا تھا، اس نے اس مسئلہ کو حل کرنے کی ایک تجویز پیش کی۔ ناسا، جو اس بارے میں سر لڑالڑاکر تھک چکاتھا، اس نے وہ تجویز منظورکرلی۔ راکٹ کو جھکاکرلٹادیا گیا۔ پھر نتیجہ تو آپ کو معلوم ہی ہے۔ امریکی سائنسدان پہلی مرتبہ چاند پر اترنے میں کامیاب

ہوئے۔

اسے مقامی باشندے ”موٹرسائیکل“ کا نام دیتے ہیں۔ تاہم اس پر سوار پانچ چھ افراد کو بغوردیکھنے سے یہ محسوس ہوتاہے کہ یہ اصل میں ایک کار رہی ہوگی، جس کا بیرونی ڈھانچہ نکال کر، اس کے دو عدد پہیّے بھی علیحدہ کردیے جاتے ہیں۔ اس طرح یہ کار پاکستان کے گرم موسم میں بلا کسی اضافی خرچ کے ایئرکنڈیشنڈہوجاتی ہے، اور ایندھن کی بچت بھی ہوتی ہے۔

یہ ہوادار سواری چلانے والاقانونی طورپر اس امر کا پابند ہے کہ وہ ایک حفاظتی خود، ہیلمٹ، پہنے ۔ مگر اس کے ساتھ بیٹھنے والے بقیہ افرادکے لیے ایساخودپہنناضروری نہیں۔ اس سے پتہ چلتاہے کہ پاکستانیوں نے یہ ایک ایسی سواری ایجاد کرلی ہے، جس پر بیٹھنے والا ہر بلاو حادثہ سے محفوظ ہوجاتا ہے۔ تاہم حیرت ناک طور پر ابھی تک یہ ایجاد اس سواری کے چلانے والے کی حفاظت کرنے سے قاصر ہے۔ اسی لیئے یہاں کی ٹریفک پولیس اس کاچالان کرنے کی پابند بنادی گئی ہے۔ تاہم، اگر ڈرائیور نے یہ حفاظتی خود نہ پہنا ہو تو بھی اس کی بچت ہوجاتی ہے، اگر وہ بانی ءپاکستان کی تصویر کا سہارا لے لے ۔ بعینہ، اگر کوئی پولس والا بھی اس پر سوار ہو تو اسے ہیلمٹ کی ضرورت نہیں رہتی؛ موٹرسائیکل اپنے سوار کی اکڑفوں سے ہی یہ جان لیتی ہے کہ اس پر کوئی پولیسیا سفر کررہا ہے، اور اسے ہر حادثہ سے محفوظ رکھنا ہے۔

پاکستانیوں کی زندگی میں قائد اعظم کا سہارا بہت اہمیت رکھتا ہے، اور اس کے بغیر وہ اپنی زندگی گزارنا پسند ہی نہیں کرتے۔ اس سے پاکستانیوں کا ان سے ازحد محبت کا اظہار ہوتاہے۔ یہ امر باقی دنیا کے لیے بھی قابلِ تقلید ہے، تاہم دیگر ممالک میں سے اکثر اس عمل کی افادیت کے بارے میں معلومات صفر کے برابر ہونے کے باعث وہ لوگ اسے ابھی تک قابلِ تحسین نہیں سمجھتے۔ مگر پاکستانی اس حقیقت سے مایوس نہیں، اور سنا گیا ہے کہ وہ اسی تصویر کے سہارے اپنے اس تصوّرکے بل بوتہ پرساری کائنات کو تسخیرکرلینے کا ارادہ رکھتے ہیں۔ تاہم، قائد اعظم بھی اپنی ان خدمات کو بلا معاوضہ نہیں پیش کرتے؛ ان کے عالی شان مزار پر بھوُلے بھٹکے آنکلنے والوں سے فیس وصول کرکے اس امراور تکلیف کی تلافی کردی جاتی ہے، اور بقول ایک پاکستانی کے،ان کا ”ہرجہ، مرجہ“ اس طرح نکل ہی آتاہے۔

اس سواری پرتین بالغ افراد، یا میاں، بیوی اور ان کے تمام بچّے سفرکرلیتے ہیں۔ اکثر ڈرائیور حضرات ایسے دیکھے جاتے ہیں جن کے ساتھ سفر کرلینے والی خواتین اپناایک ہی پیر بمشکل اس سواری میں لگے پائیدان پر رکھ سکتی ہیں۔ اس طرح طویل سفر میں ایک پائوں سُن ہوجانے سے ان کی تکلیف کم ہوکر آدھی ہی رہ جاتی ہے، اگرچہ کبھی کبھی ایسی خواتین کے پیر کسی فٹ پاتھ وغیرہ سے ٹکرا جاتے ہیں، اور ان کی چپلیں بھی گرجاتی ہیں۔ اس کے باوجود، یہ دےکھا گیا ہے کہ کچھ نادان سوار ایسا پائیدان بھی لگالیتے ہیں، جس پر خواتین دونوں پیر بھی رکھ سکتی ہیں؛ یقینا ایسے ڈرائیور اپنی ساتھی مسافر خواتین کے ہمدرد نہیں۔

پاکستان کے بڑے شہروں میں سڑکوں پر موٹرسائیکل چلانے کے لئے جگہ نہیں بچی ہے۔ چنانچہ، دیگر تمام گاڑیاں، جن میں کاریں، بسیں، ٹرک وغیرہ شامل ہیں، ان کے ساتھ ایک ایسے کھیل میں مصروف رہتے ہیں، جسے کسی سرکس کے موت کے کنویں سے تعبیر کیا جاسکتا ہے۔ اس کھیل میں موٹرسائیکل سوار کو خود ہی بچ بچ کر دوڑنا ہوتا ہے، اور بچ کر نکل جانا ہی اس کی جیت قرار پاتی ہے۔ تاہم، اس خونی کھیل میں اکثر جیت دوسروں کی ہوتی ہے، اور یہاں کے اخبارات روز ہی ایسی جیت کی خبریں شائع کرتے رہتے ہیں۔ اس کھیل سے لطف اندوز ہونے کے لیے آپ خود کسی موٹرسائیکل پر سوار نہ ہوں، تب ہی آپ اس ہار ، جیت کا تماشہ اپنی زندگی میں دیکھ سکتے ہیں۔

جب موٹرسائیکل پر دو بالغ سوار ہوں تو پیچھے بیٹھنے والا اپنی قمیص کے پچھلے حصّہ کو موٹرسائیکل کی پشتی روشنی، اور موٹرسائیکل کی نمبر پلیٹ پر ڈال دیتاہے۔ سنا گیا ہے کہ اس سے سواروں کی شناخت نہ ہونے سے ان کی عزّت برقرار رہتی ہے، اور اس طرح رات میں دیگر گاڑیاں بھی انھیں صحیح طرح نہیں دیکھ پاتیں، اور اس طرح اس کھیل کا مزا دوبالا ہوجاتاہے۔

اسی کھیل میں مخالف سمت سے آکر ڈرادینا ایک نہایت ہی مزے دار چال سمجھی جاتی ہے۔ یہ سواری چلاتے ہوئے اس امر

کو یقینی بنالیا جاتاہے کہ پیچھے سے آنے والی تیزرفتار ٹریفک قطعی نظر نہ آئے۔ اس مقصد کے لیے عقبی آئینے نکال دیے جاتے ہیں؛ جو نادان موٹرسائیکل سوار ایسا نہیں کرتے، ان کی مدد کے لیے دوسرے افراد آگے بڑھ چڑھ کر آجاتے ہیں، اور سوار کی نظر بچاکر اپنا کام کرجاتے ہیں۔ تاہم یہ رضاکارانہ مدد سواروں کو ایک آنکھ نہیں بھاتی، جس کا سبب ہماری سمجھ میں نہیں آیا۔ یہ ہی رضاکار بسا اوقات، شاید یہ سوچ کر کہ موٹرسائیکل سوار کی جان کسی حادثہ میں ضائع نہ ہوجائے، اس سے موٹرسائیکل لے کر اسے پیدل ہی گھر بھیج دیتے ہیں۔ جو احمق سوار اپنی جان سے کھیلنے سے باز نہیں آتے، اور ان رضاکاروں کواس نیک کام سے روکتے ہیں، وہ اپنے من کی مراد پاتے ہیں، اور ان رضاکاروں کے ہاتھوں مارے جاتے ہیں۔ کچھ دانش ور ایسا بھی کہتے پائے گئے کہ موبائل فون، اور موٹرسائیکل، پاکستانی ڈاکوﺅں کی امانتیں ہیں، جب تک آپ کا بس چلے انھیں جلد از جلد استعمال کرلیں، ورنہ وہ اپنی امانت کسی بھی وقت، بے وقت، لے کر چلتے بنیں گے۔

موٹرسائیکل سواروں کے ساتھ آنکھ مچولی کا ایک اور کھیل بھی کھیلا جاتاہے۔ اس کھیل میں دوسرا کھلاڑی پولیس کے تعیّن کردہ چندافراد ہوتے ہیں۔ یہ ایک چھوٹے سے ٹرک کی مدد سے کسی بھی جگہ کھڑی کی گئی موٹرسائیکلوں کو غائب کردیتے ہیں۔ مالکان، اور دیگر کھلاڑی بھی ان غائب کردہ موٹرسائیکلوں کو دیکھنے سے قاصر رہتے ہیں، یہاں تک کہ انھیں اٹھاتے ہوئے، کسی قسم کی فہرست نہیں بنائی جاتی؛ ایسا اس لیے کیا جاتاہے کہ نیک کام میں کسی قسم کی دیر نہ ہو۔

کسی بھی جادوئی مدد کی حاجت پر پاکستانی ایسی صورت میں بانی ءپاکستان کی جانب مدد کے لیے دےکھتے ہیں، اور وہ ہمہ وقت مدد کرنے کے لیے تیّار رہتے ہیں۔ تاہم، جیسا کہ ہم نے آپ کو پہلے بھی بتایا ہے کہ، چونکہ بانی ءپاکستان انتقال کرچکے ہیں، پاکستانیوں نے ان کی تصاویر کرنسی نوٹوں پر چھاپ لی ہیں، اور ہر پاکستانی اس کی پوجا کرنا اپنا فرضِ عین سمجھتا ہے۔ چنانچہ، یہ تصاویر مالکان اپنی جیب سے نکال کردیوانہ وار ہر طرف گھماتے ہیں، یہاں تک کہ ان کی موٹرسائیکل پردہ ءغیب سے نمودار ہوجاتی ہے، اور وہ اس پر سوار ہوکر، ایک مرتبہ پھر میدانِ جنگ کی جانب چل پڑتے ہیں۔ مگر اکثر ایسا بھی ہوتا ہے کہ یہ سواریاں بجائے مالکان کے سامنے نمودار ہوں، یہ پولیس والوں کے گھروں میں اچانک کود پڑتی ہیں، اور وہ اسے مالِ غنیمت اور غیبی مددکی طرح ساری زندگی استعمال کرتے ہیں۔ اس کی ایک نشانی یہ بھی ہوتی ہے کہ ان کی نمبر پلیٹیں یا تو غائب ہوتی ہیں، کسی گرگٹ کی طرح وہ اپنا رنگ تبدیل کرچکی ہوتی ہیں، یا ان کی مالکانہ حقوق کی کتابیں ندارد یا جعلی ہوتی ہیں۔ تاہم، باحیاٹریفک پولیس شرمندگی سے بچنے کے لیئے ان سے چشم پوشی کرتی ہے۔

موٹرسائیکل سواروں کے ساتھ آنکھ مچولی کا کھیل کھیلنے کے لیئے ٹریفک پولیس کے اہل کار دن دھاڑے سب کے سامنے موسم کی سختیاں برداشت کرتے ہوئے موجود رہتے ہیں۔ اس کھیل کے اصولوں کے مطابق ان کا صرف اپنی وردی پہن کر کہیں بھی کھڑا ہوجاناکافی ہے۔ یہ ضروری نہیں کہ وہ اس وقت ڈیوٹی پر بھی ہوں، اور اپنے متعین کردہ علاقہ ہی میں موجود ہوں۔ در اصل کسی بھی دیگر بین الاقوامی کھیل کی طرح، وہ مشق کرنے کے لیے دیگر علاقوں میں جاکر دوسری ٹیموں کے ساتھ میچ کھیلنا پسند کرتے ہیں۔

اگر پولیس کے روکنے پر سواری نہ رکے، تو اس پاکستانی کھیل کے انتہائی اصولوں میں اس خلاف ورزی کی سزا پولیس کی گولی مقررکی گئی ہے۔ پولیس ایسے مواقع پر اپنے نشانہ کی مشق بھی کرلیتی ہے، کیونکہ انہیں تربیت کے دیگر مواقع میسّر نہیں۔ تمام موٹرسائیکل سوار اس خطرہ کا مقابلہ کرکے اپنے دورانِ خون کو تیز کرتے، اور اس سے ایک نشہ کی طرح مزا لیتے ہیں۔ موٹرسائیکل روکتے ہی، وہ اپنا ہاتھ اپنی جیب میں ڈال کر نکالتے، اور دوبارہ فرّاٹے بھرتے نظرآتے ہیں۔ ہم نے ایسے مواقع پر موٹرسائیکل کے جانے کے فوراً بعد، پولیس والوں کو کسی بندر کی طرح سواروں کی نقل میں اپنا ہاتھ بھی جیب میں ڈال کر نکالتے دیکھا۔ مگر سواروں کے مقابلہِ میں ان کا ہاتھ جیب سے نکلنے پر خالی نظر آیا، جب کہ سواروں کی پچکی جیبوں کے مقابلہ میں ان کی جیبیں خاصی فربہ نظرآتی ہیں۔ شاید یہ موٹاپا ان پولیس اہل کاروں کی ایمانداری کا کوئی فوری انعام ہوتا ہے، کیونکہ ان کے ہاتھوں میں موجود چالان کی کتابوں کے سرورق پر ہم نے یہ لکھا دیکھا: ” میں ایک ایماندار آفیسر ہوں"۔

اگر کسی وقت کہیں دھماکہ وغیرہ ہوجائے تو اس سواری پر ایک سوار سے زیادہ افراد کے بیٹھنے پر پابندی لگادی جاتی ہے۔ تاہم، وہ سوار برقعہ میں کسی کو بھی بٹھا کر لے جاسکتا ہے، اس کے لئے مرد یا عورت کی کوئی قید نہیں۔ اور اسی طرح وہ دیگر بچوں کو بھی سیر کراسکتا ہے۔ یہ سواری پاکستانی چوروں اور ڈاکوﺅں میں بھی خاصی مقبول ہے، جس کی وجوہات ٹریفک کا وہ ازدحام ہے، جو کاروں کو اکژجام کردیتاہے۔

چند ایسے واقعات بھی دیکھنے میں آئے جن میں خواتین کو موٹرسائیکل پر جسمانی ورزش کے لیے بھی بٹھایا جاتاہے۔ اس صورت میں سیٹ کے پیچھے کسی بھی قسم کی روک اور پشت کو نکال دیا جاتاہے، اور ان کے دوپٹے، برقعے، شلواریں پچھلے پہیے میں پھنساکر، کسی بھی گڑھے یا ناہموار سڑک پر موٹرسائیکل کو فرّاٹے بھرتے ہوئے چلایا جاتاہے۔ اس کے نتیجہ میں خاتون کسی سرکس کی نقالی کرتی، موٹر سائیکل سے ایک چھلانگ لگاکر سڑک پر قلابازیاں کھاتی ہے، اور اس طرح نہ صرف اس کی جسمانی ورزش ہوجاتی ہے، بلکہ ضرورت پڑنے پر اس مستحسن طریقہ سے نہ صرف مطلوبہ تشددبڑی عمدگی سے کیا جاسکتاہے بلکہ ناپسندیدہ و غیرضروری عزیزاﺅئوں سے چھٹکارہ بھی پایاجاسکتا ہے۔

پاکستان کے کچھ علاقوں میں موٹرسائیکلوں پر ریس لگانے کا رواج ہے، خاص طور پر ساحل سمندر پر۔ اور جہاں سمندر موجود نہیں وہاں غیر تربیت یافتہ نوجوان افراد اسے ایک پہیے پر چلانے کی کوشش میں جاں بحق ہوجاتے ہیں۔ جس سے ملک میں بے روزگاری کی شرح میں کچھ نہ کچھ کمی واقع ہوجاتی ہے۔ اسی طرح کچھ علاقوں میں موٹرسائیکل سواروں کے ساتھ پتنگ کے پیچ بھی لڑائے جاتے ہیں، جس میں ایک طرف پتنگ، جب کہ دوسری طرف گردن اس پیچ میں پڑتی ہے، اور دونوں میں سے کوئی ایک مزے سے کٹ جاتی ہے، جس پر یہ نعرہ ءمستانہ لگایا جاتاہے، بوکاٹا !۔

یہ موٹرسائیکلیں مختلف ناموں اور اعلانات کے ساتھ بیچی جاتی ہیں۔ ہمیں سب سے زیادہ یہ اعلان اچھا لگتاہے:۔

”شیر کی دُم، شیر کا انداز“

تاہم کچھ لاعلم حضرات نے ہماری توجہ دلائی کہ شاید یہ لفظ ”شیر کا دَم“ ہے۔ مگر ہمارا خیال ہے کہ یہ معاملہ فکرانگیزی کاتقاضہ کرتا ہے، اور جو مزا شیر کی دُم کہنے میں ہے، وہ شیرکا دَم کہنے میں کہاں !۔

سارے آئینے توڑ دو

2009-11-25T03:38:00.002+05:00

[size=4][right]
جستجو
حکمت اور دانش سے لبریزگفتگو اور مباحث
[/right]
[center]
سارے آئینے توڑ دو!
اس میں نظر آنے والا چہرہ مجھے خوف زدہ کردیتا ہے ۔۔۔

محمد بن قاسم
eMail: justujumedia@gmail.com
[/center]
[right]پرنٹ میڈیا، ریڈیو، ٹیلی ویژن، فون، فیکس، موبائل فون، ای میل، انٹرنیٹ، یہ تمام جدید ذرائع ابلاغ ہیں۔ زیادہ عرصہ نہیں ہوا، ایک ایسا زمانہ بھی گزرا، جب کہ ڈاک کے ہرکارے ہی صرف کسی نہ کسی سواری کے ذریعہ خطوط لے جاتے، اور اس طرح دیس بدیس، پیغامات کے تبادلے ہوتے۔ خط جانے، آنے میں اتنا وقت لگتا کہ موسم تبدیل، اوربعض صورتوں میں نسلیں بھی بدل چکی ہوتیں۔ اس ضمن میں خود برطانوی متحدہ ہندوستان میں وقوع پذیر ہونے والی ایک تحریک آزادی کا نام لیا جاسکتا ہے، جو ریشمی رومالوں پر چند خطوط تحریر کرنے سے شروع ہوئی، جس کے ایک نمائندہ کردار دیوبندی مولانا عبیداللہ سندھی تھے۔ اس تحریک کا زمانہ پہلی جنگ عظیم کا ہے، جو 1914 سے 1918 تک ہوتی رہی۔ یہ تحریک تو ناکام ہوئی، مگر بعد میں جدید ذریعہ ابلاغ، مثلاً اخبارات، فون، او ر ریڈیو نے کانگریس اور مسلم لیگ وغیرہ کے پیغامات کو عام کرنے میں مدد دی، اور جلسے جلوسوں کے ساتھ ساتھ ان تمام ذرائع نے آخر کار 1947میں ہمیں ایک آزاد مملکت خداداد، پاکستان عطا کردی۔

بعد میں پاکستان کے دونوں حصّوں، مغربی اور مشرقی پاکستان کے عوام کے درمیان تقسیمِ وسائل اور حقوق کی ایک ایسی جنگ شروع ہوئی، جس نے بالآخر 1971 میں دونوں حصّوں کو علیحدہ علیحدہ ممالک میں تقسیم کردیا۔ اس دوران ہمارے ذرائع ابلاغ ’سب اچھا ہے‘ کے راگ الاپتے رہے، اور حقیقی تصویر عوام تک نہ پہنچاسکے۔ جب مشرقی پاکستان کے باسیوں نے مکمل آزادی سے کم کسی امر پر سمجھوتہ کرنے سے انکار کردیا تو مغربی پاکستانی ششدر رہ گئے، اور اس وقت کی فوج نے اس بدقسمت سیاسی بھنور میں پھنس کرعالم اسلام کی سب سے بڑی شکست کی تاریخ رقم کی۔

کاش اس وقت ایسا ہی آزاد میڈیا ہوتا، جیسا کہ آج ہے۔ ہم شرطیہ یہ کہہ سکتے ہیں کہ ایسی صورت میں دونوں حصّوں کے عوام بات چیت، بحث ومباحثہ میں مشغول رہتے اور اپنے مسائل حل کرڈالتے، اور فوج بھی چین کی بنسری بجاتی رہتی۔

آج پاکستانی جدیداورنیم آزاد میڈیا، جس کا سرخیل ٹیلی ویژن ہے، ایک ایسے تشکیلی دور سے گزر رہا ہے، جہاں اس کا کردار متعین ہونے میں متنوع مفادات آپس میں ٹکرارہے ہیں۔ ان میں سب سے بڑھ کر بدعنوان، مجرم صفت، ایسے افراد ہیں جو کسی نہ کسی طرح اقتدار کے ایوانوں میں براجمان ہوچکے ہیں۔ جدید میڈیا ان کے لیے ایک ایسے آئینہِ کی حیثیت رکھتا ہے، جو انہیں ہر طرف سے گھیرے رکھتا، اور ان کی شکل انہیں دکھاتا رہتا ہے۔ ایسے آئینے جو گواہی دیتے اور مناظر دکھاتے ہیں، اس سے ان آئینہ دیکھنے والوں کو خوف آتا ہے۔ انہیں یقین نہیں آتا کہ ان کے چہرے اس قدر بھیانک ہوچکے ہیں۔ چنانچہ، وہ ایسے تمام آئینوں کی شکست و ریخت کا حکم دے دیتے ہیں، تاکہ وہ اس خوف سے بچ کر ایک بے یقینی اور فریب آمیز زندگی میں مگن رہ سکیں۔

ایک زمانہ تھا کہ عوام کو جگانے اور انہیں کسی تحریک میں شمولیت کے لیے آمادہ کرنے کے لیے شعر و شاعری کی مجلسیں، جلسے جلوس، کتابیں یا اخبارات اور رسالے ہی کافی ہوتے۔ تاہم موجودہ دور میں ان عناصر کی اثرپذیری ٹیلی ویژن کے سامنے ماند پڑچکی ہے۔ پڑھے لکھے، وطن پرست، سلجھے ہوئے ذہن کے مالک، تحقیق اور مطالعہ کے خوگر، تاریخ کے اسباق سے واقف، اور تجزیہ نگاری کے فن سے آراستہ نئی نسل کے کئی صحافی عوام کی ذہنی تربیت اور رائے سازی میں ایک نمایا ں کردار ادا کررہے ہیں،ا ور اس امر میں مذہبی رہنمائوں،سیاستدانوں، شاعروں، اور ادیبوں سے آگے نکل گئے ہیں۔ ایسے چند ہم عصر پاکستانیوں میں انصار عباسی، لیاقت حسین، احمد غامدی، زید حامد،کامران خان، ندیم ملک، کاشف، ڈاکٹر شاہد مسعود، حامد میر، یاسمین منظور، شاہین صہبائی جیسے نام شامل ہیں۔

ان دانش وروں میں ڈاکٹر شاہد مسعود ایک نمایاں مقام رکھتے ہیں۔ ڈاکٹر شاہد 9/11 کے امریکی سانحہ کے بعد منظر عام پر آئے۔ انہوں نے اپنی ابتدائی زندگی کا ایک بڑا حصہ سعودی عرب کے شہروں طائف اور ریاض میں گزارا، اور ریاض کے پاکستانی اسکول میں تعلیم حاصل کی۔ بعد میں ڈی جے سائنس کالج کراچی، اور سندھ میڈیکل کالج کراچی سے طب کی ڈگری حاصل کی اور وہاں سرجری کی تعلیم بھی دی۔ اس دوران وہ ایک طالب علم کی حیثیت سے پیپلز اسٹوڈنٹس فیڈریشن سے بھی منسلک رہے۔

ڈاکٹر شاہد مسعود نے دبئی سے 'اے آر وائی' ٹیلی ویژن سے اپنا ایک پروگرام شروع کیا، جس کا نام ویوز آن نیوز' تھا۔ اس میں ان کے متنوع بین الاقوامی موضوعات، اور اس وقت کی امریکی عراقی' جنگوں وغیرہ نے انہیں چٹپٹے پروگرام کرنے کے مواقع فراہم کیے۔ بعد میں وہ اے آروائی سے اختلافات کے بعد جیو ٹیلی ویژن نیٹ ورک میں آگئے ۔ یہاں سے حکومت انہیں پاکستان ٹیلی ویژن لے گئی، اور وہاں بھی اس باکردار شخص نے بدعنوانیوں کے ایسے انکشافات کیے کہ انہیں وہاں سے بھی نکالا مل گیا۔ مگر ایک مرتبہ پھر جیو نے اپنے کھلے دل کے ساتھ انہیں خوش آمدید کہا۔

[img]http://www.geo.tv/11-24-2009/eng/11-24-2009_53492_l.gif[/img]

ڈاکٹر شاہد مسعود ایک سچے پاکستانی ثابت ہوئے۔ وہ اس امر پر یقین رکھتے ہیں کہ پاکستان بین الاقوامی سازشوں کا شکار رہتا ہے، اور دہشت گردی کے خلاف جنگ در اصل عالم اسلام کے خلاف ایک ایجنڈا ہے۔ وہ لگی لپٹی کہنے کے بجائے سادہ اور راست بات کرنے کو پسند کرتے ہیں۔ ہم یہ کہہ سکتے ہیں کہ وہ صحافتی سفارتکاری کے داﺅئو پیچ کو نظر انداز کرتے ہیں۔ چنانچہ اس جذباتی رویہ کی بناءپر وہ ایک بڑی تعداد میں ناظرین میں مقبولیت رکھتے ہیں۔ دوسری جانب ایک محدود طبقہ ءفکر ان کے جذباتی انداز سے اتفاق نہیں رکھتا۔ یہاں تک کہ جیو نیٹ ورک نے بھی ان کے پروگرام کے لیے ایک مخصوص قانونی نوٹس تیار کیا جو ان کے ہر پروگرام سے پہلے دکھایا جاتا ہے، اور ان کے پروگرام کا نام بھی اسی کے مطابق رکھا گیا (میرے مطابق) ۔چنانچہ پیر 23 نومبر 2009 کے پروگرام میں جب وہ سامنے آئے تو ناظرین انہیں دیکھ کر حیران رہ گئے۔ وہ ایک زیرزمین پناہ گاہ سے اپنا پروگرام نشر کررہے تھے۔ سوجی آنکھیں، رقت آمیز لہجہ، اور اپنی زندگی سے ایک مایوسانہ انداز فکر۔ انہیں چند پاکستانی حکومتی شخصیات کی جانب سے ہراسانی اور جان لیے جانے کی دھمکیوں کا سامنا ہے۔ اور متحدہ عرب امارات میں اپنے رابطوں کو استعمال کرتے ہوئے دبئی کی امارت سے ان کے پروگرام کو نشر کرنے پر ایک مرتبہ پھر پابندی عائد کرادی گئی ہے، اور یہ چیلنج دیا گیا ہے کہ یہ پروگرام پاکستان آکر کرکے دیکھو، مزا چکھا دیا جائے گا۔

گزشتہ دنوں جب وہ ڈاکٹر بابر اعوان کا انٹرویو کررہے تھے، اسی وقت یہ ظاہر ہوگیا تھا کہ ان کے چبھتے ہوئے براہ راست سوالات حکومتی عہدہ داران کے لیے ناقابل برداشت اور ناقابل معافی ہیں۔ ڈاکٹر شاہد نے کرید کرید کر متعدد بار بابر اعوان سے پوچھا تھا کہ کچھ تو بتائیے کہ حکومتی اعلی ترین شخصیت کے بنک اکاﺅنٹ میں 60 ملین ڈالر کی خطیر رقم کہاں سے اور کیوں کر آئی۔ اور ان سوالات کا جواب ایک ہی تھا ۔۔۔ خاموشی۔۔۔ یا ایران کا جواب توران ۔۔۔ اسی انٹرویو کے دوران زچ ہوکر بابر اعوان بولے کہ ہم بھی دیکھتے ہیں کہ این آراو کے غیر موءثر ہونے پر ہمیں ضمانتیں کرانا ہوں گی، یا ’کسی اور‘ کو۔ چنانچہ اب ڈاکٹر شاہد مسعود کو خود ہی ایک مسیحا کی تلاش ہے، جو ان کی جان ایسے عناصر سے چھڑا سکے جو اب ان کی جان کے درپہ ہیں۔ اب تو این آر او بھی انہیں سایہ فراہم نہیں کرسکے گا۔

موجودہ پاکستانی سیاسی منظر نامہ کوئی خوش آئند نہیں ہے۔ ملک کی دو بڑی سیاسی پارٹیوں نے آپس میں کچھ گٹھ جوڑسا کیا ہوا ہے۔ اس کے پیچھے ان کے ایک جیسے ذاتی مفادات وابستہ ہیں، جسے ’من ترا حاجی بگویم، تو مرا حاجی بگو‘ جیسی صورت حال کہا جاسکتا ہے۔ چنانچہ ایسی صورت حال میں جب کہ ایک موءثر حزب اختلاف موجو د نہیں، نوزائیدہ پاکستانی جدید میڈیا کے ناتواں کندھوں پر ہی یہ ذمہ داری آن پڑی ہے کہ وہ ملکی مفادات کے خلاف ہونے والے اقدامات کے خلاف آواز اٹھاتا رہے۔ دوسری جانب دہشت گردی کے خلاف جنگ فوج خود ہی لڑ رہی ہے، اور اس میں حکومت کی شرکت خاطر خواہ سطح کی نظر نہیں آتی۔۔ بجز اس کے کہ وزیر داخلہ گرما گرم بیانات دیتے نظر آتے ہیں۔

پیارے قارئین، آپ جانتے ہی ہوں گے کہ ایسے تمام بہادر اور باکردار صحافی حضرات کو جو معاشرتی، اور حکومتی بدعنوانیوں کے پردے چاک کرتے ہیں، ڈھکی چھپی دھمکیوں اورحقیقی خطرات کا سامنا کرنا پڑتا ہے۔ اب دیکھنا یہ ہے کہ ڈاکٹر شاہد مسعود ، جو ایسے آڑے وقت میں محترمہ شہید بے نظیر بھٹو کو بھی یاد کررہے تھے، ان کا ساتھ دینے کون آگے بڑھتا ہے۔ امید ہے کہ اس کڑے وقت میں نہ تو جیو نیٹ ورک ان کا ساتھ چھوڑے گا، اور نہ ہی آزاد دنیا کے صحافتی اور انسانی حقوق کے ادارے، اور نہ ہی ان کے ناظرین۔[/right]
[center]
٭
23112009 - Tuesday, 23 November 2009
اگر کسی قوم کے رہنما خود روشن خیالی سے عاری ہوں تو ان کی ماتحت بھی ہمیشہ تاریکی میں ہی رہیں گے۔۔۔
( ایک چینی کنگ فو کہاوت)
Justuju Media (c) 2009 All Rights Reserved
ہے جستجو کہ خوب سے ہے خوب ترکہاں
اب دیکھیے ٹھہرتی ہے جا کر نظر کہاں
This is a widely syndicated Column. No editing is allowed. It must be published "as is". The intellectual property rights are asserted under the Pakistani and International Copyrights laws.
The Justujumedia hereby grants a fair usage license for publishing this piece without any changes.[/center][/size]

“Mirror, mirror, on the wall! Who is most corrupt of all?”

2009-11-24T11:34:00.002+05:00

“Mirror, mirror, on the wall! Who is most corrupt of all?”

Justuju: The Quest

by: Mohammad bin Qasim, Justuju Media

“Mirror, mirror, on the wall ! Who is most corrupt of all?”

The old fairy tale is being re-written in Pakistan. Those looking in to the media mirrors are shocked to see what they find written all over their faces! Thus they have to break the mirrors. To live in a state of disbelief and illusion.

Long live sincere and courageous media of Pakistan. Continue making and showing more mirrors.

The world cannot be fooled by Pakistani anti media drives. The human rights, and media watch dogs will take a notice and stand up to assist those under threat now. The world is bound to come to a rescue, sooner or later.

On Monday, November 23, 2009, viewers saw a fearful investigative journalist on Geo TV network. Dr. Shahid Masood, in his special presentation from a hideout in Dubai, was voicing his worst nightmares. His eyes were puffy, and in the end his voice was choking. For doing his job well, he was being harassed by those who have robbed Pakistan left and right, up and down, and disrobed the Pakistani treasury. The very same criminally minded persons had prevailed upon the Dubai media moguls to prevent Shahid Masood from revealing other sides of the picture.

Dr. Shahid Masood has received threats to his life, and a challenge to come to Pakistan and face his sworn enemies: who also happen to be enemies of the nation and state of Pakistan.

Imran Khan, Ahsan Iqbal, Altaf Husain, and Munawwar Hasan were quick to condemn this latest attack on the freedom of expression in Pakistan.

From the condition of Dr. Shahid Masood it was apparent that the matters for him are far more dangerous than what he had stated in his program. Dr. Shahid Masood is not alone. He has a large number of supporters, including Allah. Also, he has many other investigative journalists on his side: Hamid Mir, Ansar Abbasi, Shaheen Sahbai, Kamran Khan, Talat Husain …. and many more might join this elite media team soon.

In an atmosphere of “friendly opposition”, and a fact that the Charter of Democracy is nothing more than a pact between two Ali Babas, to save their skins from their own predatory actions, it has now become a responsibility of the media to fight the rampant corruption in Pakistan. To reveal the shallow and murky knowledge of those people who profess themselves as Leaders, with no qualification more than an experience of plunder and mayhem. They do not read, they do not study, they are not the saviors of Pakistan as they apparently seem.

Threatening the media is a certain indicator of people losing their sleep and mind over their own plight. It also proves that their very large and wider financial interests are at stake. They have a hidden and black agenda. Their own conscience is being awakened by such pricking reports, and they need to let it hibernate during their reign of false power and terror.

Get united on this issue, condemn, and prevent the persecution of investigative journalism in Pakistan.

[A Justuju Media Message to all Politicians, Writers, Thinkers, Philosophers, and Think Tanks of Pakistan.]

Seymour Hersh: Pak Nuclear Program

2009-11-21T12:06:00.006+05:00

Self-less Posture of Zardari زرداری اور ذاتی مفادات کی قربانی

2009-11-17T19:07:00.000+05:00

Self-less Posture of Zardari زرداری اور ذاتی مفادات کی قربانی

جستجو / حالاتِ حاضرہ

آبِ رواں

(Re-cycled)

محمد بن قاسم
eMail: justujumedia@gmail.com

آب رواں کبیر تیرے کنارے کوئی
دیکھ رہا ہے کسی اور زمانے کا خواب

عالم نو ہے ابھی پردہ ء تقدیر میں
میری نگاہوں میں ہے اس کی سحر بے حجاب

ڈاکٹر علامہ اقبال … 1877-1938

علامہ اقبال اپنے شعری مجموعہ ضرب کلیم میں موجود ایک معرکتہ الآرا نظم ‘قرطبہ’ میں مندرجہ بالا اشعار کہہ گئے ہیں۔ یہ اشعار انہوں نے الحمراءمیں قرطبہ مسجد کے قریب بہتے ایک دریاالکبیر کو دیکھتے غوروفکر کرتے ہوئے موزوں کیے۔

ان کو پڑھ کر ایسا محسوس ہوتا ہے کہ ایک مرتبہ پھر یہ اشعار موجودہ سیاسی حالات پر منطبق ہونے جارہے ہیں۔ پاکستان کے لیے ایک نیا عالم ظہورمیں آرہا ہے، ایک نئے دور کی سحر طلوع ہوچکی ہے، ایک ایسا دن ، ماہ و سال، جس میں قوم کے لیے بے شمار امتحانات پنہاں ہیں۔ بشمول دیگر مسائل کے، دنیا کی سب سے بڑی قوت امریکہ اور اس کے اتنے ہی بے رحم ساتھیوں کی فوج کے ساتھ آنکھوں میں آنکھیں ڈال کر اپنی قومی غیرت و حمیّت کا دفاع کرنا ہوگا، جس کا قرض روز بروز بڑھتا ہی جارہا ہے۔ یہ دفاع ضروری نہیں کہ آنکھ کے بدلہ آنکھ کے فوجی اصول پر کیا جائے، اس کے اور بھی کئی پرُ امن طریقے ہوسکتے ہیں۔ ان میں سفارتی سطح پر احتجاج، کتابی اصولوں پر عمل کرتے ہوئے فوجی معاہدوں کی سست روی سے پاسداری (سپلائی لائن میں رکاوٹیں: بالکل اسی طرح جیسے کہ امریکہ ہمیں ایف سولہ طیارے گزشتہ 30 برسوں سے آہستہ، آہستہ ، پرزہ بہ پرزہ دے رہا ہے)، اقوامِ متحدہ میں شکایات کے پلندے، اسلامک کانفرنس کے ممالک کے پلیٹ فارم سے احتجاج، وغیرہ شامل ہوسکتے ہیں۔ ساتھ ساتھ تمام کا تمام قومی میڈیا بھی امریکہ پر پاکستانی قوم کے جذبات کو آشکارا کرتا رہے۔ ہماری پارلیمانیں ہر امریکی حملہ کے جواب میں قراردادِ مذمت پیش کرتی رہیں، تاکہ امریکی جان سکیں کہ جمہوری قوتیں بھی اپنے عوام کے جذبات کے ساتھ ساتھ چل رہی ہیں۔

پاکستانی صدرِ محترم چونکہ چین سے بہت محبت کا اظہار کرتے ہیں، ہم ان کی خدمت میں چین کے ایک فلسفہ ءحیات ڈا ﺅزم کے چند پہلو پیش کردیتے ہیں۔

تقریباً ڈھائی ہزار برس پہلے چین میں ایک دیومالائی شخصیت پیدا ہوئی، جس کا نام لاﺅژو تھا۔ یہ کنفیوشس کا ہم عصر، مگر اس سے کچھ بزرگ تھا۔ اسے آج گرینڈ ماسٹر، یا عظیم آقا کے نام سے جانا جاتا ہے۔ اس نے ایک ایسا فلسفہ ءحیات متعارف کرایا، جسے ڈاﺅ، یا تاﺅ، یعنی جنت کا راستہ کا نام دیا گیا۔ اس کی تعلیمات میں انا کی شکستگی اور خاکساری پر زور دیا گیا، اور اس نے اپنے علاقہ سے گیان دھیان کے لیے گمنامی میں ہجرت کرنے سے پہلے اپنے مریدوں کی فرمائش پر ایک کتاب تحریر کی، جسے ڈاﺅ ٹی ژینگ، یعنی’ راہِ راستی اورطاقت’ کا عنوان دیا گیا۔ یہ ایک مختصر کتاب ہے، جو شاعری نما دل کش تحریر ہے۔ کہا جاتا ہے کہ اس میں 81 باب ہیں۔

مرور وقت کے ساتھ یہ فلسفہءحیات ایک مذہب کی شکل اختیار کرگیا، اور اس میں کئی تبدیلیاں ہوئیں جو اپنے وقت کی آوا ز تھیں۔ بعد میں کسی وقت یہ دو بنیادی فرقوں میں بٹ گیا، ایک تو ڈئین شی کا ‘ایک اصولی’ فرقہ تھا، اور دوسرا گیانیوں کا۔ ایک اصولی افراد گاﺅں، گاﺅں، شہر، شہر پھرتے، ٹونے ٹوٹکے، جادو، تعویذ گنڈے کرتے اور خاصی حد تک ایک عام زندگی گزارتے۔ یہ جادو سکھانے کے اسی قسم کے مدرسے چلاتے جیسا کہ آج آپ ہوگوارٹس اسکول، ہیری پوٹر کی کہانیوں میں پڑھتے ہیں۔ دوسری جانب گیانی حضرات دور دراز ویرانوں، غاروں، پہاڑوں وغیرہ میں فطرت کی آغوش میں زندگی گزارتے، اور صرف گھاس پات، سبزیوں پر گزارا کرتے۔ یہ سب

فرقے اپنے دفاع کے لیے ورزشیں اور مشقیں بھی کرتے، جنہیں آج ہم کنگ فو کے نام سے جانتے ہیں۔ چین کا مشہور ترین شاﺅلین مندر ان ہی گیانیوں نے لگ بھگ ڈیڑھ ہزار برس قبل وسطی مشرقی چین میں تعمیرو آباد کیا۔ ان کا ہدفِ زندگی جسم و روح میں ایک ایسی ہم آہنگی پیدا کرنا ہوتا، جس سے وہ لافانیت اختیار کرسکیں۔ ان کے خیال میں ایسا اس صورت میں ممکن تھا جب کہ ین اور یانگ کی حالتوں میں وہ ایک توازنِ باہمی برقرار رکھ سکیں۔

ڈاﺅزم نے ین یانگ، یا دو متضاد طاقتوں اور حالتوں کے تصّور کو فروغ دیا۔ کہا گیا کہ دنیامیں ہر وقت دو متضاد اقسام کی حالتیں موجود ہوتی ہیں، اور ان کی موجودگی سے ہی ہم دن و رات، اچھائی اور برائی، سردی و گرمی،اندھیرا اور روشنی وغیرہ میں امتیاز کرسکتے ہیں۔ یہ ایک دائری حالت ہے جو ہر وقت گھومتی رہتی ہے، کبھی دن، تو کبھی رات وغیرہ۔ اور کسی ایک خاص جگہ یہ متضاد صورتیں کسی حد تک ایک دوسرے میں مدغم بھی ہوا کرتی ہیں۔ چنانچہ، پاکستانی صدر صاحب کی شخصیت بھی ین یانگ کی قوتوں سے مزین نظرآتی ہے۔

اگر دیکھا جائے تو جس قسم کے الزامات وغیرہ ان پر لگائے جاتے رہے ہیں، ان کے برعکس موجودہ دور میں وہ کچھ نمایاں کام کرنے کا عزم لیے ہوئے ہیں، مثلاً سترہویں ترمیم کا آئین پاکستان سے خاتمہ، بلوچستان کے زخموں پر مرہم، وغیرہ، تو ان کے یہ اقدامات گویا کہ ڈاﺅزم کے ین یانگ فلسفہ کے مطابق ہی ہیں۔

پاکستانی قوم البتہ یہ دعا کرسکتی ہے کہ اب صدر زرداری صاحب اس ین یانگ چکری میں زیادہ تر روشنی میں ہی رہیں نہ کہ اس کی متضاد حالت میں۔

کاش وہ خود اور اپنے اہل خاندان اور سیاسی ساتھیوں کو اس راستہ پر ڈال دیں جہاں ڈاﺅزم کی طرح ذاتی خواہشات کوختم کردیا جاتا ہے، اور آبِ رواں کی طرح ہر کٹھنائی سے اٹھکیلیاں کرتے گزرا جاتا ہے۔ جسے آج کی اصطلاح میں “گڈ گورننس” بھی کہا جاسکتا ہے۔ اقرباءپروری سے اجتناب، اور عدل و انصاف اور آئینی حکمرانی اس کے بنیادی ستون ہیں۔ کاش بلاول خود ہی تمام مشکوک دولت پاکستان کے قدموں میں ڈھیر کردے، اور اپنے تئیں ایک نئی صبح کا تروتازہ آغاز کردے۔

اگرچہ یہاں ہم چین کے حوالہِ سے اس فلسفہءحیات کو بیان کررہے ہیں، مگر ہمارا اپنا دین اور تاریخ صحابہ ءاکرام، اور تاریخ اہل بیت بھی اس امر پر صاد کرتی ہے کہ وہ سب دنیا کے مقابلہ میں دین اور آخرت کے منافع کے لیے جدوجہد کرتے رہے۔

پیارے دوستو، جیسا کہ ہمارے فلسفی شاعرعلامہ اقبال نے آبِ رواں کے حوالہ سے چند اشعار موزوں کیے تھے، لاﺅ ژو نے بھی اپنی کتاب ‘راہ راستی اور طاقت’ کے آٹھویں باب میں اپنے یہ خیالات شاعرانہ انداز میں پیش کیے ہیں:۔۔

عظیم نیکیاں آب رواں جیسی ہوتی ہیں
Great good is said to be like water

وہ زندگی کو ایک ان دیکھے انداز میں سہارا دیتی ہیں
sustaining life with no conscious striving

وہ فطرتی انداز میں بہتی، غذائیت فراہم کرتی ہیں
flowing naturally, providing nourishment

وہ ایسی جگہوں پر بھی پائی جاتی، کی جاتی ، ہیں
found even in places

جنہیں خواہشات کے غلام رد کردیتے ہیں
which desiring man rejects

اس طرح
in this way

یہ نیکیاں بذاتِ خود سلامتی کا راستہ ہوتی ہیں
it is like Tao itself

پانی کی طرح ایک دانا شخص بھی معمولی جگہوں پررچ بس جاتاہے
Like water, the sage abides in a humble place

خواہشوں سے مبرّا، گیان ودھیان میں ڈوبا
in meditation, without desire

گہری سوچوں میں غرق
in thoughtfulness, he is profound

اپنے معاملات میں رحیم و کریم
and in his dealings, kind

راستی کے مسافر کو اپنے قول و فعل میں اخلاص کی رہنمائی حاصل رہتی ہے
In speech, sincerity guides the man of Taoٰ

اور بطور ایک رہنما، وہ عادل ہوتا ہے
and as a leader, he is just

کارکردگی میں اکمالِ فن اس کا ہدف ہوتاہے
In management, competence is his aim

اور وہ درست رفتار سے قدم بڑھاتا ہے
and he ensures the pacing is correct

اور کیونکہ وہ اپنے ذاتی مقاصد کے لیے کام نہیں کرتا
Because he does not act for his own ends

اور نہ ہی وہ غیر ضروری تنازعات کھڑے کرتاہے
nor cause unnecessary conflict

اسی لیے اسے حق بجانب قرار دیا جاتاہے
he is held to be correct

ان تمام امور میں جو وہ اپنی رعایا/رفیقوں کے لیے سرانجام دیتا ہے
in his actions towards his fellow man

چنانچہ صدر پاکستان اگر لاﺅژو اور اس کے شاگردچوانگ ژو کے اس قدیم ڈھائی ہزار سالہ فلسفہ کو بھی سمجھیں، اور اگر آبِ رواں کی طرح ین یانگ کے روشن پہلو پر عمل پیرا ہوتے ہوئے قوم کو اپنے اعلیٰ افکار، اوراپنے قیمتی اثاثہ جات کے تحفے دیتے جائیں تو وہ تاریخ میں اپنا ایک ناقابل تحریف اور ناقابل فراموش مقام بنا لیں گے۔

Soldiers' Psychology & Discipline: The Fort Hood Affair

2009-11-16T17:39:00.000+05:00

Soldiers' Psychology & Discipline: The Fort Hood Affair

Dear Readers:

We have presented you with a similar analysis in Urdu earlier. Here you can read some updated thoughts in light of the recent developments and disclosures.

Before embarking upon his misguided adventure at Fort Hood, Texas, it is being reported that, Major Hasan Nidal Malik had sent some money to Pakistan too. Since this disclosure was made, American media is out to demand an investigation of Nidal's Pakistani Links. It is a bit mysterious though that the amount transferred, and the name of beneficiaries have not yet been brought to light. Pakistani authorities ought to have taken a note of such reports, and acted quickly to find out if the money was sent to any persons or organizations linkable to the Terrorism inside or outside Pakistan. It is also possible that the remittances made, obviously through official channels, could be for pure philanthropic purposes, like a private Kerry Lugar Bill Aid.

Now about the incident, some loud thinking about it based on the information generally available so far.

American army needs diversity as a strategic and calculated step. It is not for any kind of love for Islam.

When you fight with Islamists, like in Iraq and Afghanistan, you need some people who can share a common thread during a battle or in its aftermath: say during a debriefing of an enemy combatant. Playing a good cop, bad cop game ... during such episodes.

While Nidal's actions are condemnable to say the least, a cause and effect analysis of another incident in Orlando, Florida, says what! People can go berserk, no matter what their religion, when they feel belittled and betrayed for some reasons. Has anybody talked about the faith practiced by Rodrigues, the latest American fratricide committer? Similar cases in Texas, and at other places in USA, like Oklahoma bombing for instance, have taken place, and no one has ever talked about "their' faith. One should hold judgment, until a far reaching alarming warning signs of dissent are seen among any given group of individuals, who do not agree with a war continuum by USA. The foot soldiers are tired now, and they need some rest.

About Hasan, this is surprisingly a case of human resources management failure. Motivation to do his job was lacking: he was getting disenchanted, and at this point in time, he needed to be relieved of his duties, as an unwilling soldier is nothing else than a danger to his own comrades! People like him should be let gone .... with the first hint of a deep dissent to the military objectives. One needs to scrutinize as to what took place during his morning shopping and the afternoon hours that he went berserk! Also, it needs to be closely investigated as to how many people he was able to personally shoot before collapsing. It is highly improbable that he fired as many as 32+13= 45 shots! These many would probably not fit in common US pistol magazines ... Looks like in the ensuing confusion some friendly firing took place .. The nature of wounds would speak for themselves.

At this point a question does arise, as to what to do with deserters, nay sayers to lay down their life for objectives not aligned to their own thinking, and how to simply deal with human fear of injuries and death! Very recently UK has awarded 10 years prison sentence to one of its soldiers who refused to Return to a front ..... That could fill up jails with the whole military force if too much leniency is adopted.

It is amazing to see as to how little US forces have learned even after being the most experienced fighters in the world since world war II. They have been in every pie. Arab Israeli wars, Lebanon civil war, Iranian operations post 1979 revolution, Iraq 1991, Afghanistan 1998, Afghanistan 2002, Iraq 2003, Grenada incursion, Bosnian battles, Afghanistan Russian battles over a very long period from 1979 to 1989, the Korean war, to name a few. Still the psychological effects of war both on its own military personnel and on its own enemies and the world at large have not been analyzed in sufficient detail.

Hasan Nidal's shout of Allah o Akbar should not be taken as a Jihadist's battle cry! It is a very common sentence, if you will, used by a common Muslim during his daily chores, just saying a praise to Allah. Like one says, oh my gosh, or Jesus Christ in amazement or in excitement. This is just one of those Islamic values that could be misinterpreted in the background of this horrible incident.

Also it needs to be seen that Hasan was a true Loner. No girl friends, no love life. Most probably he was not even a gay, as is suggested by some. A pious Muslim does live 'clean' and remains a true 'virgin' until he is religiously allowed after a solemnized marriage. He probably loved his car more than anything, as he got it scraped by a war and 'crusade' veteran. This is one thing very difficult to understand in a heavily sexually oriented society.

So what was his motivating factor to carry on in a tough military life, or the social life itself! Not to shoot his comrades one day to get 72 virgins in Paradise - for sure. This is a more complex medico-socio-psycho and 'environmental hostility' episode, that probably could never be fully understood, especially when an anti-Islam media drive persists since 9/11.

That is a quality of human beings: Un-predictability. His backlash in revenge (supposedly) is what can be attributed to the basic human nature (jungle laws oriented), and not to a religious indoctrination. Let the American dream live on. When wars are over one day, all would be quite on the western front! "Insha Allah, Allah o Akbar." Live and let live. Let the world issues where drastic violations of human rights are taking place be resolved without blood letting. Do we need to name those places? Darfur, Palestine, Kashmir, Burma,,,,, and the cruel American isolation policies towards Cuba!!! There must be more ... you name them.

*End of the Article *

A cure for all ailments: Pakistan Police پاکستانی پولیس: زندہ طلسمات

2009-11-09T23:09:00.013+05:00

جستجو

حکمت اور دانش سے لبریزگفتگو اور مباحث

پاکستانی پولیس: ایک زندہ طلسمات! ۔۔

بھولے بھالے پاکستانی حکمران پولیس کو ہر مرض کی دوا بنادینے کی کوشش کرتے ہیں۔۔۔

محمد بن قاسم

eMail: justujumedia@gmail.com

Tags:

Pakistan Police, Terrorism, Tenancy Laws, Real Estate, Propert Laws, Foreign Office, Pakistan Embassies, Corruption, Information Technology, Good Governance, Pakistani Culture, Building Controls

اگر آپ ، خدانخواستہ، کسی بھی ایک عام پاکستانی پولیس اسٹیشن میں داخل ہوجائیں تو آپ کو ایک بے سروسامانی، ایک غول بیابانی کا سماں نظر آئے گا۔ نہ عمارت ہی مناسب ہوگی، نہ ہی سروسامان۔ اس کے مکین بھی سر جھاڑے، منہ پھاڑے، پھٹی پھٹی آنکھوں سے آپ کا استقبالِ پُرملال کریں گے۔ قریب ہی ان کا ایک خستہ حال موبائل ٹرک ہوگا، جو پیٹرول، ڈیزل کی خشک ٹنکی کی وجہ سے صرف اور صرف دھکّے سے چل سکے گا۔ ٹیلیفون بند، پانی بجلی کا بل ادا نہ ہوا ہوگا، نہ بندوق میں گولی ملے گی، نہ کاغذ قلم اور روشنائی۔ کمپیوٹر سسٹم کا کیا کہنا! اگر ان چیزوں میں سے کچھ موجود بھی ہوا تو انہیں استعمال کرنے کی خواہش اور طلب مفقود ہوگی۔

آپ کے داخل ہونے پر پہلے تو آپ پر کسی دہشت گرد ہونے کا شبہ کیا جائے گا، یا پھر کسی غیر منافع بخش واردات ہونے کی صورت میں کوشش کی جائے گی کہ آپ کو مطمئن کردیا جائے کہ یہ واقعہ ان کی حدود میں وقوع پذیر ہی نہیں ہوا، یا وہ ناقابلِ دست اندازیءپولیس ہے۔ اس قسم کی تمام صورتِ حال کے ذمّہ دار وہاں موجود پولیسیے نہیں، بلکہ ہمارا نظامِ حکومت ، منافقت، اور ناقص قوانین ہیں، جو اس مفروضہ پر انہیں تمام تر ضروری سہولیات سے محروم رکھتے ہیں، کہ یہ محکمہ خود ہی ’ پیدا گیری‘ اور ’ٹکسالی‘ کرلے گا۔

کسی بھی معاشرہ میں پولیس امن و امان برقرار رکھنے میں ایک کلیدی کردار ادا کرتی ہے۔ ۔ شاید، سوائے پاکستانی سماج کے۔ کیونکہ یہاں پولیس کے محکمہ کو راندہءدرگاہ سمجھا جاتا ہے، اور حقیقت میں اس محکمہ کے ملازمین کی معاشرہ میں وہ عزّت بھی نہیں، جو ان کے فرائض کے اعتبار سے ہونی چاہیے۔ نہ تو ان کے لیے مناسب رہائشیں ہیں، نہ بچّوں کی تعلیم کے اسکول، اور نہ ہی مناسب اسپتال وغیرہ۔

The Last Days of Pakistani Cinema

NEXT
BACK
6 of 14

Zackary Canepari / Redux

Bad Guy
The villains in the films are often the police. (Time Magazine)

اور سب سے بڑھ کر، پولیس میں انسانی وسائل کی منیجمنٹ جدید خطوط پر نہیں ہوتی۔ چنانچہ، اکثر بد کردار، مشتبہ ماضی کے حامل اور مشکوک مستقبل کے طلب گار افراد اس میں بھرتی ہوکر پھاگ کھیلتے ہیں۔ ایسا اس لیے ہے کہ کردار، تعلیم، اور ان کے ماضی کی جانچ پڑتال، اور بھرتی کے بعد ضروری تعلیم و تربیت، حوصلہ افزائی، اور ترغیب برائے ادائیگیءفرائض بھی نظر نہیں آتی۔ اس محکمہ پر کسی بھی موءثر اعلیٰ سطحی کڑی نظر کی عدم موجودگی میں جرائم ہوتے رہیں، وہ حل ہوں نہ ہوں، ان کی بلا سے۔ تفتیشی وسائل کم، معاشرتی بدعنوانیوں اور مسائل کے پہاڑ ہیں کہ کھڑے پر کھڑے ہوئے جاتے ہیں۔ کہیں مذہبی مافیا، زمینی قبضہ مافیا، جعلی ادویات کے خونی سوداگر، ذخیرہ خور، منافع خور، کم تولنے والے، پتھارے دار، اغوا کار، راہ زن، ڈاکو، ٹریفک مافیا، لسّانی گروہی لڑاکے، پولیس کو چیلنج دیتے اور ڈراتے رہتے ہیں۔ اگر کبھی خوش قسمتی سے پولیس کوئی مثبت ایکشن لیتی نظر بھی آتی ہے تو وہ اکثر اوقات کسی سرمایہ دار، یا حکمران، یا کسی غیرملکی طاقت کے اشارہ پر، اور ان سب کے مفادات ہی کے لیے ہوتا ہے، جو ضروری نہیں کہ عدل و انصاف کی حمایت میں ہوں۔ تاہم، حالیہ دہشت گردی کے خلاف ہماری پولیس کے کئی فرض شناس اہل کار متحرک نظر آئے ہیں، اور انہوں نے عظیم ترین قربانی، اپنی جانوں کی صورت میں بھی دی ہے، جو کہ ایک مثبت قومی پہلو ہے۔

ہمارا معاشرہ، مجموعی طور پر، اس حلال وسائل سے محروم محکمہ کی سرپرستی کرنے سے گریزاں رہتا ہے۔ اور ہمارے حکمران اس محکمہ کو اپنی بقا کا ایک فرنٹ لائن مورچہ ، اور ہر مرض کی دوا، زندہ طلسمات، سمجھتے ہیں۔ مگر جب مسیحا ہی بیمارہو تو وہ مریضوں کا علاج کیا کرے گا! سندھ کی سٹیزن پولیس لیژن کمیٹی کے نظام کا مطالعہ کرتے، اور اس پر کچھ انتظامی منصوبہ بندی کرتے ہوئے، ہم نے یہ نوٹ کیا کہ شہریوں اور پولیس والوں کے درمیان ایک اعتماد کا رشتہ استوار کرنا تقریباً ناممکن نظر آتاہے۔ عوام ان پر یقین کرنے کو تیّار نہیں ہوتے۔ تاہم، اس کے باوجود، جہاں جہاں یہ رشتہءاعتماد قائم کرنے میں کامیابی ہوئی ہے، وہاں اس نظام نے معجزاتی نتائج دکھائے ہیں۔ مثلاً، کراچی میں سب سے پہلے پی ای سی ایچ ایس میں اس نظام کے تحت ایک محلّہ کمیٹی قائم کی گئی، جس کے روح رواں جناب محمود دانیال ہیں۔ آج سولہ برس سے زائد ہونے کو آئے ہیں، مگر اس کے زیرِ انتظام علاقہ میں آج تک کوئی بھی قابلِ ذکر گھریلو ڈکیتی وغیرہ کی واردات نہیں ہوئی۔ اسی قسم کا نظام کراچی کے اور کئی علاقوں میں بھی قائم کیاجاچکا ہے۔ اور یہ خوش اسلوبی سے چل رہا ہے۔ اس میں سب سے خوش آئند پہلو یہ ہے کہ پولیس کے جو ملازمین حکومتِ سندھ کی جانب سے ایسی کمیٹیوں کے سپرد کیے گئے، انہوں نے شہریوں سے ایک برادرانہ رشتہ قائم کرلیا۔ اور ان کی حفاظت کا ایسا ہی بیڑا اٹھایا، جیسا کہ وہ اپنے ذاتی گھر اور خاندان کی کرتے ہوں گے۔ دوسری جانب ایسی محلّہ حفاظتی کمیٹیوں کی جانب سے ان کی دیکھ بھال میں کوئی کسر نہ چھوڑی گئی۔ آپ یہ جان کر حیران ہوں گے کہ عام پولیس میں ایک کثیر تعداد میں ایسے اہل اور باکردار افراد موجود ہیں جو عام کرپٹ نظام سے بچ کر سٹیزن پولیس لیژن کمیٹیوں کے ساتھ کام کرنے میں دل چسپی رکھتے ہیں، اور اس ضمن میں سفارشات بھی تلاش کرتے ہیں۔ ایسے افراد پر شہریوں کا خرچ ایک عام گارڈ کی تنخواہ کا نصف بھی نہیں ہوتا، کیونکہ انہیں حکومت سے بھی لگی بندھی تنخواہ ملتی رہتی ہے۔ اگر آپ اپنے علاقہ میں اس نظام کے قیام کے بارے میں مزید دل چسپی رکھتے ہوں تو راقم سے اس کے ای میل پر، یا اس مضمون کے ساتھ موجود کمینٹ فارم کے ذریعہ رابطہ کرسکتے ہیں۔

آپ نے اکثر سنا ہوگا کہ ہمارے مقامی حکمران، عام طور پر صوبائی سطح پر، یہ اعلان کیا کرتے ہیں کہ اگر کسی تھانہ کے علاقہ میں کوئی جرم سرزد ہوا تو اس کا ذمّہ دار اس تھانہ کا انچارج افسر، مُسمّیٰ ایس ایچ او، قرار پائے گا۔ مگر آپ نے کبھی بھی کسی ایس ایچ او کو اس الزام میں احتساب کے کٹہرے میں کھڑا نہیں دیکھا ہوگا۔ اور اس میں کوئی بھی شبہ نہیں کہ پولیس کے انسانی وسائل کے محکمہ کی ناقص کارکردگی کی وجہ سے اس میں خاصی کالی بھیڑیں در آئی ہیں۔ یہ بھیڑیں صرف ’میں، میں‘ کرتی ، اپنی جیبیں بھرتی رہتی ہیں، اور جرائم کی سرپرستی کرتی رہتی ہیں۔ دراصل تھانہ کلچر اور اس کے زیرِ انتظام علاقہ کا تصوّر برطانوی نوآبادیاتی اور غلامانہ احساسِ کم تری کا عقیدہ ہے۔ آپ خبریں پڑھتے، اور دیکھتے ہوں گے کہ ’فلاں، فلاں، تھانہ کے علاقہ میں کوئی جرم سرزد ہوگیا‘ وغیرہ۔ گویا کہ اس علاقہ کا حاکم ہی وہ تھانیدار ہے۔ حالانکہ بلدیاتی نظام اور ضلعوں وغیرہ کی تقسیم کے بعد ایسی کوئی بھی خبر علاقہ ناظم کی حدود کے حوالہِ سے ہونی چاہیے۔ مگر ہماری اب تک کی غلامانہ ذہنیت عوامی حاکمیت سے ابھی بھی چڑتی اور عاجز نظر آتی ہے۔ اگر کسی علاقہ میں جرائم ہورہے ہیں ، اور وہا ں کے رہنے والے، وہاں آنے جانے والے، پُرامن اور قانون پسند نہیں تو اس میں بے چارے تھانیدار کا کیا قصور! وہ تو خود ہی اس ماحول کی پیداوار ہے۔ آخر علاقہ مسجد کے امام و خطیب کو کیوں ذمّہ دار نہیں ٹھیرایا جاتا، جو بزعم خود اپنے محلّہ کے اخلاق و ایمان کو تازہ رکھنے پر ماءمور ہوتا ہے۔ یا اس علاقہ کے سیاسی رہنماﺅں، علاقہ ناظم، اسکولوں کے اساتذہ، ہیڈماسٹروں، کالج کے پرنسپلوں، یونی ورسٹی کے وائس چانسلروں، میڈیا مغلوں، تجارتی اور حکومتی اداروں کے منیجروں کو، اور سب سے بڑھ کر والدین کو، کیوں نہیں سمجھایا جاتا کہ یہ آپ سب کی مشترکہ ذمّہ داری ہے کہ اپنے شاگردوں، اپنے ماتحتوں، اپنے بچّوں کی اخلاقی تربیت کریں، اور اپنے اطراف میں کسی بھی غیر معمولی امر اور حوادث پر نظر رکھیں۔

مگر وائے افسوس، کمزور اور دانش و بصیرت سے محروم پاکستانی حکمرانوں کو صرف ایک ہی موءثر آلہءکار نظر آتا ہے، جس کے ہاتھ میں مولا بخش ہے ۔۔۔ ہر مسئلہ کو حل کرنے کی ذمّہ داری پولیس کے سر ڈال دو، اور وہ بھی ہر قسم کے معاملات میں دخل اندازی کی طاقت کو بوجوہ پسند کرتے ہیں۔ چنانچہ موجودہ نازک ملکی و قومی صورتِ حال کے پیش نظر جہاں پاکستانی اور غیر پاکستانی یکساں طور پر شورش زدہ علاقوں سے نقل مکانی کرکے نسبتاً پُر امن علاقوں کی جانب پناہ کی تلاش میں آرہے ہیں، تو ان سب پر نظر رکھنے کی ذمہّ داری بھی اسی محروم و حریص پولیس کو سونپی جارہی ہے۔ انتظامی، ادارتی اہلیت، اور دیگر ضروری دفتری وسائل سے محرومیت یہ مقصد پورا نہ ہونے دے گی، اوریہ ایک صرف نیا ذریعہ ءآمدنی برائے پولیس قرار پائے گا۔

راقم بھی جائیدادی خدمات سے کسی حد تک وابستہ رہتاہے، اور پاکستان کے ایک نادرِ روزگار پروفیشنل پاکستان انسٹیٹیوٹ آف ریئل اسٹیٹ منیجمنٹ (ماتحت پاکستان اسکلز ڈیویلپمنٹ کونسل) جو جناب امان اللہ پنجوانی کے زیرِ انتظام ہے، اور ریئل اسٹیٹ پروفیشنلز فورم (رجسٹرڈ)، جو جناب عبدالسّتار شیخ صاحب کی نگرانی میں فعّال ہے، سے منسلک ہے۔ چنانچہ، اس دورانِ تحقیق و مطالعہ اور تجربہ سے یہ امر سامنے آتا ہے کہ کراچی جیسے ایک میگا شہر ہی میں ایک محتاط اندازہ کے مطابق کم از کم پینتیس سے پچاس فی صد تک لوگ کرایہ یا قدیم پگڑی نظام و کرایہ کے مکانوں میں رہتے، یا ایسی دکانوں میں کاروبار کرتے ہیں۔ دیکھا یہ گیا ہے کہ ایک عام اسٹیٹ ایجنٹ، جس کا کاروبار اچھا خاصہ چل رہا ہو، وہ کرایہ داری کے کاموں میں ہاتھ ڈالتے ہوئے متعدد وجوہات کی بناءپر خوف زدہ رہتا ہے۔ آج کل پولیس کسی وقت بھی تفتیش کے لیے آسکتی اور ہراساں کرسکتی ہے، عام طور پر کرایہ کا مکان تلاش کرنے والے مالی طور پر مستحکم نہیں ہوتے، اور ان سے خدمات کی فیس بھی کم حاصل ہوتی ہے۔ کرایہ داروں کی شناخت، قومیت، اور کردار، ان کا حلقہءاحباب کا تعیّن، ذرائع آمدنی، جملہ افراد خانہ، تعلیم ، احساسِ ذمّہ داری برائے حفاظتِ جائیداد، کرایہ کی باقاعدگی سے ادائیگی، کرایہ میں سالانہ اضافہ، اور کرایہ نامہ کی مناسب قانونی دستاویز کی تیّاری، اس دستاویز کی مُدّت کی رجسٹریشن، وغیرہ، یہ سب کام کرنے کے لیے ایک عام اسٹیٹ ایجنٹ اہل ہونے کے باوجود تیّار نہیں ہوتا۔ جب کہ ہمارے قیاس اور مطالعہ کے مطابق یہ ایک بہت ضروری فرض اور امر ہے کہ یہ پتا چلایا جائے اور تفتیش کی جائے کہ موصوف کرایہ دار صاحب پہلے کہاں رہتے بستے تھے، اور وہاں سے نقل مکانی کی وجوہات کیا ہیں۔ چونکہ موجودہ دستاویزی رجسٹریشن کا قانون ایک برس سے کم مدّت کے معاہدہ کو رجسٹر کرنے پر زور نہیں دیتا، یہ امر ایک قانونی، عملی، اور تطبیقی کمزوری پر منتج ہوتا ہے۔ اور ’مرے پر سو دُرّے‘ کے مصداق کسی بھی اختلاف کی صلح صفائی کے بارے میں اسٹیٹ ایجنٹ اپنے ہاتھ جھاڑ کر دور کھڑا نظر آتا ہے، حالانکہ وہ معاشرہ میں اپنا کردار زیادہ بہتر طور پر ادا کرنے کا اہل اور حقیقی ذمّہ دار ہے۔

پیارے قارئینِ کرام، اس بحث و مباحثہ کا مقصد آپ کو، اور ہمارے شیخ چلّی قانون سازوں کو بھی، اس نکتہ تک لانا ہے کہ جناب کرایہ داری کے امور کی دیکھ بھال کو فوجداری کا مسئلہ نہ بنایا جائے، جو کہ لازمی طورپر گلی گلی، گھر گھر کو کرپشن کا نشانہ بنا لے گا۔ اور شدید بدعنوانیوں پر منتج ہوگا۔ ہر پولیس تھانہ کے وارے نیارے ہوجائیں گے۔ اگرچہ ہم پولیس کی حلال اور سماجی سرپرستی کے قائل ہیں پھر بھی یہ مُجوّزہ نظام ناقابلِ عمل اور ناقابلِ قبول ہے۔چنانچہ سب سے پہلے تو اسٹیٹ ایجنسی کے کام کو ایک باقاعدہ نظام کے تحت لایا جائے جس میں ہر اسٹیٹ ایجنسی کا دفتر اس کی قابلیت اور اہلیت کی مناسبت سے رجسٹر ہو۔ جائیداد کے طلب گار ملکی اور غیرملکی افراد کے درمیان امتیاز کیا جائے۔ پاکستانیوں کے لیے شناختی دستاویزات موجود ہونے پر نرمی اختیار کی جائے، تمام شناختی کارڈ، غیرملکیوں کے پاسپورٹ اور اجازت نامے و ویزا وغیرہ چیک کرنا، نادرا سے شناختی کارڈ کی مطابقت کی جانچ کرنا اسٹیٹ ایجنٹ ہی کی ذمّہ داری ہو، خاص طورپر اب جب کہ یہ کام صرف ایک ایس ایم ایس کے ذریعہ پلک جھپکتے ہی میں ہوجاتا ہے۔ قانون ساز اسمبلی کی جانب سے فوری طور پر کرایہ داری کی مثالی نمونہ دستاویزات تیّار اور فراہم کی جائیں، جو ہر اسٹیٹ ایجنٹ اور شخص استعمال کرنے پر مجبور ہو۔ یہ دستاویز ایک مناسب قدر کے اسٹیمپ پیپر پر تیار کی جائے جس سے اس نظام کو چلانے کے لیے حکومتی آمدنی میں اضافہ ہو۔ اس کے بعد یہ دستاویز تمام ثبوتوں کے ساتھ ایک رجسٹرار کے دفتر میں، یا پھراس سے بہتر یہ ہے کہ علاقہ ناظم کے دفتر میں ایک اور معمولی فیس کے ساتھ جمع کرکے ایک رسمی رسید حاصل کرلی جائے۔ اس دفتر میں ایک کمپیوٹر سافٹ ویئر میں اس کا فوری اندراج مع کرایہ دار کی تصویر کے ہو۔ اس ریکارڈ کو روزانہ نیٹ ورک لنک یا انٹرنیٹ ای میل کے ذریعہ ایک مرکزی دفتر، شہری حکومت سیکریٹیریٹ، میں بھیج دیا جائے۔ اس مقصد کے لیے ایک ایسی ویب سائٹ بھی تیّار کی جاسکتی ہے جہاں رجسٹرڈ اور مجاز اسٹیٹ ایجنٹ وغیرہ اپنا روزانہ کا روباری ڈیٹا خود ہی اپ لوڈ یا درج کردیں۔ چونکہ کراچی کا انتظام شہری حکومت کے علاوہ دیگر کئی کنٹونمٹوں وغیرہ میں بھی بٹا ہوا ہے، اس میں ایک باہمی ربط کی ضرورت ہوگی۔ دیگر شہروں میں شاید کراچی کی نسبت کم مسائل ہوں۔ اسی طرح شہری علاقوں کے علاوہ دیہی اور ایسے مُضافاتی علاقوں کی دیکھ بھال ایک دشوار عمل ہوگا جہاں حکومتی دیکھ بھال اور انتظام کمزور ہوتا ہے۔

پولیس کے ذمّہ ہر کام لگادینے سے ان کی توجّہ امن و امان کی دیکھ بھال اور جرائم کی بیخ کنی اور ان کی عدالت میں پراسیکوشن سے ہٹ کر ایک بڑی حد تک اس دل کش ذریعہءآمدنی پر مرکوز ہوجائے گی۔ ا س کے نتیجہ میں معاشرہ میں ایک بڑا انتشار پیدا ہوجانے کا خدشہ نظر آتا ہے۔ خاص طور پر اس لیے بھی کہ اس محکمہ کے انسانی وسائل، دفتری نظام، اور انفارمیشن ٹیکنولوجی اور مربوط ڈیٹا بیس کی سہولیات ابھی تک قائم نہیں ہوسکی ہیں۔ تھانوں میں ہجوم ہوجانے سے وہاں بھی انتشاری کیفیت نمودار ہوگی،ا ور ذیلی ایجنٹوں اور ٹاﺅٹوں کی بن آئے گی، جیسا کہ آج بھی نادرا کے مرکزی دفاتر کے باہر دیکھا جاسکتا ہے۔ ابھی وقت ہے کہ اس مسئلہ پر ریئل اسٹیٹ کانفرنس بلا کر ایک بحث و مباحثہ منعقد اور سفارشات مُرتّب کرلی جائیں۔ تاہم، پیارے قارئین، ایسے اقدامات کا انحصار حکمرانوں کے خلوص اور نیتوں پر ہوتا ہے، اور فی الوقت وہ کچھ زیادہ شفاف نظر نہیں آتیں۔

عوامی نوعیّت کے اس موضوع پر اظہارِ خیال کرتے ہوئے، ہم آپ کی ، قانون ساز اسمبلی کے ارکان کی، اور وزارت، خارجہ کے حکّام، اور باالخصوص سمندر پار پاکستانیوں کے وزیر، جناب فاروق ستّارصاحب کی بھی، توجّہ چند ایک اہم امور کی جانب دلانا چاہتے ہیں:۔۔

۔ بڑے شہروں میں کثیرالمنزلہ عمارتوں، فلیٹوں، کی بہتات نے کئی دیکھ بھال، امن و سلامتی اور متعلقہ انتظامی امور کے مسائل کو جنم دے دیا ہے۔ جن کے انتظام وانصرام کے لیے تفصیلی قوانین کی اشد ضرورت ہے، ان کی عدم موجودگی میں غیر منتخب غنڈہ عناصر پر مشتمل یونین مافیا ظہور پذیر ہوجاتی ہے۔ ایسی انتظامی یونینوں کے کرتا دھرتا حساب کتاب رکھنے، آڈٹ کرانے، اور اپنی ذمّہ داریوں کو نبھانے پر یقین نہیں رکھتے۔ ماہانہ چندہ بھی ایک مبہم انداز میں متعین کیا جاتا ہے۔ ہوسکتا ہے کہ آپ یہ جان کر حیران ہوں کہ کچھ علاقوں میں ایسے زبردستی ماہانہ چندہ کی قدر پانچ سے دس ہزار روپے تک بھی پہنچ سکتی ہے۔ مالکان اورکرایہ داروں کو ’مرتا، کیا نہ کرتا‘ کے مصداق اسے ادا ہی کرنا پڑتا ہے۔

۔ غیر ممالک میں مقیم پاکستانیوں کو غیرمنقولہ جائیداد کی پاور آف اٹارنی کے ضمن میں انوکھے مسائل کا سامنا ہے۔ اگر سفارت خانہ کے حکام کے سامنے دستخط شدہ اور تصدیق شدہ دستاویزات پراپرٹی رجسٹرار کے سامنے پیش کی جاتی ہیں تو وہ انہیں مزید تصدیق کے لیے ریوینیو کے محکمہ کو بھیج دیتا ہے ، جہاں سے وہ وزارتِ خارجہ کے مقامی دفتر کو تصدیق در تصدیق کے لیے روانہ کردی جاتی ہیں۔ وہ اہل کار اسے مہینہ میں ایک مرتبہ ہی سفارتی ڈاک سے بھیجتے ہیں، اور یہ کام لٹکا ہی رہتا ہے۔ ایسی دستاویزات کی واپسی کا عرصہ متعین نہیں، اور ایک ابہام کا شکار رہتا ہے۔ چونکہ صاحبِ معاملہ پہلے ہی کئی ادوار سے گزر چکا ہوتا ہے، اور وہ اپنی جائیداد کی جلد از جلد رجسٹری کرانا چاہتا ہے، یہ عجیب و غریب طریقہءکار دفترِ خارجہ کے عمّال کو بدعنوانیوں کا موقع فراہم کرتا ہے، جہاں لوگ چکّر پر چکّر لگاتے رہتے ہیں۔ یہ ’اُلٹے بانس بریلی‘ دستاویزی سفرفوری طور پر بند ہوجانا چاہیے۔ اس کا آسان ترین نیک نیتی پر مبنی طریقہءکار یہ ہوسکتا ہے کہ ایسی دستاویزات سفارت خانہ خود ہی براہ راست پاکستان بھجوادے،ا ور اس کی کاپی اور ایک رسید صاحب دستاویز کے حوالہِ کردے۔ مقامی دفتر خارجہ ایسی دستاویزات کو ایک متعین عرصہ میں وصول کرکے ریکارڈ کرنے کا پابند ہو، اور اصل رسید دکھانے پر اُسے تصدیق در تصدیق شدہ دستاویز بلا چوں و چرا حوالہِ کردے، اور رجسٹرار اسے بلا تکلّف اور تکلیف قبول فرمائے، اور صاحبِ معاملہ کو ٹیبل ٹینس کی بال نہ بنائے۔

۔ تمام کثیر المنزلہ رہائشی عمارتوں کے سامنے والے حصّوں میں کاروباری دفاتر اور دکانیں بنانے پر پابندی عائد کردی جائے۔ ایسے کاموں کے لیے اسلام آباد کے طر ز پر مرکزی مارکیٹیں بنائی جائیں۔ اسی طرح ایسے رہائشی پراجیکٹس میں مرکزی کمیونٹی ہال، اور مسجد کے علاوہ کھیلوں کی سہولیات بھی لازمی طور پر فراہم کی جائیں۔ ایسی تمام عمارتوں کے سامنے فٹ پاتھوں کو پتھارے داروں اور کرسی ریستورانوں سے صاف کرایا جائے تاکہ پیدل چلنے اور ورزش کرنے کا دور ایک مرتبہ پھر لوٹ آئے۔ ایسی عمارتوں کی چھتوں پر ناجائز تعمیرات کا کاروبار بھی جاری ہوچکا ہے ، ان کی تفتیش کی جائے اور انہیں گرا کر عمارتوں کو لاحق خطرات کا ازالہ کیا جائے۔

۔ زمینی قبضہ مافیا کے خلاف فوری اور تیز رفتارایکشن فورس اور عدالتیں قائم کی جائیں، جہاں دہشت گردی کی عدالتوں کی طرز پر فوری انصاف اور سزائیں دی جائیں۔

و ما علینا الاالبلاغ۔

09112009 - Monday, 11 November 2009

اگر کسی قوم کے رہنما خود روشن خیالی سے عاری ہوں تو ان کی ماتحت بھی ہمیشہ تاریکی میں ہی رہیں گے۔۔۔

( ایک چینی کنگ فو کہاوت)

ہے جستجو کہ خوب سے ہے خوب ترکہاں

اب دیکھیے ٹھہرتی ہے جا کر نظر کہاں

This is a widely syndicated Column. No editing is allowed. It must be published "as is". The intellectual property rights are asserted under the Pakistani and International Copyrights laws.

The Justujumedia hereby grants a fair usage license for publishing this piece without any changes. In case you make some profit out of publishing this material you are urged to consider sharing that with us

HASHIM SYED MOHAMMAD BIN QASIM

Justuju Media

Researcher, Writer, Publisher, Sociologist, ICT and O&D Consultant

Current Affairs Analyst, Radio Islam International, Johannesburg, South Africa

Contributing Editor: Urdupoint.Com

Justuju Media Projects جستجو میڈیا کے پراجیکٹس

کاش میں جانتا: امن و سلامتی کے اسباق

Coming up soon: on the pattern of US llis.gov system ...

The Legend of Akhgar

http://akhgars.blogspot.com/

A Tribute to American Sufi Urdu Poet

Sayyid Mohammad Hanif Akhgar Maleehabadi

American Humor

http://justuju-americanhumour.blogspot.com/

The Best of American Humour Brought to You in Urdu

Saudi Arabia: Discovering its Soul

http://zargrifth.blogspot.com/

Based on a legendary book about Saudi Arabia "Zar Grifth"

Canadian Urdu Poetry - Kulliyaate Ashar

http://justuju-kulliyaateashar.blogspot.com/

Beautiful Poems / Ode of Syed

Mohammad Munif Ahaar Malihabadi

Toronto Canada

Kalaame Musavvir

http://mosawwerhomepage.blogspot.com/

Maulana Musavvir's Poetry Rediscovered

Urdu Poetry from early 20th Century

Wrestling Diabetes

http://wrestlingdiabetes.blogspot.com/

Ziabetes Kay Saath Saath

Dr. Abid Moiz's Landmark Urdu Book on Diabetes Presented

by Justuju

The US Fort Hood Affair: امریکی قلعہ فورٹ ۃڈ

2009-11-07T02:31:00.007+05:00

[Right]

برائے مہربانی کنٹرول پلس کیز استعمال کرکے ڈسپلے کا سائز زیادہ کرلیں
PLEASE USE CTRL+ KEYS TO INCREASE THE DISPLAY SIZE
For a PDF Nastaleeque Version please email to: justujumedia@gmail.com

Tags: Fort Hood, US in Afghanistan, US in Iraq, Military psychology

جستجو / حالاتِ حاضرہ
حکمت اور دانش سے لبریز تحریریں

امریکی قلعہ میں افسوسناک ڈرامہ : اس میں ہمارے لیے بھی اسباق پنہاں ہیں

محمد بن قاسم

justujumedia@gmail.com

پیارے قارئین آپ سب کو سلام۔

ہم آ پ سے بات چیت کے لیے کئی موضوعات پر غور و فکر کررہے تھے کہ اچانک امریکی میجر ندال ملک حسن نے امریکی جنوبی ریاست ٹیکساس کے ایک فوجی شہر" فورٹ ہوڈ" میں قتل و غارت گری کر ڈالی۔ اور اس طرح ہماری توجہ بھی اہم قومی موضوعات سے بٹ گئی۔ چنانچہ ہم نے آپ سے اس ضمن میں بات کرنے کا فیصلہ کرلیا، کیونکہ اس کے بعض سنجیدہ اثرات ہونے کا خدشہ ہے۔ یہ واقعہ جس علاقہ میں پیش آیا ہے، وہ امریکی شہروں ہیوسٹن، آسٹن،ا ور ڈلاس سے قریب ہے۔ ان علاقوں میں مسلمانوں، اور پاکستانی امریکنوں کی ایک بڑی تعداد آباد ہے [ ایک اندازہ کے مطابق 10 لاکھ]۔ چنانچہ، ایسے کسی بھی واقعہ کے ردّعمل اور منفی سماجی روّیوں کے دور رس اثرات مرتب ہوسکتے ہیں۔ تاہم، ہم نے یہ سطور لکھتے ہوئے ان سے تبادلہءخیال کیا،اور یہ محسوس ہوا کہ وہاں عرصہ سے رہنے والے پاکستانی امریکی فی الحال اس واقعہ سے خوف زدہ نہیں، انہیں امریکی معاشرہ کی عمومی انصاف پسندی اور لچک پر خاصہ اعتماد ہے۔

حسن ندال 39 برس کا ایک غیر شادی شدہ امریکی نوجوان ہے جو شمال مشرقی ریاست ورجینیا میں پیدا ہوا، اور وہیں پلا بڑھا۔ اس کے 2 بھائی اور ہیں، اور اس کے اردنی ،فلسطینی امریکی والدین چند برس پہلے وفات پاچکے ہیں۔ امریکی فوج میں میجر رینک کا عہدہ دار حسن ندال ایک نفسیاتی ڈاکٹر ہے، جو ماردھاڑ کی امریکی مہموں سے واپس ہونے والے امریکی "غازیوں"، مگر ذہنی طور پر مجروح اور مفلوج ہوجانے والے فوجیوں کی نفسیاتی تھراپی کیا کرتا تھا۔ عراق اور افغانستان سے واپس آنے والے ان امریکی فوجیوں کی کہانیاں اس قدر ہولناک اور درد ناک ہوتیں کہ ندال حسن انہیں سن کر لرز اٹھتا، اور وہ خود بھی آہستہ آہستہ ذہنی دباﺅ میں آنے لگا۔ اپنی خواہش اور ولولہِ سے اپنے پیدائشی وطن کی خدمت کرنے کے لیے فوج میں بھرتی ہونے والا میجر حسن ندال اب اس کام سے اکتا چکا تھا، اور اپنے ساتھیوں کے اخلاق سے گرے ہوئے روّیوں پر شاکی تھا۔ ندال کو مذہبی، اور نسلی تعصب کا اس قدر سامنا کرنا پڑتا کہ اس نے تنگ آکر ایک وکیل کی خدمات حاصل کیں، جو اسے فوج سے چھٹکارا دلانے میں مدد کررہا تھا۔ چونکہ اس کی تعلیم کے اخراجات امریکی فوج نے اٹھائے تھے، ان کی ادائیگی کے بغیر وہ فوج چھوڑنے سے قاصر تھا، اور اس طرح وہ اپنے ضمیر اور ذہن کا قیدی بن کر رہ گیا۔ امریکی افواج کے اندرونی رویوں کے بارے میں اب آہستہ آہستہ انکشافات ہورہے ہیں۔ ان میں سے ایک یہ ہے کہ مسلمانوں کی جانب مذہبی اور نسلی تعصب برتتے ہوئے انہیں حقارت سے "حاجی" کا لقب دیا جاتا ہے۔ اب یہ تو ظاہر ہے کہ ان کا اصل مطلب "پاجی" کہنا ہوتا ہے، اور اکثر امریکن فوجی "حاجی" لقب کی درست اہمیت سے واقف ہی نہیں۔ امریکہ کے مسلمانوں کی ایک اہم ترین تنظیم، کونسل فار امریکن اسلامک ریلیشنز، المعروف "کیئر" کا کہنا ہے کہ وہ اس صمن میں سعی کرتے رہتے ہیں کہ وہ امریکی فوجی کمانڈروں کو اس لقب کے غلط استعمال اور اس سے پیدا ہوسکنے والی مذہبی تعلقات کی پیچیدگیوں کو حل کیا جاسکے۔ ساتھ ساتھ یہ کونسل یہ وضاحت بھی کرتی ہے کہ ان کے پاس موصول ہونے اور رجسٹر ہونے والی شکایات میں عام طور پر نچلے درجہ کے مسلمان فوجیوں کی شکایات ہوتی ہیں۔

تاہم جہاں تک ندال کا تعلق ہے تو، اسے اپنی جدوجہد کے دوران اس دھماکہ خیز خبر کا سامنا کرنا پڑا کہ اسے غیرممالک میں مہمات پر بھیجا جارہا ہے۔ اس کے خیال میں اسے عراق جانے کا حکم ملنے والا تھا۔ مگر بعد میں یہ پتہ چلا کہ اصل میں اسے افغانستان میں نفسیاتی مسیحا کی خدمات انجام دینی تھیں, جہاں امریکیوں کا 300 ملین ڈالر شخص نئی مدت صدارت کا حلف اٹھانے کو ہے۔ واضح رہے کہ حالیہ افغان انتخابات پر اتنا ہی خرچہ آچکا ہے۔ میجر حسن، جو ایک تنہائی کا شکار ایک امریکی فوجی تھا، اس خبر کو پا کر اپنے آپ میں نہ رہا۔ اس کے خاندان والوں کا کہنا ہے کہ اس کی زندگی اسی خوف میں گزررہی تھی کہ کہیں اسے دور دراز مار دھاڑ کے محاذوں پر نہ بھیج دیا جائے، ورنہ دیگر معاملات میں وہ ایک مکمل عام امریکی شہری تھا جو اپنی زندگی امن و چین سے گزاررہا تھا۔ چنانچہ ایسا محسوس ہوتا ہے کہ فورٹ ہوڈ میں ان امریکیوں کے درمیان رہتے ہوئے جو اگلے محاذوں پر جانے کی آخری تیاریوں میں مصروف تھے، اس کا دماغ چل نکلا، اور اس نے دو عدد پستولوں کی مدد سے فائرنگ کر ڈالی جس سے متعدد افراد ہلاک اور زخمی ہوگئے۔ اس ہل چل اور افرا تفری میں دیگر افراد نے بھی گھبراکر فائرنگ شروع کردی، اور فی الوقت یہ تعین نہیں ہوسکا ہے کہ کتنے افراد حسن کے ہاتھوں اور کتنے دوستانہ فائرنگ سے ہلاک اور زخمی ہوئے ہیں،۔ یہ ہلاک شدگان اور زخمی افراد کے زخموں کی جانچ کے بعد ہی پتہ چل سکے گا۔ کیونکہ عام طور پر امریکی فوجی استعمال میں پستولوں میں ایک میگزین میں 14 گولیاں ہوتی ہیں، اس طرح ندال کے لیے بیک وقت 28سے زائد فائر کرنا دشوار تھا، جب کہ کم از کم 41افراد گھائل ہوئے ۔ان سطور کے تحریر کرنے تک 13 افراد ہلاک ہوچکے، اور28 زخمی تھے۔

اس واقعہ کے بعد امریکہ میں ایک نئے غم و غصہ کی لہر دوڑ گئی، اور مختلف اخبارات میں قارئین نے اپنے اپنے اسلام مخالف جذبات کا اظہار شروع کردیا۔ ایک بڑی تعداد کے خیال میں ندال حسن ایک جہادی شخص ثابت ہوا، اور ان کے مطابق اسلام ایک ایسا دین ہے جو کہ دیگر مذاہب کے ماننے والوں کو ختم کردینے کی ترغیب دیتا ہے۔ اگرچہ امریکہ میں یہ کوئی پہلا اس قسم کا واقعہ نہیں جہاں کسی شخص نے ذہنی عدم توازن ، شدت پسندی کی وجہ سے متعدد لوگوں کو قتل کردیا ہو۔ مگر اس مرتبہ ایسے واقعہ کا ایک محفوظ فوجی اڈّے میں وقوع پذیر ہونا امریکی عوام اور حکام سے ہضم نہیں ہورہا۔ فورٹ ہوڈ 1942ءمیں قائم ہونے والا امریکہ کا سب سے بڑا فوجی اڈا ہے، اور یہاں بیک وقت 70 ہزار افراد رہ سکتے ہیں۔ کئی سو مربع کلو میٹر پر محیط اس اڈے میں ٹریننگ، قیام، اور تفریح وغیرہ کی تمام تر سہولیات موجود ہیں۔ سابق امریکی صدر جارج بش کا ذاتی فارم بھی قریب ہی واقع ہے۔ چنانچہ اس واقعہ کی علامتی حیثیت بھی بہت اہمیت رکھتی ہے۔ اس واقعہ پر رنجیدہ افراد اپنا غصہ صدر اوباما پر بھی نکال رہے ہیں، اور یہ الزام لگارہے ہیں کہ اوباما کی جڑیں چونکہ اسلام میں پیوستہ ہیں [ کیونکہ ان کے والد مسلم تھے، حالانکہ اوباما عیسائی ہیں] چنانچہ ان کا روّیہ اسلام کے ساتھ ہمدردانہ ہے، اور حالیہ واقعہ اسی نرمی کا نتیجہ ہے۔ اور دل چسپ بات یہ ہے کہ ابھی جب کہ امریکی میڈیا اس خطرناک واقعہ کے بارے میں پروگرام پر پروگرام اور تفصیلات بیان کررہا تھا، جمعہ کے روز ایک اور جنوبی ریاست فلوریڈا کے مشہور شہر اورلانڈو میں ایک عیسائی گورے امریکی نے اپنی کمپنی کے خلاف غصہ نکالتے ہوئے فائرنگ کرڈالی، اور اس میں بھی دو افراد کی ہلاکت اور پانچ اشخاص کے زخمی ہونے کی اطلاعات ہیں۔ چنانچہ، ندال پر ایک مسلمان ہونے کی حیثیت سے تنقید کرنے والوں پر اب ایسے "عیسائی " جنون کے دیگر پہلو بھی آشکارا ہورہے ہیں۔ در اصل اس قسم کی شدت پسندی اور رد عمل ایک فطری، انسانی صفت ہے نہ کہ ایک دینی صفت ۔۔۔

ہیومن ریسورسز منیجمنٹ کے حوالہ سے حقیقت یہ ہے کہ حسن ندال جیسے افراد، جو متحرک اور خطرناک فوجی ڈیوٹی دینے سے انکار کردیتے ہیں، انہیں مہمات پر روانہ کرنا درست نہیں۔ وہ مشن کے دوران نیم دلی سے کام کرنے پر مجبور ہوں گے، اور اس طرح اپنے ساتھیوں کے لیے بھی خطرے کا باعث بنیں گے۔ تاہم یہ ایک حیران کن امر ہے کہ امریکی فوج دوسری جنگ عظیم، ویت نام، کوریا، جنوبی امریکہ، ایران میں خصوصی آپریشنز، عرب اسرائیلی قضیہ میں فوجی شرکت، افغانستان میں روسیوں سے پنجہ کشی، پھر عراق میں دو مرتبہ فوج کشی، اور آخرکار افغانستان پر قبضہ کے باوجود نفسیاتی تشخیص اور علاج کے معاملوں میں ابھی تک طفل مکتب ہی نظر آتے ہیں۔ 1990سے عراق جنگ میں شمولیت سے اب تک امریکی فوجیوں میں خودکشیوں کا رجحان ایک خطرناک حد کو چھو رہا ہے۔ کیونکہ کسی بھی ایک فوجی کا بھی خودکشی کرنا دیگر ایک بڑی تعداد کے مورال پر بہت بری طرح اثر انداز ہوتا ہے۔ اسی قسم کے واقعات ہندوستانی افواج میں بھی پیش آتے رہے ہیں، خاص طور پر ان فوجیوں میں جو کشمیر میں مظالم کرنے پر ماءمور ہیں۔

جنگ ایک بہت بُری شے ہے۔ خوبصورت وردیوں، شان دار ٹینکوں ، ہوائی جہازوں، اور بحری جہازوں میں سوار افراد کو جب گولہ ، بارود، اور ایک پُر عزم دشمن کا سامنا کرنا پڑتا ہے تو وہ اکثر صدمہ اور حیرانی کا شکار ہوجاتے ہیں۔ تما م تر سخت تربیت اور بہترین سے بہترین اسلحہ بھی آپ کو وہ ترغیب نہیں دے سکتا جو کسی بھی لڑائی بھڑائی کے مقصد پر یقین اور دلی نصب العین سے حاصل ہوتی ہے۔ خاک و خون میں لُتھڑے ہوئے دشمن فوجی اور شہری، اور اپنے ہی ساتھیوں کے خون آلودہ اور کٹے پھٹے جسموں کو دیکھ کر جوزخم روح کو لگ جاتے ہیں ان کا کوئی بھی مداوا نہیں۔ شاید اسی لیے امریکی افواج ریموٹ کنٹرول اور روبوٹک جنگی آلات اور چالوں پر زیادہ توجہ دے رہی ہیں۔ افغانستان اور پاکستان میں ہونے والے ڈرون حملوں کے بارے میں یہ غلط فہمی ہے کہ یہ مقامی طور پر کنٹرول کیے جاتے ہیں۔ جب کہ امریکی رپورٹوں سے ظاہر ہوتا ہے کہ انہیں کسی وڈیو گیم کی طرح جنوبی ریاست نیوادا کے مشہور شہر لاس ویگاس کے قریب صحرا میں واقع اسٹیشنوں سے کنٹرول کیا جاتا ہے، جو کہ سیٹیلائٹس سے منسلک ہوتے ہیں۔ تاہم ان ڈرونوں کو اڑانے کے لیے کچھ نہ کچھ مقامی مدد ضرور درکار ہوتی ہے، جہاں سے وہ اسلحہ سے لیس ہوتے، اڑان بھرتے، اور پھر کامیابی سے اترجاتے ہیں۔ امریکی اسٹیشنوں سے ان ڈرونوں کو کنٹرول کرنے اور فائر کرنے والے افراد کو اس تباہی بربادی، خاک و خون اور چیخ و پکار کا ذاتی تجربہ نہیں ہوتا،ا ور اس طرح وہ کیمروں سے دیکھنے کے باوجود اس جذباتی اتھل پتھل کا شکار نہیں ہوتے جو کہ ایک زمینی دو بدو لڑائی لڑنے والا فوجی محسوس کرتا ہے۔

امریکی معاشرہ میں چونکہ ازدواجی وفاداری ایک بہت ہی نازک ترین معاملہ ہے، اور اس کی اکثر دھجیاں اڑادی جاتی ہیں، فوجی مہمات میں مصروف اکثر امریکی فوجی اس ذہنی دباﺅ کا شکار رہتے ہیں کہ نہ جانے ان کی دوست یا بیوی اس وقت کہاں گل چھرے اڑا رہی ہے۔ اس کا بھی ان کے ذہنوں پر بہت برا اثر پڑتا ہے۔ جب وہ گھر فون کرتے ہیں تو چاہے ان کی" گھر والی " کسی کام سے ہی کیوں نہ گئی ہو، وہ اس شک و شبہ میں مبتلا ہوجاتے ہیں۔ جہاں تک حسن ندال کا تعلّق ہے تو اس کا ایک مسئلہ اس کی زندگی میں صنف نازک کی محبت سے محرومی بھی نظر آتا ہے۔ ایک اچھے مسلمان کی حیثیت سے وہ شادی کے بغیر خواتین سے دور ہی رہتا ہوگا، اور اس کی مسجد کے ایک سابق امام کا یہ کہنا ہے کہ اس نے اپنی ہونے والی بیوی کی صفات کچھ اس قدر سخت بیان کی تھیں کہ ان کا میرج بیورو اس کی مدد کرنے میں اب تک ناکام رہا تھا۔ ایک شادی شدہ زندگی میں اُمنگوں اور ذمہ داریوں میں جو اضافہ ہوجاتا ہے، وہ شدت پسندی میں یقینا کمی کرتا ہے، کیونکہ کسی بھی انتہائی اقدا م کی صورت میں خاندان تباہ ہونے کے امکانات ڈراتے رہتے ہیں۔

خود کشیوں کے اسباب اور اسی قسم کے مسائل اور ذہنی دباﺅکے بارے میں کچھ عرصہ قبل ، امریکیوں کی مثال سامنے رکھتے ہوئے، پاکستانی معاشرہ کی نسبت ہم نے ایک ماہر نفسیات ڈاکٹر موسی مراد سے گفتگو کی تو انہوں نے بتایا کہ ہمارے معاشرہ کو بھی اسی قسم کے متنوع شکوک اور پریشانیوں کا سامنا کرنا پڑتا ہے، حالانکہ ہمارے مسلم معاشرہ میں ایسے واقعات بہت کم ہی ہوتے ہوں گے۔ تاہم موجودہ لاقانونیت اور دہشت گردی کے دور میں اپنے پیاروں سے دور رہنے والے ان کی سلامتی کے لیے ہمہ وقت فکر میں رہتے ہیں۔ پاکستانی فوج میں بھی ایک شعبہء نفسیات قائم ہے۔ تاہم، جنگ میں مصروف پاکستانی فوجیوں کو بھی مختلف النوع نفسیاتی مسائل کا سامنا ہوگا، اور ہمیں ان کے مناسب علاج معالجہ کے لیے تیار رہنا چاہیے۔ وہ بھی گوشت پوست کے انسان ہیں، اور کوئی روبوٹ نہیں۔

یہاں سبق آموز امر یہ ہے کہ امریکی فوجی میجرندال حسن ملک خود ایک ماہرِ نفسیات تھا۔ چنانچہ یہ ظاہر ہوتا ہے کہ ایسے مسیحاﺅں کو خود بھی حکیموں کی ضرورت رہتی ہے۔ اور ان پر بھی نظر رکھنا ضروری ہے۔ فی الوقت حسن خود اپنی زندگی کی جنگ ہسپتال میں لڑ رہا ہے، اور وہ مصنوعی تنفّس پر ہے۔ اگر وہ زخموں سے جانبر ہوگیا تو یقینا اس معمہ کو حل کرنے میں مدد ملے گی، کہ آخر حسن نے یہ انتہائی قدم کیوں اٹھایا، جب کہ چند گھنٹے قبل ہی وہ ایک عام انداز میں اپنے فوجی اڈہ میں خرید وفروخت میں مشغول تھا ۔۔۔ اور یہ کہ ایسے کتنے مزید افراد اس وقت اندر ہی اندر کھول رہے ہیں، جو کسی وقت بھی پھٹ پڑیں گے۔

ہم اس موقعہ پر اپنی بہادر افواج کو بھی سلام پیش کرتے ہیں، جو کم تر سہولیات کے باوجود پاکستان کے دشمنوں سے نہ صرف اندرونی محاذ پر، بلکہ بیرونی سرحدوں پر بھی نبردآزما ہیں، اور تمام تر جسمانی گھاﺅ اور روحانی دباﺅ بھی ایک عزم کے ساتھ برداشت کررہی ہیں۔ راولپنڈی میں فوجی مستقر پر ہونے والا حملہ اس امریکی واقعہ سے کہیں زیادہ خطرناک تھا،ا ور انہوں نے اس سے بخوبی نمٹا۔ دوسری جانب ہم امریکی قلعہ میں جاں بحق ہونے والے ، زخمی ، اور ان کے اہل خاندان سے ہمدردی کا اظہار کرتے ہیں۔

اس اندوہناک حادثہ سے امریکییوں کو شاید یہ احساس ہو کہ چند امریکی جانوں کے مقابلہ میں پاکستانی قوم کی ان گنت قربانیاں کیا قدر و قیمت رکھتی ہیں۔ آخر بقول امریکیوں کے، یہ جنگ بھی تو ہمارے ہاں اس لیے لڑی جارہی ہے کہ ہزاروں میل دور رہنے والے امریکی چین سے رہ سکیں۔ اور شاید امریکی منصوبہ ساز دنیا میں امن قائم کرنے کے لیے جنگ کے متبادل طریقوں پر غور کرسکیں ۔۔۔ اور فلسطین اور کشمیر جیسے سلگتے ہوئے دیرینہ مسائل کو حل کرنے میں مدد کرکے دنیا میں ایک پائیدار امن کی بنیاد رکھ دیں۔

جمعہ 6 نومبر2009

حکمت و دانش کو پوشیدہ رکھنا ایسا ہی ہے جیسا کہ کسی خزانہ کوتاریکیوں میں چھپادینا۔۔۔ چینی کہاوت

Justuju Media [Publishers]

ISBN 969-8831-00-00

ہے جستجو کہ خوب سے ہے خوب ترکہاں

اب دیکھیے ٹھہرتی ہے جا کر نظر کہاں

This is a syndicated column. The writer and the syndicating agency, Justuju Multimedia, allows you to publish this article without any changes and editing. The moral and copyrights of the writer are asserted. This article may be published for non commercial purposes, under a fair usage concept.

HASHIM SYED MOHAMMAD BIN QASIM

Justuju Media

Researcher, Writer, Publisher, Sociologist, ICT and O&D Consultant

Current Affairs Analyst, Radio Islam International, Johannesburg, South Africa

Contributing Editor: Urdupoint.Com, Alqamar.Org

Justuju Media Projects جستجو میڈیا کے پراجیکٹس

The Legend of Akhgar

http://akhgars.blogspot.com/

A Tribute to American Sufi Urdu Poet

Sayyid Mohammad Hanif Akhgar Maleehabadi

American Humor

http://justuju-americanhumour.blogspot.com/

The Best of American Humour Brought to You in Urdu

Saudi Arabia: Discovering its Soul

http://zargrifth.blogspot.com/

Based on a legendary book about Saudi Arabia "Zar Grifth"

Canadian Urdu Poetry - Kulliyaate Ashar

http://justuju-kulliyaateashar.blogspot.com/

Beautiful Poems / Ode of Syed

Mohammad Munif Ahaar Malihabadi

Toronto Canada

Kalaame Musavvir

http://mosawwerhomepage.blogspot.com/

Maulana Musavvir's Poetry Rediscovered

Urdu Poetry from early 20th Century

Wrestling Diabetes

http://wrestlingdiabetes.blogspot.com/

Ziabetes Kay Saath Saath

Dr. Abid Moiz's Landmark Urdu Book on Diabetes Presented

by Justuju

Pablo Picasso - "Computers are useless. They can only give you answers."

برطانیہ میں اردو کا مستقبل ؟

2009-11-01T01:13:00.000+05:00

ندن (رپورٹ/ رضیہ سلطانہ) اردو زبان کی ترویج اور ترقی کے لئے ضروری ہے کہ نوجوان طبقہ اس زبان کو سیکھنے میں دلچسپی کا اظہار کرے۔ یہ بات اردو زبان کے معروف محقق ڈاکٹر ڈیوڈ میتھیوز نے یونیورسٹی کالج لندن میں اردو کنورسیشن گروپ اور یو سی ایل پاکستان سوسائٹی کے زیر اہتمام اردو کی تاریخ اور ترقی کے موضوع پر لیکچر میں کہی۔ انہوں نے کہا کہ اردو بڑی خوبصورت زبان ہے، وہ جدید علوم سیکھنے کے خلاف نہیں تاہم ہمارے نوجوانوں کی توجہ اردو سیکھنے کی بجائے کمپیوٹر اور دیگر علوم سیکھنے پر ہے۔ انہوں نے کہا کہ آج کل کے والدین بچوں کو بیک وقت کئی زبانیں سکھانے کی طرف بھی توجہ اور بچوں کو گھروں میں کم از کم اردو بولنے پر زور نہیں دیتے۔ بچوں کو انگریزی میڈیم میں بھیجنا زیادہ پسند کرتے ہیں۔ برطانیہ میں سکول، کالجوں اور یونیورسٹی کی سطح پر اردو زبان پڑھائی جا رہی ہے تاہم ان حالات میں علم نہیں کہ یہ سلسلہ کب تک جاری رہتا ہے۔ انہوں نے کہا کہ اردو کو دنیا کی دیگر زبانوں میں اہم مقام حاصل ہے یہ بڑی میٹھی اور آسان رابطہ زبان ہے۔ بولی ووڈ میں اس کا طوطی آج بھی سر چڑھ کر بول رہا ہے۔ موجودہ حالات کے تناظر میں اگرچہ انگریزی اس وقت دنیا کی اہم زبان بن گئی ہے حالانکہ اس سے قبل فرانسیسی کو سفارتی لحاظ سے رابطے کی اہم زبان ہونے کا شرف حاصل تھا۔ انہوں نے کہا کہ اردو پر مذہب خاص طور پر اسلامی تہذیب و تمدن کی بڑی گہری چھاپ ہے تاہم سیکولر ادب بھی لکھا گیا۔ زبانیں پوری زندگی دوسری زبانوں کے اثرات قبول کرتی ہیں اور اس کے حساب سے خود کو ایڈجسٹ کرنے کی صلاحیت رکھتی ہیں۔ اردو میں عربی، فارسی کے بہت سے الفاظ شامل ہیں جنہیں ہم روزمرہ بول چال میں بغیر جانے ایسے سیکڑوں الفاظ ادا کر جاتے ہیں۔ انگریزی زبان میں دیئے جانے والے لیکچر میں ڈاکٹر ڈیوڈ میتھیوز نے اردو کے جنم، اساس، عروج و ترویجی عمل کو تاریخ کے آئینے میں مرحلہ وار بیان کیا۔ قبل ازیں یو سی ایل پاکستان سوسائٹی کے صدر زبیر عباسی نے بتایا کہ اس لیکچر کے ذریعے کوشش یہی ہے کہ نوجوانوں کو جدید علوم کے ساتھ اردو زبان سے آگاہی اور سیکھنے کا موقع بھی فراہم کیا جائے۔ اردو کے ارتقا کے حوالے سے یہ اس سلسلے کا پہلا لیکچر ہے جبکہ اس قسم کے لیکچرز کا انعقاد اردو کنورسیشن گروپ لندن کی دیگر یونیورسٹیوں میں بھی کرنے کا ارادہ رکھتا ہے۔ علاوہ ازیں اس کے ساتھ اردو سیکھنے کے لئے مفت کلاسوں کا بھی اہتمام کیا جا رہا ہے۔ بعد ازاں طالب علموں نے ڈاکٹر میتھیوز سے اردو زبان کے مختلف پہلوؤں کے حوالے سے سوالات کئے۔

ہیلیری کلنٹن کا طوفانی دورہء پاکستان

2009-10-31T07:56:00.003+06:00

Tags: Kerry Lugar, Hillary Clinton, Pak US Relations, Al Qaeda, Taliban, Justuju,

Agricultural Income Tax

جستجو

حکمت اور دانش سے لبریزگفتگو اور مباحث

ہیلیری کلنٹن کا طوفانی دورہءپاکستان

انہوں نے سیدھے سبھاﺅ گفتگو سے دل تو جیتے مگر ذہن نہیں۔۔

محمد بن قاسم

ہیلیری کلنٹن، سکریٹری آف اسٹیٹ، ریاست ہائے متحدہ امریکہ کی عمر اب 63 برس ہونے کو آئی ہے۔ وہ قیام پاکستان کے دو ماہ بعد 26 اکتوبر 1947کو شکاگو میں پیدا ہوئیں، اور وہ دو معرکتہ الآراءایسی کتابوں کی مصنّفہ ہیں، جو کم از کم 30لاکھ کی تعداد میں فروخت ہوچکی ہیں۔ نہ جانے ہماری وزارتِ خارجہ نے ان کے بارے میں کسی قسم کی تحقیق وغیرہ کی بھی تھی یا نہیں! اور نہ جانے ہمارے حکومتی اداروں میں اس قسم کی کوئی روایت بھی ہے کہ جب کوئی اہم مہمان تشریف لائے تو اس کے بارے میں پہلے مناسب تحقیق کرلی جائے، جس سے اس کے بارے میں وہ معلومات دستیاب ہوں جو اس مہمان کے استقبال اور اس سے کامیاب و با مقصد گفت و شنید کے لیے ضروری ہے۔ ہمارا یہ خیال ہے کہ شاید ایسا نہیں کیا گیا ( نہ ہی ہم نے اپنے گزشتہ کالم میں اس پر کوئی روشنی ڈالی، آہم، آہم۔۔۔)۔ ورنہ 27 اکتوبر2009کو ان کی آمد کے بعد کہیں تو انہیں سال گرہ کی مبارک باد دی جاتی، اور ایک کیک شیک بھی کاٹ لیا جاتا۔ اپنے شوہر ولیم کلنٹن کے کم سن مونا لیونسکی کے ساتھ معاشقہ کے اسکینڈل کے دوران انہوں نے ایک مشرقی عورت کا کردار ادا کیا، اور اپنے صبر و ضبط کا بے مثال مظاہرہ کیا۔ وہ نیویارک میں رہنے بسنے اور وہاں پر مقامی سیاست بھی کرنے کے سبب یہودیوں کی حمایت کرتی ہیں، 9/11 کے واقعات سے بہت متاءثر ہیں اور انتقام کے جذبہ سے سرشار ہیں، اور بھارت کی معیشت کے حجم اور ثقافت کی بنا پر اس کے عشق میں بھی مبتلا ہیں، انہیں کشمیر سے کوئی دل چسپی نہیں، اور نہ ہی اس کے پس و پیش منظر سے بخوبی واقف ہیں۔ ان اشاروں سے آپ یہ اندازہ لگالیجیے کہ ہمارے ارباب اختیار کس قدر سمجھ بوجھ رکھتے ہیں، اور انسانی نفسیات، اور انسانیت شناسی کے ان پہلوﺅں پر کس حد تک توجہّ دیتے ہیں، جن کے بغیر انسانی معاشرت میں جینا آسان نہیں۔ پنڈت جواہر لال نہرو نے بھی ماﺅنٹ بیٹن خاندان سے کچھ ایسا محبت کا رشتہ جوڑا تھا کہ اس پر آج بھی چٹ پٹی کہانیاں بیان کی جاتی ہیں۔ اسی قسم کے تعلّقات کی بناء پر 1947 میں کشمیر کی حدود کو چپکے چپکے تبدیل کردیا گیا تھا۔ تاہم ، ہم یہ سفارش نہیں کرسکتے کہ پاکستانی نہروانہ محبت کا اظہار کریں جو شرع سے بہت دور ہوگی۔ اور نہ ہی ان سے اس قسم کی خط و کتابت کریں، جیسی کہ سندھ کی دل کش وزیرہ سسی پلیچو کے ساتھ ایک اہل کار نے اپنے دل کے بہکانے پر کر ڈالی، جس کا نتیجہ اس کی گرفتاری اور الزام تراشی وغیرہ میں نکلا، اور اب حراست اور پولیس کی بد سلوکی سے اس کے دماغ کے دریچے وا ہورہے ہیں، اور ایک نئی تاریخِ جنوں لکھی جارہی ہے۔

بہر حال، ہیلیری کلنٹن نے 63 برس کی عمر میں بھی جس طرح سارے پاکستان میں ترت چلت پھرت کا مظاہرہ کیا، اس سے ہمارے جوان سے جوان اربابِ حکومت بھی حیران پریشان رہ گئے۔ ہیلیری کے بارے میں تو ہم نے چک لالہ میں چند قدم کی چہل قدمی تجویز کی تھی، مگر یہ تجویز انہیں کچھ ایسی بھائی کہ وہ میلوں چلیں، اور اپنی صحت بنائی۔ جب سابقہ سکریٹری آف اسٹیٹ، کنڈولیزا رائس، پاکستان آئیں تو انہوں نے پاکستانی پانی تک کا ایک بھی قطرہ نہ پیا۔ یا تو پیاسا رہنا پسند کیا یا اپنے ساتھ لائی ہوئی ’بوتلوں‘ پر گزارا کیا۔ اب ہیلیری کلنٹن نے کیا کھایا پیا، ان تفصیلات کا انتظار رہے گا۔ اپنی پرکشش شخصیت کا فائدہ اٹھاتے ہوئے ہیلیری کلنٹن نے اسلام آباد اور لاہور کے شہریوں کے دل جیتنے کی ہر ممکن کوشش کی۔ مگر یہ کہا جاسکتا ہے کہ چند دلوں کو جیتنے کے باوجود وہ پاکستانیوں کے اذہان پر چھانے اور انہیں تسخیر کرنے میں ناکام رہیں۔ تاہم جس طرح وہ پاکستان میں سیکیوریٹی کے خطرات کے باوجود گھومتی پھرتی رہیں وہ ایک قابل ستائش امر ہے، باالخصوص ایک ایسے وقت میں جب کہ ہمارے کئی اہم سیاستدان دم سادھے، دم دبائے، آنکھیں میچے، سر ریت میں چھپائے ، بلوں میں روپوش ہیں۔ وہ جن لوگوں سے ملیں، ان میں صدر پاکستان، وزیر اعظم پاکستان، مسلم لیگ کے چند رہنما، چند طلبائ، اور قبائلی ’دوست‘ افراد شامل رہے۔ مگر وہ جن افراد سے دور رہیں، یہ ایک دل چسپ امر ہے۔ سب سے پہلے تو کراچی میں بانی ءپاکستان، قائد اعظم، محمد علی جناح ہی اپنے عظیم الشان مزار پر ان کا اسی طرح انتظار کرتے رہے جس طرح وہ نئی پاکستانی نسل کا کرتے ہیں۔ شاید ہیلیری کلنٹن کو کسی نے یہ بتادیا تھا کہ اب قائد کے مزار کے احاطہ میں کسی خاتون کا جانا آنا خطرے سے خالی نہیں، ایک مظلوم پاکستانی لڑکی ابھی تک وہاں کے اہل کاروں کی جانب سے بے آبرو کیے جانے کے بعد انصاف کی منتظر ہے۔ اسی لیے ہیلیری اپنی جوان بیٹی چیلسی کو اپنے ساتھ نہیں لائیں، جب کہ ہمارے رہنما اپنی تمام اولاد کو چین وعرب کی سیر کراتے رہتے ہیں۔ تاہم، کلنٹن خاندان نے اپنی اس اکلوتی بیٹی کو اسلام کے بارے میں ایک خصوصی کورس کرایا، جس کے منفی یا مثبت نتائج کے بارے میں کوئی علم نہیں۔ کراچی میں متحدہ کا 90 بھی ان کی ایک نظر کا منتظر رہا ہوگا، اور اگر ہیلیری وہاں جا نکلتیں تو وہ اپنے گرم جوش اور منفرد استقبال کو دیکھ کر حیران رہ جاتیں۔ دوسری جانب یہ دیکھتے ہوئے کہ ہیلیری کلنٹن سب سے پہلے ایک کامیاب وکیل رہی ہیں، ان کا وکلاءبرادری کے ساتھ ملاقات کا پروگرام نہ ہونا محل نظر ہے۔ وکلاء تحریک ایک تاریخی کامیابی کے بعد اپنے جامے سے باہر ہے، اور ہر کس و ناکس پر تشدد کرنے پر آمادہ ہے۔ چنانچہ یہی خوف ہیلیری کو ان سے دور رکھنے کا باعث ہوسکتا ہے۔ اور اسی طرح انہوں نے چوہدری شجاعت ، اور دوسری جانب جماعت اسلامی کے گڑھ منصورہ کو ایک محبوبانہ کٹھور پنے سے نظر انداز کردیا۔ اگر وہ وہاں بھی جا پہنچتیں تو جماعت اسلامی سے تلخ و شیریں مکالمہ کرکے انہیں بھی قائل کرلیتیں، یا قائل ہوجاتیں۔ امریکہ کے خلاف سب سے زیادہ شور و غل تو جماعت ہی مچاتی ہے۔ اگر ہمارے فوجی سربراہ ان سے علیحدگی میں ملنے سے انکار کردیتے، اور وزیر اعظم کی موجودگی ہی میں ملتے تو شاید زیادہ مناسب ہوتا۔ تاہم ہیلیری کی اس ملاقات نے یہ ثابت کردیا کہ امریکہ فوج کو اب بھی ایک مقتدر اور ’علیحدہ‘ جماعت سمجھتا ہے۔ چونکہ ہماری فوج اس وقت ایک اہم اور سنجیدہ قسم کے خون خرابہ والی مہم میں مبتلا ہے، ان کا ہیلیری سے مل کر فوجی صلاحیت میں اضافے کے سلسلہ میں بات چیت کرنا کسی حد تک جائز نظر آتا ہے۔ واضح رہے کہ اب تک ملنے والی ایسی فوجی امداد اونٹ کے منہ میں زیرہ کے مصداق ہی رہی ہے۔ گنے چنے شبی چشمے (نائٹ وژن)، پرانے ردّی روسی ہیلی کاپٹرز وغیرہ۔ جس وقت ہیلیری پاکستان کا قصد کررہی تھیں، امریکی اور بھارتی جدید تاریخ کی ایک بڑی مشترکہ فوجی مشق جاری تھی، جس کے بارے میں پاکستانی میڈیا لب کشائی نہیں کررہا تھا۔ ہماری فوج کے پاس جو امریکی اسلحہ ہے اس کے مقصدء استعمال اور اس میں تبدیلی ، بہتری، اور اضافہ تک تو امریکہ بہادر کو گوارا نہیں، تو پاکستانی امریکہ پر کیسے یقین کرلیں۔

جاسوسی طیارہ کا واقعہ(1962)،1965 (کشمیر پر جنگ)، 1971(مشرقی پاکستان پر پاک بھارت جنگ) , 1989 (افغانستان میں روسیوں کی پسپائی، اور امریکیوں کا فرار)، 1990(عراقی جنگ)، 2001 ( 9/11) اور 2003 (عراقی جنگ)کے اہم واقعات اور حوادث کے پس منظر میں اگرچہ زیادہ تر پاکستانی امریکہ کو ایک ناقابل اعتبار ساتھی، اور ایک دوست نما دشمن سمجھتے ہیں، پھر بھی پاکستانی خفیہ ایجنسیوں کی سابقہ شہرت کو مدّ نظر رکھتے ہوئے ہیلیری کا اس نکتہ پر حیرت کا اظہار، کہ ایسا کیسے ہوسکتا ہے کہ پاکستانیوں کو یہ پتہ ہی نہیں چلا کہ کب القاعدہ نے پاکستانی قبائلی علاقوں میں نفوذ کرلیا، اور ان کے چیدہ چیدہ رہنما کہاں ہیں، پاکستانیوں کے لیے لائقِ فکر ہے - اسی طرح ہیلیری کلنٹن کا پاکستانی ٹیکسیشن نظام پر تنقیدی پیغام بھی بہت اہم ہے۔ آپ جانتے ہی ہیں کہ آج کل جرمنی کے چند کلیدی سرمایہ دار یہ مہم چلا رہے ہیں کہ ان سے زیادہ ٹیکس لیا جائے۔۔۔ پاگل، اور مجنوں جرمن لوگ۔ پاکستانیوں سے سبق لیں، ہم سب سے زیادہ آمدنی رکھنے والے زرعی شعبہ سے اس لیے ٹیکس نہیں لیتے کہ یہ ’وہی تو ہیں، جو میرا دل چرائے بیٹھے ہیں‘، اور پاکستان کا سب کچھ لوٹ کر پارلیمنٹ میں بھی نقب لگائے ہوئے ہیں۔ ہیلیری کلنٹن اس امر پر اظہارِ حیرت کررہی تھیں کہ جناب وزیرِ اعظم پاکستان کس طرح بخیر و خوبی ایوان کو اتحاد اور یکسوئی سے چلا رہے ہیں۔ انہوں نے موجودہ وزیر اعظم کو سیاسی جادوگر بھی قرار دیا۔ بس یہاں ہیلیری کلنٹن کا بھول پنا ظاہر ہوتا ہے۔ اگر وہ ایوان کی پہلی تقریر سن لیتیں یا پڑھ لیتیں تو انہیں اس جادوگری کے منتر سمجھ میں آجاتے۔ گندم کی قیمت کا تعین اور ہوش ربا اضافہ، مثال کے طور پر! وہ کون سا موقع تھا قیمتوں میں اضافہ کا، اور اس کا مطالبہ اور اس پر تحقیق کس نے کی تھی۔ اور اس کا سب سے زیادہ فائدہ اور نقصان کس کو ہوا۔ عوام کو تو اس کے بعد آٹا ملنا ہی بند ہوگیا۔

ہمارے سابق سکریٹری خارجہ جناب شمشاد احمد خان نے یہ انکشاف کرہی دیا ہے کہ ہیلیری کا یہ دورہ بہت پہلے سے طے شدہ تھا، اور اس میں حالیہ اتھل پتھل کا اسی حد تک ہاتھ ہوسکتا ہے کہ انہوں نے اپنے دورہ کے اہداف کو وقت کی ضرورت کے مطابق تبدیل کرلیا ہو۔ ورنہ ان کے اس پکنک نما دورہ کو پاکستانی نقطہ نظر سے مزید مفید بنایا جاسکتا تھا۔ بری امام اور بادشاہی مسجد میں خرچ کیے جانے والے وقت کو بھی عوامی اور رسمی ملاقاتوں کے لیے مخصوص ہونا چاہیے تھا۔ اس قسم کے ذاتی دوروں کے لیے آئندہ وہ اپنی چھٹّیوں میں تشریف لائیں تو بہتر ہے۔ اسی طرح حفظِ مراتب کا تقاضہ تھا کہ کم از کم صدر پاکستان ان کے لیے ضیافت کا اہتمام نہ کرتے۔ قارئین کرام، اب جہاں تک ہماری خفیہ ایجنسی انٹر سروسز انٹیلی جنس ، المعروف آئی ایس آئی کا معاملہ ہے، تو یقینا اس میں تعین کیے گئے افراد عارضی ڈیپوٹیشن پر ہونے کے بجائے مستقل حیثیت میں ہوں تو بہتر ہے۔ اسی طرح اس کا سربراہ ضروری نہیں کہ ایک فوجی ہی ہو۔ وہ ایک کامیاب جاسوس، ایک کامیاب تجزیہ کار، جدید ٹیکنولوجی سے واقف، ایک بہترین منیجر اور کو آرڈی نیٹر، جری، بے خوف، اور ایک پر اعتماد، محب وطن پاکستانی ہو، اور بس۔ راما (ریسرچ اینڈ انٹیلی جنس ملّی افغان)، را، موساد، سی آئی اے، اور خاد وغیرہ سے کامیابی سے مقابلہ کرنے کے لیے آئی ایس آئی کا ایک مستقل اور فعّال ماہر ترین عملہ سے آراستہ ہونا اشد ضروری ہے۔

چونکہ ہماری موجودہ حکومت کے کرتا دھرتاﺅں نے کیری لوگر بل کے وضاحتی بیان پر نہ جانے کیوں خود اپنے دستخط بھی ثبت کردیے ہیں، اب یہ ایک یک طرفہ دستاویز نہیں رہی، بلکہ اس سے کچھ آگے کی اثر انگیزی کی حامل ہوگئی ہے, اور تاریخ ایسے افراد سے حساب ضرور لے گی جنہوں نے عوامی نمائندگان کے ایوان کو نظر انداز اور دانشورانہ اور عوامی رائے کو پامال کردیا۔ تمام امریکی اہل کاروں کی اس قانون کے نفاذ کے لیے تگ و دو یہ صاف ظاہر کررہی ہے کہ اس کی غیر موجودگی میں اس خطہ میں امریکی منصوبہ بندیاں مالی دشواریوں کی وجہ سے سست روی کا شکار ہوجاتیں۔ مثلاً اسلام آباد اور پشاور میں مضبوط فوجی قلعوں کا قیام۔۔۔۔ وغیرہ۔ اب امریکی اس ضمن میں چین کی بنسی بجا رہے ہیں، اور پاکستانی حکام اس کی مدھر تانوں کے زیر اثر خوابِ خرگوش کے مزے لے رہے ہیں۔

- Saturday, 31 October 2009

اگر کسی قوم کے رہنما خود روشن خیالی سے عاری ہوں تو ان کی ماتحت بھی ہمیشہ تاریکی میں ہی رہیں گے۔۔۔

( ایک چینی کنگ فو کہاوت)

ہے جستجو کہ خوب سے ہے خوب ترکہاں

اب دیکھیے ٹھہرتی ہے جا کر نظر کہاں

This is a widely syndicated Column. No editing is allowed. It must be published "as is". The intellectual property rights are asserted under the Pakistani and International Copyrights laws.

نئے شاعر کی فریاد: محمد بن قاسم کی ابتدائی شاعری 22 مارچ 1982

2009-10-31T02:20:00.001+06:00

نئے شاعر کی فریاد

محمد بن قاسم

ریاض سعودی عربیہ

مارچ 22, 1982

شعر موزوں کرنے کیلیے درکار ہے صرف فہم شاعر

پرسنانے کیلیے ان اشعار کو چاہیے فن ساحر

ہے کرتا نظم 'اسباق گوناگوں' شاعر کا ضمیر

گھاس ڈالتا ہے مگر اُن کو نہ کوئی سامع و ظہیر

سُخن شنوی ہوتی ہی نہیں ان زعماء کا خمیر

سُخن گُستر آپ ہی پڑھ لیجیے یہ نوشتہء تقدیر

خوب الفاظ سے کھینچی ہے آپ نے یہ تصویر

ملی دولت نہ شعراء کو تو مل جائے گی توقیر !۔

بن قاسمؔ جلدی سمیٹ لے اپنا یہ کلام حقیر

آنے لگی ہے ہر سو یہ صدا 'اے شاعر پُر تقصیر'۔

چک لالہ میں ہیلیری کلنٹن کی چہل قدمی

2009-10-26T09:11:00.007+06:00

جستجو / حالاتِ حاضرہ

حکمت اور دانش سے لبریز تحریریں

چک لالہ میں ہیلیری کلنٹن کی چہل قدمی

محمد بن قاسم

justujumedia@gmail.com

زباں کو میری ،وہ اپنی زباں شاید سمجھتے ہیں

جو فرماتے ہیں اخگر، اپنا اندازِ بیاں بدلے

[حنیف اخگر، امریکن صوفی شاعر، 1928-2009]

امریکہ کے دارالحکومت، واشنگٹن ، ڈسٹرکٹ آف کولمبیا، میں جولائی اور اگست شدید گرم موسم کے مہینے شمار کیے جاتے ہیں۔ امریکی ماہرین موسم فرماتے ہیں کہ 31 ڈگری سنٹی گریڈ کا درجہ حرارت اور ہوا میں نمی کا زیادہ تناسب اس قدر تکلیف دہ ہوسکتا ہے کہ باہر نکلنے کے بجائے ایئرکنڈیشنڈ گھروں میں ہی پناہ لینا بہترہے۔ چنانچہ 30 جولائی 2008ءایک ایسا ہی دن رہا ہوگا، جب کہ نومنتخب پاکستانی جمہوری وزیراعظم گیلانی اپنی اہلیہ محترمہ ، اور وزراء ، مصاحبینِ خاص، اور صحافیوں کے ایک جمگھٹے کے ساتھ اینڈریوز ایئرفورس بیس پر اُترے۔

پاکستانی حکام اور امراءوی وی آئی پی پروازوں کے عادی ہیں، عام پاکستانی شاہ راہوں پر انہیں کاروں میں بھی اس طرح لے جایا جاتا ہے جیسے کہ وہ اُڑے جارہے ہوں، تمام چوراہے اور اشارے اور عام شہری اپنا منہ تکتے ہی رہ جاتے ہیں، اور بادشاہ سلامت اور امراءکی سواریاں چشم زدن میں ان کے سامنے سے گزر جاتی ہیں۔ چنانچہ، آپ اپنی چشمِ تصوّر سے سوچ اور دیکھ سکتے ہوں گے کہ جب عام طور پر زمین پر رہتے بھی ہمارے رہنما ﺅںاور حکام کا دماغ آسمانوں پر ہوتا ہے ، تو 35ہزار فٹ کی بلندی پر اڑتے ہوئے مزید کتنا بلند ہوجاتا ہوگا۔ محسوس ہوتا ہے کہ اس امر کا احساس امریکی حکّام کو بھی ہوچکا تھا، اور وہ یہ بھی جان گئے تھے کہ ملتان سے تعلق رکھنے والے پاکستانی افراد کس قدر گرمی برداشت کرنے کی اہلیت رکھتے ہیں۔ چنانچہ اس روز انہوں نے کئی ایسے اقدامات کیے جو دنیا بھر میں سفارتی آداب کے منافی سمجھے گئے۔ واضح رہے کہ ہم نے دنیا بھر کہا ہے، پاکستان نہیں۔ محترم قارئین، اگر آپ پہلے یہ تفصیلات نہیں جان سکے تو اب سہی۔ سب سے پہلے تو چچا سام کی اولادوں نے ہمارے وزیراعظم اور ان کی قابلِ عزت اور قابل احترام اہلیہ کوطیّارے سے اتار کر لگ بھگ 4 منٹ تک رن وے سے ہوائی اڈّے کی عمارت تک ننگے فرش پر بلا سایہ پیدل مارچ کرایا۔ وہ یہ بھول چکے تھے کہ اب پاکستان میں ایک فوجی حکومت نہیں رہی، جو باآسانی لیفٹ رائٹ مارچ کرتی تھی، بلکہ اب ایک اعلیٰ شان جمہوری گھوڑ سواری والی حکومت ہے۔ مزید ظلم یہ کیا کہ ان کے دیگر مصاحبین کو جہاز سے اترنے ہی نہیں دیا گیا، اور یہ بہانہ بنایا گیا کہ طوفانی موسم کی پیشن گوئی ہے، چنانچہ وہیں تشریف رکھیں۔ گویا کہ پاکستانی وزیر اعظم اور بیگم وزیراعظم کو اس طوفان سے کوئی خطرہ لاحق نہ تھا! یا یہ بھی کہا جاسکتا ہے کہ امریکہ جانتا ہے کہ گیلانی صاحب طویل جیلیں کاٹ کر کتنے طوفانوں کا مردانہ وار مقابلہ کرچکے ہیں، بلکہ وہ ان چند گنے چنے سیاستدانوں میں ہیں جنہوں نے بدنام زمانہ کالے پاکستانی قانون قومی مفاہمتی آرڈی ننس کی پناہ لینے سے انکار کیا، اور عام عدالتوں میں مقدمات کا سامنا کر کے سرخ رو ہوئے۔ جہاز میںقید رہ جانے والوںمیں ہماری ایک بہادر خاتون رہنما، جناب شیری رحمٰن بھی تشریف فرما تھیں۔ بقول راوی صرف انہوں نے ہی جہاز میں ایک ہلکا پھلکا احتجاج ریکارڈ کرایا۔ مگر پرنالہ وہیں کا وہیں رہا۔ پاکستانی سفارت خانہ نے نہ جانے کس قسم کے” خصوصی حفظِ مراتب“، پروٹوکول، کا انتظام کرایا تھا کہ ان سب بقیہ اکابرین کو اپنی درست حیثیت کا احساس دلانے اور دماغ درست کرنے کے لیے امریکی حکام کو 8 گھنٹے لگے، جب جا کر انہیں ایئرپورٹ سے باہر جانے کی اجازت ملی۔ اب تو آپ بھی سمجھ گئے ہوں گے کہ اگر پاکستانی سفارت کاروں کی اس ناقص کارکردگی کا اسی وقت نوٹس لے لیا جاتا تو ان کی یہ لاپروائی بعد میں جوزف بائیڈن ، کیری، لوگر امدادی بل کی متنازعہ زبان و بیان اور شرائط کی شکل میں نہ ظاہر ہوتی۔

قارئین کرام، اس روز پاکستانی وزیراعظم کی آمد پر ایئرپورٹ پر ان کے استقبال کے لیے سکریٹری آف اسٹیٹ ، کنڈولیزا رائس، کے ایک نائب جناب رچرڈ باﺅچر صاحب ہی آئے، یہ وہی شخص ہیں جو آئے دن اسلام آباد میں مہمان نوازی کے مزے اڑاتے تھے، اور بعد میں یہ منصب اور عزت و مواقع ہالبروک کے حصّہ میں آگئے۔ عام طور پر صدرِ پاکستان سے لے کر نچلی سطح تک کی کٹھ پتلیوں سے امریکی نائب وزیر خارجہ سے زیادہ اونچی سطح کے امریکی اہل کار بات چیت کرنے کی نہ تو ضرورت سمجھتے ہیں، اور نہ ہی ان کے پاس اس کے لیے وقت ہے۔ اور بھی غم ہیں زمانے میں تیری محبت کے سوا۔ امریکی تو چلیے پھر غیر ہیں۔ پاکستانی سفیر، جناب حسین حقّانی صاحب، جنہیں ہمارے ادیبِ عصر، شہزادہءلطائف، جناب یونس بٹ” حسین امریکانی“ کا لقب بھی دیتے ہیں، انہوں نے اسی روز رات کو ایک ڈنر کا اہتمام کیا، اور مرے پر سو دُرّے کے مصداق اس میں زیادہ تر مہمان پاکستانی صحافیوں کو مدعوہی نہیں کیا گیا۔ کہا یہ گیا کہ بھئی اخراجات بچانے کے لیے یہ ضروری تھا، شاید وہ اب تک یہ ہی سمجھتے ہیں کہ پاکستان میں آٹے اور چینی کی کمیابی کی بناءپرپاکستانی صحافی غیرممالک میںکھانے پینے میں ذوق و شوق ِ فراواں رکھتے ہیں [ حالانکہ اکثر امراء روٹی نہ ملنے پر کیک کھانے کے عادی ہوچکے ہیں، فرانسیسی حکومت یہ خاص طور پر نوٹ کرلے، تاکہ بوقت ضرورت کام آئے]۔ تاہم، اخراجات کو بچانے کا یہ عالم تھا کہ ڈنر میں شریک ہر مہمان کو 150 امریکی ڈالر کا ایک ایک گلدستہ پیش کیا گیا۔

قصّہ کوتاہ، اس امریکی دورہ میں، جو سابق صدر جارج بش کا عہدِ صدارت تھا، کئی اور ناگفتہ بہ اور سخت مقام آئے، جہاں پاکستانی رہنماﺅں کی گفت و شنید کی اہلیت اور قابلیت پر کئی سوالات اٹھ کھڑے ہوئے۔ لیکن اس سفر کا نتیجہ یہ نکلا کہ پاکستانی جمہوری حکام کو امریکی سیاستدانوں اور اہل کاروں کی نظروں میں اپنی درست قدر و قیمت کا احساس ہوگیا۔ اب ہونا تو یہ چاہیے تھا کہ پاکستان واپسی پر امریکی روّیہ کا باریک بینی سے جائزہ لیا جاتا، اور پارلیمنٹ، وزارتِ خارجہ، اور وزارتِ داخلیہ، مل جل کر جوابی قانونی کارروائی کرتے جس کی رُو سے نہلے پر دہلا نہیں تو ایک عدد نہلا ہی لگانے کا انتظام کیا جاتا، مگریہ بے توقیری برداشت کرلی گئی، اور اس پر مناسب بحث و مباحثہ تک نہیں کیا گیا۔ تاہم آج ایک برس سے زیادہ گزرجانے کے بعد پاکستانی حکام کو یہ خیال آیا کہ امریکی سفارت کاروں اور ان کے طفیلیوں کی پاکستان میں حرکات و سکنات ، چال چلن،اور چہل پہل تمام سفارتی حدود کو پار کررہی ہیں۔ وہ نہ صرف آزادانہ طور پر سارے پاکستان میں گھوم پھررہے ہیں، بلکہ سیاسی رہنماﺅں اور عوامی نمائندگان سے بے دریغ ملاقاتیں کرکے ان پر اثراندازہونے میں کامیاب ہورہے ہیں۔ چنانچہ وزارتِ خارجہ نے ایک منمناتا ہوا سا ایک خط جاری کیا ہے جس میں متنبہّ کیا گیا ہے کہ وہ براہ راست، بلااجازتِ وزارتِ خارجہ، ایسی کارروائیوں سے باز رہیں۔ اب اس کا کتنا اثر ہوتا ہے، یہ دیکھنا ہوگا۔ اس قسم کی ہدایتیں اور طریقِ کار تو پہلے سے موجود ہیں، مگر پاکستانی خود ہی امریکی بانہوں کی پناہ میں جانا پسند کرتے ہیں۔ ہم نے ایک مرتبہ پہلے بھی اس طرف توجہ دلائی تھی کہ ہمارے معاشرہ اور ثقافت میں خواتین کو جومقام دیا جاتا ہے، اس کا ناجائز فائدہ امریکی حکام ایک خاتون سفیر کو یہاں متعین کرکے اُٹھا رہے ہیں۔ شاید ہمارے سیاسی رہنما انہیں ”نا جی نا“ کرکے ان کا دل توڑنا نہیں چاہتے، اور ہر وقت ان سے ملاقات کے مشتاق رہتے ہیں۔ آپ کو یاد ہوگا کہ صدّام حسین کا 1990 ءمیں پٹرا کرنے میں بھی ایک خاتون امریکی سفیرہ کا ہاتھ اور ادائیں رہی تھیں، ان سے بات چیت کرکے صدّام مطمئن تھے کہ کویت پر ان کا قبضہ امریکیوں کو منظور ہوگا۔ اور اس کے بعد جو کچھ ہوا وہ ایک تلخ تاریخی حقیقت ہے، جس کے نتیجہ میں ایک عظیم اسلامی ثقافت کو تہس نہس کردیا گیا، اور ایک پوری عراقی نسل کو خوراک اور صحت کی سہولتوں سے محروم رکھا گیا، یہاں تک کہ 2003 ءمیں اس پر مکمل قبضہ جما لیا گیا۔

اس تمام پس منظر میں، قارئین کرام، با شعور پاکستانی اس وقت کا انتظار ہی کرتے رہے ہیں کہ کب امریکی صدر اور ان کی بیگم پاکستان آئیں اور وہ ہمارے چک لالہ ایئر بیس پر اپنے امریکی اینڈریوز ایئر بیس جیسی پیدل مہمان نوازی کا لطف اٹھائیں۔ تاہم چونکہ مستقبل قریب میں تو بارک حسین اوباما اور ان کی بیگم ایسی چہل قدمی کا ارادہ نہیں رکھتے، کیونکہ وہ بقول خود ان کے، اپنے خاندانی فرد بھارتی وزیرِ اعظم من موہن سنگھ کے استقبال کی تیّاریوں میں مصروف ہیں اور اپنے سوتیلے اتّحادی پاکستانی وزیر اعظم کو بھولے ہوئے ہیں، ہم یہ تجویز پیش کرتے ہیں کہ محترمہ ہیلیری کلنٹن، موجودہ وزیرہءخارجہ، کی جلد ہی آمد پرقناعت کرتے ہوئے ایک ریہرسل کرلی جائے، اور انہیں بھی کم از کم اتنی چہل قدمی ، مع سود، کرادی جائے جتنی کہ گیلانی صاحب کو کرائی گئی تھی۔ اگر ہمارا دفترِ وزارتِ خارجہ انہیں پہلے سے بتادے تو وہ کم از کم مناسب جوگرز پہن کر تشریف لائیں، ورنہ پاکستانی حکا م انہیں ملتانی کھُسّے فراہم کردیں۔ دوسری جانب ہمارے میڈیا کے بزرجمہر نقّاد ہوشیار رہیں، سنا ہے کہ آج کل واشنگٹن میں اعلیٰ حکّام چند امریکی چینلوں، بالخصوص فوکس Foxسے، جو اپوزیشن ریپبلیکن پارٹی کا ماﺅتھ پیس ہے، بہت ناراض ہیں۔ جہاں تک پاکستانی میڈیا کا تعلّق ہے، اس نے کیری لوگر بل کے جس طرح پرخچے اڑائے ہیں، اس سے بھی وائٹ ہاﺅس ششدر ہے او ر اس کار نگ فی الحال قوس قزح جیسا،غصہ سے لال، پیلا، اورسرخ ہوگیا ہے۔ چنانچہ انہوں نے ایک جارحانہ پالیسی بناڈالی ہے، جس کی رو سے ایسے میڈیا سے ”نمٹا“ جائے گا۔ اس کا پہلا مزہ ہمارے جیو کے حامد میر نے اس وقت چکھا، جب حالیہ دورہءامریکہ کے دوران ان سے وائس آف امریکہ کے پروگرام ”خبروں سے آگے“ میں یہ چبھتا ہوا سوال کیا گیا کہ پاکستانی میڈیا عوام کے سامنے ”اپنا نظریہ“ کیوں پیش کرتا ہے۔ اسے تو صرف مہمانوں کا نقطہءنظر پیش کرنا چاہیے۔ ہمارے پیارے حامد میر اس کاجارحانہ جواب دینے سے قاصر رہے، اگرچہ انہوں نے اس امر کا خاصہ دفاع کیا۔ حقیقت یہ ہے کہ یہ جدید میڈیا کی بدولت ہی ہے کہ مغرب میں حکمرانوں پر 24 گھنٹے تنقید کی جاتی ہے، اور مثال کے طور پر اس کی عوامی خدمت کا اس طرح اندازہ لگایا جاسکتا ہے کہ گزشتہ ہفتہ ہی بی بی سی نے اپنے ایک مقبول پروگرام ”کوئیسچن ٹائم“ میں ایک متعصب ، اسلام اور امیگریشن مخالف برطانوی نیشنل پارٹی کے موجودہ رہنما نک گریفن کے پرزے اڑادیے۔ یہاں تک کہ اس کے اپنے پارٹی حمایتی بھی اس کی اس ناقص کارکردگی پر تلخ تنقید کرنے لگے۔

ہیلیری کلنٹن کی اسلام آباد آمد پر یہ بھی خیال رکھا جائے کہ کہیں ان کا طیّارہ کہوٹہ یا جنوبی وزیرستان وغیرہ کی جانب نہ جا نکلے۔ امریکی پائلٹوں سے یہ بعید نہیں۔ گزشتہ ہفتہ ہی ایک امریکی مسافر طیّارہ امریکی حدود میں اپنی منزل پر اترنے کے بجائے پراسرار طور پر 80 منٹوں تک غائب غلّا ہوگیا، اور راڈار پر نظر آنے کے باوجود مسافروں سمیت ایک خاموش پرواز کرتا رہا، شنید ہے کہ اس کے پائلٹ نیند کے مزے لُوٹ رہے تھے۔ اب ہمیں یہ دیکھنا ہے کہ محترمہ ہیلیری کلنٹن کا مقابلہ ہمارا میڈیا کیسے کرتا ہے۔ ہم تو جب مانیں جب کہ ہمارے دو چار ٹی وی چینلوں کو وہ بلا قدغن آزادانہ انٹرویو دیں، اور ہمارے بزرجمہر بی بی سی جیسی جراءت کا مظاہرہ کرہی ڈالیں۔ دوسری جانب ہم اُمّید کرتے ہیں کہ چک لالہ پر مجوّزہ چہل قدمی کا ہیلیری کلنٹن کی صحت پرایک مثبت اثر ہوگا، خاص طور پر اگر ان کا ساتھ ڈاکٹرفردوس عاشق اعوان دیں، جنہیں اس دورہ ءپاکستان کے دوران ان کی مستقل افسرہ ِ مہمان نوازی مقرر کردیا جائے۔

اس پرآشوب دور میں ہم اپنی افواج اورتمام قانون نافذ کرنے والے اداروں کو خراجِ تحسین پیش کرتے ہیں، جو اپنی جانوں کا نذرانہ دے کر ہمیں سکون اور آزادی سے جینے کے لمحات فراہم کررہے ہیں۔ اس ضمن میں حکومت جی کھول کر مالی امداد اور انعامات نچھاور کررہی ہے۔ ہم ان کی توجّہ اس بہادر پاکستانی پولیس آفیسر کی جانب دلانا چاہتے ہیں جس نے تمام دہمکیوں اور خطرات کے باوجود سہالہ میں مشکوک غیرملکی سرگرمیوں کا انکشاف کیا۔ کاش حکومت ایسے جری اور محب الوطن افراد کو فوری طور پر اعلیٰ ترین اعزازی میڈل اور نقد انعام عطا کرنے کی ہمّت پالے۔ اس اقدام سے اُن پاکستانیوں کا حوصلہ بڑھے گا جو اِس وقت دہشت گردوں کے ساتھ ساتھ دوست نما دشمنوں سے بھی نبردآزما ہیں۔ اس مرحلہ پراگر اس جری سیکیوریٹی گارڈ کا تذکرہ نہ کیا جائے تو یہ ناانصافی ہوگی، جس نے مشرف دور میں امریکی سفیرہ کے ساتھ آنے والے مسلّح اور پرغرور گارڈ کو پارلیمنٹ میں جانے سے روک دیا تھا۔ نہ جانے اس بہادر پاکستانی کا کیا بنا! کیا اسے ملازمت سے ہی برخاست کردیا گیا؟ اس جمہوری دور میںاسے تلاش کرکے اس کی فوری حوصلہ افزائی کی جائے اور اِس ضمن میں پاکستانی میڈیا اپنا کردار ادا کرے۔ اسی طرح ہم اس بہادر پاکستانی نوجوان کو بھی دیکھنا اور سننا چاہتے ہیں جس نے گزشتہ دنوںاسلام آباد کی شاہ راہوں پر اپنے ایک ننھے سے پستول کی مدد سے دانتوں سے پیروں تلک مسلّح جیپ سوار مشتبہ غیرملکیوں سے خوف زدہ ہونے کے بجائے پاکستانی وقار کا دفاع کیا۔ یہ درخواست ہم ایک اور جری صحافی، انصار عباسی سے کرتے ہیں، کہ وہ اس نوجوان کی تفصیلی کہانی منظرِ عام پر لائیں۔[ اس بارے میں مختصر اطلاعات سب سے پہلے جناب حامد میر نے اپنے ایک کالم میں دی تھیں۔]

اب ہم ایک امریکی صوفی اردو شاعر، جناب حنیف اخگرمرحوم کا کچھ کلام آپ کی خدمت میں پیش کرتے ہیں۔ اس پُرمعنی شاعری سے آپ یقینا لطف اندوز ہوں گے:

جب آئینِ چمن بدلا، نہ اس کے باغباں بدلے

تو مجبوراً پرندوں نے، قفس سے آشیاں بدلے

جو خود اپنی زباں دے کر، بدلتا ہے زباں بدلے

مگر وہ شدّتِ آوازہ، لفظ و بیاں بدلے

زبوں حالی خمستاں کی، نہ طبعِ مے کشاں بدلے

تو لازم ہے کہ اب جیسے بھی، ہو پیرِ مغاں بدلے

نصیبِ دوستاں اس شدّتِ قحطِ مسرّت میں

خوشی سے کوئی کتنے غم، نصیبِ دشمناں بدلے

اگر وہ دشمنِ آسودگی، ہے بے خبر اب تک

تو اب اٹھّے کوئی، کیفیتِ خوابِ گراں بدلے

زباں کو میری ،وہ اپنی زباں شاید سمجھتے ہیں

جو فرماتے ہیں اخگر، اپنا اندازِ بیاں بدلے

پیر، 26 اکتوبر2009

حکمت و دانش کو پوشیدہ رکھنا ایسا ہی ہے جیسا کہ کسی خزانہ کوتاریکیوں میں چھپادینا۔۔۔ چینی کہاوت

Justuju Media

ہے جستجو کہ خوب سے ہے خوب ترکہاں

اب دیکھیے ٹھہرتی ہے جا کر نظر کہاں

Justuju Logo

2009-10-25T12:12:00.001+06:00

شہنشاہیت سے جمہوریت: چار صدیوں کادائری سفر

2009-10-22T08:02:00.000+06:00

جستجو / حالاتِ حاضرہ

حکمت اور دانش سے لبریز تحریریں

شہنشاہیت سے جمہوریت: چار صدیوں کادائری سفر

محمد بن قاسم

eMail: justujumedia@gmail.com

خود اپنے دل کے اندر اک جہاں موجود پاتا ہوں

اُسی کی سلطنت اچھّی، اُسی پر اختیار اچھّا

مری روزی نہ کی قُرق اُس نے میری سرکشی پر بھی

خداوندانِ لندن سے مرا پروردگار اچھّا

(مولانا ظفر علی خان، 1873-1956)

برس تھا 1614 ء ، اور برطانوی تاجر مشرقی مصالحہ جات کی پرکشش تجارتی درآمدات کے لیے ولندیزیوں اورپرتگالیوں سے مسابقت کررہے تھے، اور دوسری جانب ان کی فرانس سے بھی ان علاقوں پر تسلط کی جنگ جاری تھی۔ اسی دوران دیگر یورپی ممالک سے اپنی مسابقت بڑھانے کے لیے ایسٹ انڈیا کمپنی نے اپنا ایک سفیر ہند بھیجنے کا فیصلہ کیا، تاکہ وہ اس وقت کے مغل شہنشاہ نور الدین سلیم جہانگیر ابن جلال الدین اکبر کے دربار میں رسائی حاصل کرکے ہندوستانی سرزمین پر اپنے تجارتی دفاتر قائم اور سرگرمیاں شروع کرسکے۔ چند برس پہلے سن 1600 ءمیں ملکہ الزبیتھ اوّل نے ایسٹ انڈیا کمپنی کے قیام کا شاہی فرمان جاری کیا تھا۔ جلد ہی یہ ادارہ ایک بڑی سماجی، معاشی، اور فوجی اہمیت بھی اختیار کرتا گیا۔

مغل شہنشاہیت کے دور میں ہندوستانیوں کی جانب سے ہمیں کسی بحری قوت اور دریافتی جدوجہد کے سفروں کی کہانیاں نہیں ملتیں۔ اس سے یہ ظاہر ہوتا ہے کہ ان تمام ہندوستانی حکمرانوں کے دور میں ایسے سمندر پار تاجر مہمانوں کی آمد ایک دہشت آمیزانوکھے اور دل چسپ موقع کی حیثیت رکھتی ہوگی۔ چنانچہ ایسے حکمران اور ان کے مشیران اور وزراء وسیع و عریض تجارتی اور سفارتی دفاتر کے قیام اور تعمیر میں مضمر خرابیوں کا ادراک نہ کرپائے، یا رومانوی مصروفیات، شراب و کباب و شباب، اور تحفہ تحائف کے نشہ نے ان کی مستقبل بینی اور تجزیاتی صلاحیّتوں کو سلب کرلیا۔ چنانچہ 1614ءمیں مغل بادشاہ جہانگیر کی جانب سے برطانوی مندوب سر تھامس رووے ، ایسٹ انڈیا کمپنی ، کو اجازتی فرمان جاری کرنا ہی وہ سنگ بنیاد ثابت ہوا، جس کے باعث یہ تمام وسیع و عریض علاقہ نہ صرف ایک میدانِ جنگ و جدل بنا رہا، بلکہ آخر کار انیسویں صدی میں مغل سلطنت کے خاتمہ اور مسلمانوں کی ایک طویل عرصہ تک تباہی وبربادی اور سماجی حیثیت کے تنزّل پر منتج ہوا۔ اگر آج برصغیر ( جسے حکیم سعید رحمتہ اللہ علیہ ”برکبیر“ قرار دیتے تھے) میں مسلمانوں کی ایک کثیر تعداد ہندو اکثریت کے زیرِ تسلّط ہے، تو وہ بھی ان ہی اعمال کا نتیجہ ہے۔

تاریخ کے یہ وہ اسباق ہیں جو حکمرانی کرنے والے طبقات کو یاد رکھنے چاہئیں، کہ کس طرح بعض بے ضرر نظر آنے والے اقدامات دور رس اثرات رکھتے ہیں، اور انہیں قابو میں رکھنے کے لیے کن اقدامات اور احتیاطی تدابیر کی ضرورت ہے، ورنہ ہماری قوم تاریخ کے ایک دائری سفر میں ہی سرگرداں رہے گی، اور کسی بھی نئی منزل کو نہ پاسکے گی۔ چنانچہ، اس پس منظر میں موجودہ بھارت کو دوست قرار دینے والے ، اور ریوڑیوں جیسی امداد پر بغلیں بجا بجا کر خوشیاں منانے والا پاکستانی امراءکا طبقہ صریح نادانیاں کرتا نظر آتا ہے۔ پاکستان کا بچہ بچہ اس امر کا ادراک کرچکا ہے کہ پنج سالہ امریکی امداد کا حالیہ قانون، جسے اوباما بم کہنا درست ہوگا، اور جسے اس کے تجویز کنندگان ارکان امریکی مقننہ بائیڈن، کیری، اور لوگر صاحبان کے نام سے بھی جانا جاتا ہے، عام پاکستانیوں کے لیے ایک ناقابل فہم اور ناقابل قبول امریکی قانون ہے۔ اس میں مندرج شرائط کی شقیں توہین آمیز، تضحیکی، غیر عملی، الزامی، اور ایک ڈھکا چھپا امریکی ایجنڈا بھی رکھتی ہیں۔ یہاں یہ واضح کرنا ضروری ہے کہ جدید دور میں کسی بھی قوم کو اپنی معاشی اور تکنیکی ترقی کے لیے طویل عرصہ کے منصوبے بنانے ہوتے ہیں، جن کی مدت پانچ برس سے سو برس تک کی ہوسکتی ہے۔ یہ ایک باقاعدہ منیجمنٹ سائنس ہے، جسے مستقبلیات کا نام دیا جاتا ہے۔ امریکہ میں اس بارے میں ایک بین الاقوامی سوسائٹی قائم ہے، جس کا نام ورلڈ فیوچر سوسائٹی ہے۔ اس کے بانی کی ایک مشہور کتاب مستقبلیات ے نام سے ہے۔ سن 2004ءمیں راقم الحروف نے اس کتاب کا ایک نسخہ اس وقت کے وزیر اعظم ، جناب شوکت عزیز، کو پیش کیا تھا۔ پاکستان میں مستقبلیات کے موضوع کو اردو ادب کے عظیم دانش ور اور ایک زندہ جاوید مثالی پاکستانی جناب جمیل الدین عالی نے متعارف کرایا تھا۔ مستقبلیات کے تجزیے کس طرح کیے جاتے ہیں، اور ان کی کیا اہمیت ہے، ہم کوشش کریں گے کہ مستقبل قریب میں آپ کو اس بارے میں کچھ تفصیل سے آگاہ کریں۔

حالیہ امریکی امداد کے قانون کے بارے میں میڈیا میں خاصی بحث ہوچکی ہے، اور اسے تفصیل سے دہرانا شاید کسی حد تک غیر ضروری ہے۔ تاہم، آپ نے یہ نوٹ کیا ہو گا، کہ پاکستان میں امریکی سفیرہ این پیٹرسن پاکستانیوں کی کھلے عام تنقید سے خاصی پریشان ہوئیں، اور انہوں نے ایک غیر معمولی انٹرویو ایکسپریس نیوز ٹی وی چینل کے کامران شاہد کو دیا۔ اس میں انہوں نے اس قانون کا دفاع کرتے ہوئے اس میں موجود فوج سے متعلق شقوں پر ندامت بھی ظاہر کی، اور وہ فوراً امریکہ بھی روانہ ہوگئیں۔ تاہم امریکی مقننہ کے طریقہ کار کے مطابق وہ موجودہ صورتِ حال میں اسے تبدیل نہیں کراسکتی تھیں۔ تاہم انہوں نے پاکستانیوں کے آنسو پونچھنے کے لیے وضاحتی ٹشو پیپر رومال کا ضرور انتظام کرادیا۔ جسے استعمال کے بعد ردّی کی ٹوکری میں پھینک دیا جائے گا۔ امریکی ارکان پارلیمنٹ وغیرہ اس قانون کی منظوری کے لیے بہت فعال اور متحرک نظر آئے۔ یہ ایک غیر معمولی امر ہے۔ یہ محسوس ہوتا ہے کہ اس مالی امداد سے امریکہ کو خود اپنا کچھ ایسا خرچ اور فوری اقدامات پاکستان میں کرنا ہے جس کے لیے اس قانون کی فوری منظوری ان کے لیے اشد ضروری تھی۔ دوسری جانب پاکستانی طبقہءامراء بھی اس سے کچھ ذاتی فوائد حاصل کرسکتا ہے، ورنہ بصورتِ دیگر وہ ان ریوڑیوں کے ملنے پرازخود مزید مٹھائیاں کیوں کھاتے ، اور اس پر دستخط ہونے پر ایوان ِ صدر میں دھمال کیوں ڈالتے۔ قوم یہ جان کر بھی حیران و پریشان ہے کہ آخر پاکستانی وزیر خارجہ کو پارلیمنٹ میں ہوتی بحث کو نظر انداز کرتے ہوئے لشتم پشتم دوڑ لگا کر واشنگٹن جا کر امریکی وضاحتی پیان پر دستخط کیوں کرنا پڑے؟ ان دستخطوں کے بارے میں قوم اور اس کے نمائندوں کو بے خبر رکھا گیا، اور اس طرح موجودہ پارلیمنٹ کی کمزور حیثیت اور نمایاں ہوگئی۔

پاکستانی عوام کے لیے حیران کن امر یہ ہے کہ آخر پاکستانی ایوانِ نمائندگان، امراءو رﺅسا، اور بیوروکریسی نے صرف ڈیڑھ ارب ڈالر سالانہ مبہم، ناقابل اعتبار، اور بے قابو امداد پر کیوں بھروسہ کیا، اور اس کے متبادل کیوں نہ تلاش کیے! مالی امور پر نظر رکھنے والے یہ بھی جانتے ہیں کہ اس امداد کے پانچ سالہ دور میں ہر برس ڈیڑھ ارب ڈالر کی حقیقی قدر شرح افراط زر کے حساب سے گھٹتی جائے گی، اور شاید پانچویں برس میں یہ قدر 20 فی صد بھی نہ رہ جائے۔ دوسری جانب اس مدد کے انتظامی اخراجات بھی اس میں سے منہا کیے جائیں گے، چنانچہ پاکستانیوں کو چٹنی بھربھی اصل مدد نہ ملے گی۔

جیسا کہ آپ سب جانتے ہیں کہ اس قانون میں بے شمار ایسی شقیں موجود ہیں جن کی بنیاد پر یہ مالی مدد کسی وقت بھی بند کی جاسکتی ہے۔ دوسری جانب اس مدد کی نگرانی اور درست استعمال کے بہانہِ امریکی اثر ونفوذ ایسٹ انڈیا کمپنی سے بھی بڑھ جائے گا۔ اس بہانہِ پاکستان کے نہایت ہی حسّاس علاقوں میں بڑی بڑی جائیدادیں خریدی اور وسیع کی جارہی ہیں۔ دوسری جانب ان جائیدادوں کی حفاظت اور دفاع کے لیے بھی کچھ ایسے اقدامات کیے جارہے ہیں جو نہ صرف پاکستانیوں بلکہ پاکستان کے مخلص دوستوں، جیسے چین، کو بھی کھٹک رہے ہیں۔ پاکستان کے اعلیٰ ترین حکام کے حالیہ دورہءامریکہ میں صوبہ سرحد کے کلیدی سیاستدانوں کی خصوصی مہمان نوازی بھی ان ہی اقدامات میں سہولتیں حاصل کرنے کی کوشش نظر آتی ہے۔ واضح رہے کہ پشاور کا پنج ستاری ہوٹیل امریکہ خرید رہا ہے۔ اس سے پاکستانی سالمیت پر جو مُضر اثرات پڑیں گے وہ تو اپنی جگہ ہیں، مگر اس سے پاکستانی ہوٹیل اور سیاحتی صنعت کو بھی ایک دھچکا پہنچے گا۔ اس قسم کے ہوٹیل تعمیر کرنا معمولی کام نہیں، اور اس کے متبادل عمارت اور سہولیات کو بنانے میں کم و بیش پانچ سال تو لگ ہی جائیں گے۔ دوسری جانب اسلام آباد میں یکے بعد دیگرے ایسے متعدد واقعات پیش آرہے ہیں جہاں پراسرار اور مسلح غیر ملکیوں نے پاکستانیوں کی آزادی اور وقار کو شارع عام پر ہی چیلنج کیا ہے، اور پاکستانیوں کو ہراساں کیا ہے۔ جب کہ عمومی طور پر پاکستانی میڈیا اس ضمن میں خوف زدہ اور خاموش ہے، اور ایسے واقعات کو کھل کر منظرِ عام پر نہیں لارہا ہے۔ ہمیں تو یہ خطرہ محسوس ہوتا ہے کہ امریکہ اسلام آباد میں پاکستانی 111 بریگیڈ کی کسی بھی ممکنہ کارروائی کی فوری مزاحمت کرنے کی استعداد کا انتظام کرنے میں مصروف ہے، جب کہ کسی بھی ایسی امریکی فوجی قوت کو پاکستانی طاقتوں کے دیگر مراکز کے خلاف بھی استعمال کیا جاسکتا ہے۔

کیری / لوگر بل کے نام سے معروف اس امریکی قانون نے پاکستان کے کلیدی اداروں کے درمیان دراڑیں ڈالنے کا عمل شروع کردیا ہے۔ اس میں شامل فوج اور پاکستانی ایٹمی پروگرام کے بارے میں شرائط، اور دہشت گردی کے مُبیّنہ مراکز کے ناموں کاذکر خاص طور پر ایسے قابل مُذمّت امور میں شامل ہے۔ امریکی قانون سازوں نے بڑی نخوت اور غرورو تکبّر سے کہا ہے کہ امریکی کانگریس کسی کو بھی جواب دہ نہیں، اور وہ اس قانون میں پاکستانی مرضی سے کوئی تبدیلیاں نہیں کریں گے۔ چنانچہ اب پاکستانی ایوانِ نمائندگان پر بھی یہ قومی فرض عائد ہوگیا ہے کہ وہ ایک فوری پاکستانی قانون بنائے جس میں اس قسم کے تضحیک آمیزغیر ملکی قوانین کو قبول نہ کرنے کی شقیں ہوں، اور اس معمولی اور مبہم بے قابو امداد کو رد کردیا جائے، اور خاص طور پر کسی بھی ایسی مالی مدد کو قبول نہ کیا جائے جو پاکستانی اداروں کے ذریعہ نہ دی جارہی ہو، اور جس میں غیرملکی دخل اندازی ہو۔ ہم یہ پھر یاد دلاتے چلیں کہ پاکستانی صوبہ پرستی، لسانیت، اور قوم پرستی کے طوفانوں میں ابھی تک حقیقی پاکستانی یک جہتی کی اصل زنجیر فوجی ادارہ ہی ہے۔ اگرچہ مثالی طور پر اس ادارہ کو سیاسی حکومت کی ہدایات بلا چوں و چرا مان لینی چاہیے، تاہم ابھی تک ایک مثالی اور اہل اور دور اندیش جمہوری حکومت کام کرتی نظر نہیں آرہی ہے۔ اسی وجہ سے جب پاکستانی فوج کی جانب سے اہم تجاویز نہیں مانی گئیں، اور ایوانِ نمائندگان بھی غفلت کی نیند میں رہا، تو انہیں اپنے خیالات کا کھل کر عوام کے سامنے اظہار کرنا پڑا۔ اور ہم دیکھتے ہیں کہ دنیا کی دیگر افواج بھی عوامی بیانات دیتی رہتی ہیں، بلکہ ان کے اہم اہل کار ٹی وی پر آکر اپنے خیالات کا اظہار بھی کرتے رہتے ہیں۔ اسی قسم کا ایک اور اہم واقعہ مارچ 2009ءمیں پیش آچکا ہے، جب کہ پاکستانی فوج کو عدلیہ کی بحالی میں اپنا وہ کردار ادا کرنا پڑا جس پر حکومت ہچر مچر کررہی تھی، اور ایک عوامی سیلاب دارالحکومت کو ڈبونے کے لیے بڑھ رہا تھا۔ پاکستان کی مغربی سرحدوں پر نیٹو اور امریکی افواج غیر دوستانہ اقدامات کررہی ہیں، مثلاً چمن کے نزدیک بلا انتباہ دھماکہ خیز مشقیں، اور ایک ایسے وقت میں افغانی سرحدی چوکیوں کو خالی کردینا جب کہ پاکستانی افواج جنوبی وزیرستان میں کارروائی میں مصروف ہیں، اور اس سرحد پر آمد ورفت کو روکنا ضروری ہے۔ یہاں یہ خیال بھی اُبھرتا ہے کہ ہماری قومی قیادت کی جانب سے وزیرستان میں 45 دنوں میں مکمل کامیابی کے دعوے کے باوجود یہ آپریشن طویل تر مدت کے لیے جاری رہے گا، اور ہماری فوج کی توجہ دیگر اہم محاذوں سے دور اور بٹی رہے گی۔ مشرقی سرحدوں پر بھارت اپنی فضائیہ کو کسی بھی حیران کن کارروائی کے لیے تیار کررہا ہے، اور سمندری سرحدوں پر پاکستانی ماہی گیری کی صنعت کو تباہ کرنے میں مصروف ہے۔ پاکستانی آبی وسائل پر کنٹرول، اور کشمیر پر عدم پیش رفت اپنی جگہ پر سنجیدہ مسائل ہیں۔ عقل و دانش ان حالات میں یہ تقاضہ کرتی ہے کہ پاکستان امریکہ کو اپنا خصوصی دوست سمجھنا ترک کردے، اور اس سے اپنے تعلّقات صرف اور صرف تجارتی بنیادوں پر ہی رکھے۔

ایمل کانسی اور رمزی یوسف جیسے ملزمان کو جب پاکستانیوں نے امریکہ کے حوالے کیا تھا، تو ایک امریکی نمائندہ نے واشگاف الفاظ میں اس وقت یہ کہا تھا کہ پاکستانی تو پیسے کے لیے اپنی ماﺅں کو بھی بیچنے پر تیّار ہوجاتے ہیں (نعوذ باللہ)۔ اب اس جمہوری دور میں پاکستانی وقار کا سودا کرنے والے غیرملکی قوانین اور بیانات کو رد کرنا ضروری اور قانونی طور پر آسان ہے۔ چنانچہ نہ صرف اس معمولی مالی مدد کو رد کردیا جائے، بلکہ اس کے متبادل اقدامات اور ذرائع کو دریافت کیا جائے۔ ملکی وسائل پر انحصار، اور خود انحصاری، اور خود اعتمادی حاصل کرنے کا وقت آگیا ہے، جس کے لیے ہمیں با بائے قوم قائد اعظم محمد علی جنا ح کی عطا کردہ بنیادی قومی اقدار، اتحاد، یقین محکم، اور تنظیم کو ازسرنو حیاتِ تازہ سے ہمکنار کرنا ہوگا۔ ان بنیادی اقدار کو طلباء کے نصاب میں شامل کرکے اس کی تعلیم پرائمری سطح سے ہی شروع کی جائے

پیارے قارئین ، پس چہ باید کرد؟ اس صورت میں مندرجہ ذیل اقدامات سے کیری/لوگر قانون جیسی امداد سے چھٹکارا پایا جاسکتا ہے:

فوری طور پروفاقی زرعی انکم ٹیکس عائد کیا جائے، اور زرعی پیداوار کی مقامی قیمتوں پر اس کا اثر نہ ہونے دیا جائے۔ واضح رہے کہ اس ٹیکس کی عدم موجودگی سے معاشرہ میں کالا دھن خوب پھل پھول رہا ہے۔ مزید زرعی اصلاحات کی جائیں، مثلاً زیرِ کاشت رقبہ، فصلیں، اور فی ایکڑ رقبہ کی پیداوار کو معیاری سطح پر لایا جائے۔ سیلابی اور بارش کے پانی کو جگہ جگہ چھوٹے بڑے بند، ڈیم، بنا کر ذخیرہ کرنے کی صلاحیتوں کو بڑھایا جائے

جائیدادوں کی خرید و فروخت پر اور شیئر بازار پر کیپیٹل گین ٹیکس لگایا جائے

عمومی ٹیکس چوروں کو پکڑا جائے ، اور قید کی سزا بھی عائد کی جائے تاکہ چوروں کی حوصلہ شکنی ہوسکے

غیرممالک میں مقیم پاکبانوں سے خصوصی مہم کے ذریعہ پیسے پاکستان منگوائے جائیں، اور خاص حد تک رقوم بھیجنے والوں کو اس ضمن میں سرٹیفیکیٹ جاری کیے جائیں، جن سے ان کی حوصلہ افزائی ہو

تمام پاکستانی سیاستدان اپنا بیرون ملک پیسہ پاکستان منتقل کریں، یا بصورت دیگر وہ سیاست ترک کردیں

تمام پاکستانی صنعتکار اپنا بیرون ملک پیسہ پاکستان منتقل کریں۔ ایسی کئی پیشکشوں کا اعلان ہوچکا ہے، ان کی عزت افزائی اور حوصلہ افزائی کی جائے

غیر ضروری پر تعیش اشیاءکی درآمد فوری طور پر بند کی جائے، مثلاً میک اپ کا سامان

برج فنانسنگ کے لیے فی الحال آئی ایم ایف وغیرہ سے کم سے کم مدد لے لی جائے، اور فرینڈز آف ڈیموکریٹک پاکستان کے پلیٹ فارم کے خواب کو ترک کردیا جائے

صرف پڑھے لکھے، اور قابل وزراءکا تعین کیا جائے، اور شفاف اور گڈ گورننس کے منیجمنٹ اصولوں پر عمل کیا جائے، ہر مالی معاملہ پر اخراجات اور فوائد کی سمری بنائی جائے اور عوام کے سامنے پیش کی جائے

عدل و انصاف کو عام اور یقینی بنایا جائے، اور اس عمل میں سرعت لائی جائے، اور اسی عمل کے نتیجہ میں معاشرہ کے رگ و پے میں سرایت بد دیانتی اور کرپشن کا قلع قمع کردیا جائے

پاکستانی برآمدی تجارت کے حجم کو بڑھایا جائے، اور غیرروایتی اشیاء، مثلاً پھل وغیرہ کی کاشت میں اضافہ، اور برآمدات کی کوششیں کی جائیں، بجلی کی پیداوار کے متبادل منصوبوں، جیسے کے شمسی توانائی، ہوائی چکیاں، ایٹمی بجلی گھر، اور کوئلہ بجلی گھروں پر فوری کام شروع کیا جائے

حکومتی اخراجات اور پھیلاﺅ میں کمی کی جائے، اور سالانہ بجٹ میں کسی بھی ناقابل اعتبار اور ناقابل بھروسہ غیرملکی مدد کو شامل نہ کیا جائے، غذائی اشیاءسے منافع خوری کے رجحان پر قابو پایا جائے

پیارے قارئین یہاں ہم نے تمام ممکنہ متبادل اور اختیارات کا ذکر نہیں کیا ہے۔ اس ضمن میں آپ بھی اپنا کردار ادا کریں، اور اپنی تجاویز پیش کریں۔ یہ نشست طویل ہورہی ہے، اور اب آپ اس موضوع کی اہمیت کے باوجود بور ہوتے نظر آرہے ہیں، چنانچہ بقول شخصے، یار زندہ صحبت باقی۔ انشااللہ پھر جلد ہی ملاقات ہوگی۔ تاہم جاتے جاتے، مفکر اسلام، حکیم الامت علامہ اقبال کا یہ شعر دہرانے کا موقع ہے

خودی کو کر بُلند اتنا کہ ہر تقدیر سے پہلے

خُدا بندے سے خود پوچھے، بتا تیری رضا کیا ہے

(علامہ اقبال رحمتہ اللہ علیہ1877-1938)

جمعرات،22 اکتوبر2009

حکمت و دانش کو پوشیدہ رکھنا ایسا ہی ہے جیسا کہ کسی خزانہ کوتاریکیوں میں چھپادینا ۔۔۔ چینی کہاوت

ہے جستجو کہ خوب سے ہے خوب ترکہاں

اب دیکھیے ٹھہرتی ہے جا کر نظر کہاں

The Intellectual Property Rights are asserted under the Pakistani and International Copyright Laws -- The writer and the syndicating agency, Justuju Media, hereby grant a permission for printing and reproduction of this article under a "Fair usage" non commercial universal license

HASHIM SYED MOHAMMAD BIN QASIM

Justuju Media

Researcher, Writer, Publisher, Sociologist, ICT and O&D Consultant

Current Affairs Analyst, Radio Islam International, Johannesberg, South Africa

Contributing Editor: Alqamar.org, Urdupoint.Com

Zargrfith.Blogspot.com

Zargrifthroohnumai.blogspot.com

akhgars.blogspot.com

شہنشاہیت سے جمہوریت: چار صدیوں کادائری سفر

2009-10-19T09:29:00.000+06:00

جستجو / حالاتِ حاضرہ

حکمت اور دانش سے لبریز تحریریں

شہنشاہیت سے جمہوریت: چار صدیوں کادائری سفر

محمد بن قاسم

eMail: justujumedia@gmail.com

خود اپنے دل کے اندر اک جہاں موجود پاتا ہوں

اُسی کی سلطنت اچھّی، اُسی پر اختیار اچھّا

مری روزی نہ کی قُرق اُس نے میری سرکشی پر بھی

خداوندانِ لندن سے مرا پروردگار اچھّا

(مولانا ظفر علی خان، 1873-1956)

حالیہ امریکی امداد کے قانون کے بارے میں میڈیا میں خاصی بحث ہوچکی ہے، اور اسے تفصیل سے دہرانا شاید کسی حد تک غیر ضروری ہے۔ تاہم، آپ نے یہ نوٹ کیا ہو گا، کہ پاکستان میں امریکی سفیرہ این پیٹرسن پاکستانیوں کی کھلے عام تنقید سے خاصی پریشان ہوئیں، اور انہوں نے ایک غیر معمولی انٹرویو ایکسپریس نیوز ٹی وی چینل کے کامران شاہد کو دیا۔ اس میں انہوں نے اس قانون کا دفاع کرتے ہوئے اس میں موجود فوج سے متعلق شقوں پر ندامت بھی ظاہر کی، اور وہ فوراً امریکہ بھی روانہ ہوگئیں۔ تاہم امریکی مقننہ کے طریقہ کار کے مطابق وہ موجودہ صورتِ حال میں اسے تبدیل نہیں کراسکتی تھیں۔ تاہم انہوں نے پاکستانیوں کے آنسو پونچھنے کے لیے وضاحتی ٹشو پیپر رومال کا ضرور انتظام کرادیا۔ جسے استعمال کے بعد ردّی کی ٹوکری میں پھینک دیا جائے گا۔ امریکی ارکان پارلیمنٹ وغیرہ اس قانون کی منظوری کے لیے بہت فعال اور متحرک نظر آئے۔ یہ ایک غیر معمولی امر ہے۔ یہ محسوس ہوتا ہے کہ اس مالی امداد سے امریکہ کو خود اپنا کچھ ایسا خرچ پاکستان میں کرنا ہے جس کے لیے اس قانون کی فوری منظوری ان کے لیے اشد ضروری تھی۔ دوسری جانب پاکستانی طبقہءامراء بھی اس سے کچھ ذاتی فوائد حاصل کرسکتا ہے، ورنہ بصورتِ دیگر وہ ان ریوڑیوں کے ملنے پر مٹھائیاں کیوں کھاتے ، اور اس پر دستخط ہونے پر ایوان ِ صدر میں دھمال کیوں ڈالتے۔

جیسا کہ آپ سب جانتے ہیں کہ اس قانون میں بے شمار ایسی شقیں موجود ہیں جن کی بنیاد پر یہ مالی مدد کسی وقت بھی بند کی جاسکتی ہے۔ دوسری جانب اس مدد کی نگرانی اور درست استعمال کے بہانہِ امریکی اثر ونفوذ ایسٹ انڈیا کمپنی سے بھی بڑھ جائے گا۔ اس بہانہِ پاکستان کے نہایت ہی حسّاس علاقوں میں بڑی بڑی جائیدادیں خریدی اور وسیع کی جارہی ہیں۔ دوسری جانب ان جائیدادوں کی حفاظت اور دفاع کے لیے بھی کچھ ایسے اقدامات کیے جارہے ہیں جو نہ صرف پاکستانیوں بلکہ پاکستان کے مخلص دوستوں، جیسے چین، کو بھی کھٹک رہے ہیں۔ پاکستان کے اعلیٰ ترین حکام کے حالیہ دورہءامریکہ میں صوبہ سرحد کے کلیدی سیاستدانوں کی خصوصی مہمان نوازی بھی ان ہی اقدامات میں سہولتیں حاصل کرنے کی کوشش نظر آتی ہے۔ واضح رہے کہ پشاور کا پنج ستاری ہوٹیل امریکہ خرید رہا ہے۔ اس سے پاکستانی سالمیت پر جو مُضر اثرات پڑیں گے وہ تو اپنی جگہ ہیں، مگر اس سے پاکستانی ہوٹیل اور سیاحتی صنعت کو بھی ایک دھچکا پہنچے گا۔ اس قسم کے ہوٹیل تعمیر کرنا معمولی کام نہیں، اور اس کے متبادل عمارت اور سہولیات کو بنانے میں کم و بیش پانچ سال تو لگ ہی جائیں گے۔ دوسری جانب اسلام آباد میں یکے بعد دیگرے ایسے متعدد واقعات پیش آچکے ہیں جہاں مسلح غیر ملکیوں نے پاکستانیوں کی آزادی اور وقار کو شارع عام پر ہی چیلنج کیا ہے، اور پاکستانیوں کو ہراساں کیا ہے۔ جب کہ عمومی طور پر پاکستانی میڈیا اس ضمن میں خوف زدہ اور خاموش ہے، اور ایسے واقعات کو کھل کر منظرِ عام پر نہیں لارہا ہے۔ ہمیں تو یہ خطرہ محسوس ہوتا ہے کہ امریکہ اسلام آباد میں پاکستانی 111 بریگیڈ کی کسی بھی ممکنہ کارروائی کی فوری مزاحمت کرنے کی استعداد کا انتظام کرنے میں مصروف ہے، جب کہ کسی بھی ایسی طاقت کو پاکستانی طاقتوں کے دیگر مراکز کے خلاف بھی استعمال کیا جاسکتا ہے۔

کیری / لوگر بل کے نام سے معروف اس امریکی قانون نے پاکستان کے کلیدی اداروں کے درمیان دراڑیں ڈالنے کا عمل شروع کردیا ہے۔ اس میں شامل فوج اور پاکستانی ایٹمی پروگرام کے بارے میں شرائط، اور دہشت گردی کے مُبیّنہ مراکز کے ناموں کاذکر خاص طور پر ایسے قابل مُذمّت امور میں شامل ہے۔ امریکی قانون سازوں نے بڑی نخوت اور غرورو تکبّر سے کہا ہے کہ امریکی کانگریس کسی کو بھی جواب دہ نہیں، اور وہ اس قانون میں پاکستانی مرضی سے کوئی تبدیلیاں نہیں کریں گے۔ چنانچہ اب پاکستانی ایوانِ نمائندگان پر بھی یہ قومی فرض عائد ہوگیا ہے کہ وہ ایک فوری پاکستانی قانون بنائے جس میں اس قسم کے تضحیک آمیزغیر ملکی قوانین کو قبول نہ کرنے کی شقیں ہوں، اور اس معمولی اور مبہم بے قابو امداد کو رد کردیا جائے، اور خاص طور پر کسی بھی ایسی مالی مدد کو قبول نہ کیا جائے جو پاکستانی اداروں کے ذریعہ نہ دی جارہی ہو، اور جس میں غیرملکی دخل اندازی ہو۔ ہم یہ پھر یاد دلاتے چلیں کہ پاکستانی صوبہ پرستی، لسانیت، اور قوم پرستی کے طوفانوں میں ابھی تک حقیقی پاکستانی یک جہتی کی اصل زنجیر فوجی ادارہ ہی ہے۔ اگرچہ مثالی طور پر اس ادارہ کو سیاسی حکومت کی ہدایات بلا چوں و چرا مان لینی چاہیے، تاہم ابھی تک ایک مثالی اور اہل اور دور اندیش جمہوری حکومت کام کرتی نظر نہیں آرہی ہے۔ اسی وجہ سے جب پاکستانی فوج کی جانب سے اہم تجاویز نہیں مانی گئیں، اور ایوانِ نمائندگان بھی غفلت کی نیند میں رہا، تو انہیں اپنے خیالات کا کھل کر عوام کے سامنے اظہار کرنا پڑا۔ اور ہم دیکھتے ہیں کہ دنیا کی دیگر افواج بھی عوامی بیانات دیتی رہتی ہیں، بلکہ ان کے اہم اہل کار ٹی وی پر آکر اپنے خیالات کا اظہار بھی کرتے رہتے ہیں۔ اسی قسم کا ایک اور اہم واقعہ مارچ 2009ءمیں پیش آچکا ہے، جب کہ پاکستانی فوج کو عدلیہ کی بحالی میں اپنا وہ کردار ادا کرنا پڑا جس پر حکومت ہچر مچر کررہی تھی، اور ایک عوامی سیلاب دارالحکومت کو ڈبونے کے لیے بڑھ رہا تھا۔ پاکستان کی مغربی سرحدوں پر نیٹو اور امریکی افواج غیر دوستانہ اقدامات کررہی ہیں، مثلاً چمن کے نزدیک بلا انتباہ دھماکہ خیز مشقیں، اور ایک ایسے وقت میں افغانی سرحدی چوکیوں کو خالی کردینا جب کہ پاکستانی افواج جنوبی وزیرستان میں کارروائی میں مصروف ہیں، اور اس سرحد پر آمد ورفت کو روکنا ضروری ہے۔ مشرقی سرحدوں پر بھارت اپنی فضائیہ کو کسی بھی حیران کن کارروائی کے لیے تیار کررہا ہے، اور سمندری سرحدوں پر پاکستانی ماہی گیری کی صنعت کو تباہ کرنے میں مصروف ہے۔ پاکستانی آبی وسائل پر کنٹرول، اور کشمیر پر عدم پیش رفت اپنی جگہ پر سنجیدہ مسائل ہیں۔ عقل و دانش ان حالات میں یہ تقاضہ کرتی ہے کہ پاکستان امریکہ کو اپنا دوست سمجھنا ترک کردے، اور اس سے اپنے تعلّقات صرف اور صرف تجارتی بنیادوں پر ہی رکھے۔

جائیدادوں کی خرید و فروخت پر اور شیئر بازار پر کیپیٹل گین ٹیکس لگایا جائے

عمومی ٹیکس چوروں کو پکڑا جائے ، اور قید کی سزا بھی عائد کی جائے تاکہ چوروں کی حوصلہ شکنی ہوسکے

تمام پاکستانی سیاستدان اپنا بیرون ملک پیسہ پاکستان منتقل کریں، یا بصورت دیگر وہ سیاست ترک کردیں

غیر ضروری پر تعیش اشیاءکی درآمد فوری طور پر بند کی جائے، مثلاً میک اپ کا سامان

برج فنانسنگ کے لیے فی الحال آئی ایم ایف وغیرہ سے کم سے کم مدد لے لی جائے

عدل و انصاف کو عام اور یقینی بنایا جائے، اور اس عمل میں سرعت لائی جائے

پاکستانی برآمدی تجارت کے حجم کو بڑھایا جائے، اور غیرروایتی اشیاء، مثلاً پھل وغیرہ کی کاشت میں اضافہ، اور برآمدات کی کوششیں کی جائیں

خودی کو کر بُلند اتنا کہ ہر تقدیر سے پہلے

خُدا بندے سے خود پوچھے، بتا تیری رضا کیا ہے

(علامہ اقبال رحمتہ اللہ علیہ1877-1938)

پیر، 19 اکتوبر2009

حکمت و دانش کو پوشیدہ رکھنا ایسا ہی ہے جیسا کہ کسی خزانہ کوتاریکیوں میں چھپادینا ۔۔۔ چینی کہاوت

ہے جستجو کہ خوب سے ہے خوب ترکہاں

اب دیکھیے ٹھہرتی ہے جا کر نظر کہاں

HASHIM SYED MOHAMMAD BIN QASIM

Justuju Media

Researcher, Writer, Publisher, Sociologist, ICT and O&D Consultant

Current Affairs Analyst, Radio Islam International, Johannesberg, South Africa

Contributing Editor: Alqamar.org, Urdupoint.Com

Zargrfith.Blogspot.com

Zargrifthroohnumai.blogspot.com

akhgars.blogspot.com

اوباما کی سعودی بادشاہ عبداللہ بن عبدالعزیز سے ملاقات میں عاجزی کا اظہار

2009-04-09T13:47:00.000+05:00

عمر میں اپنے سے بڑوں، خاص طور پر عمر رسیدہ بزرگوں کے سامنے عاجزی سے ملاقات کرنا ایک مسلم رواج کہا جاسکتا ہے۔ اگرچہ سر جھکانا صرف خدا کے سامنے ہی روا ہے۔ پھر بھی بزرگوں سے اخلاق برتنا بھی ایک اچھی صفت ہے۔ چنانچہ اوبامہ کے ذہن میں کیا تھا، آپ بھی دماغ لڑائیے:

افغانستان میں ناٹو افواج کی بندربانٹ ۔۔۔ Afghanistan: NATO control sub-divisions

2009-01-23T21:55:00.000+05:00

From Uncle Tom's Cabin to White House انکل ٹام کے کیبن سے وہائٹ ہائوس تک

2008-11-08T16:10:00.000+05:00

جستجو / حالاتِ حاضرہ

سیاسی، سماجی،ادبی، حکمت و دانش آمیز، طنزومزاح سے بھرپور دل چسپ تحریریں

انکل ٹام کے کیبن سے وہائٹ ہاﺅئوس تک

محمد بن قاسم

email: justujumedia@gmail.com

دیکھنا تقریر کی لذّت کہ جو اس نے کہا

میں نے یہ جانا کہ گویا یہ بھی میرے دل میں ہے

(مرزاغالب)

یورپ میں چرچ کی، بحیثیت ایک ریاستی مقتدر ادارہ، مذہبی بالادستی اورعیسائی طالبان کے مظالم اور تشدد پسندی سے تنگ آئے مظلوم اور تنگ دست افراد 17ویں صدی میں اطالوی نژاد پرتگالی وہسپانوی مہم جو کرسٹوفر کولمبس (1506-1451)کی 1492 عیسوی میں ایک نئی مالا مال دنیا کے انکشاف کے بعد اس دریافت کی جستجو میں خود بھی بحراوقیانوس کے پار اس ان دیکھی خزانوں سے بھرپور زمین کی جانب چل نکلے۔ اپنی آبائی زمین، رشتہ داروں اور یادوں کو ترک کرکے یہ پرخطر سفر کرتے ہوئے وہ ایک کثیر تعداد میں نئی دنیا کے مشرقی ساحلوں پر جا اترے - عیسائیت کے دو فرقوں، کیتھولک اور پروٹیسٹنٹس کے درمیان ایک متوازن سوچ رکھنے والے یہ افراد اپنے آپ کوپیوریٹن، گویا کہ پاکی یا پاکستانی کہتے۔ نومبر میں وہاں پہنچ جانے کے بعد 11 دسمبر1620 کو 102 مسافروں پر مشتمل ان کا پہلا باقاعدہ سمندری قافلہ ’مے فلاور‘ نامی بحری جہاز میں ساٹھ روز کے سمندری سفر کے بعد اس سرزمین پرپہنچا۔ مشرقی ساحل پر بوسٹن اور نیویارک سے قریب، یہ جگہ پلائی ماﺅتھ، میساچوسیٹس کہلاتی ہے۔ یہ خطہ ءزمین غیرآباد تو نہ تھا، مگر اس وقت یہاں مقامی آبادی سمندر پار سے درآمدی طاعون کا شکار ہوجانے کے بعد بہت ہی قلیل اور اس وقت کی تہذیب یافتہ دنیا سے غیرواقف تھی۔ کہا جاتا ہے کہ اس سرزمین پر پچاس ہزار برس پہلے ہی موجودہ روسی، ایشیائی علاقہ سائبیریا سے کچھ لوگ شمالی امریکہ کے جغرافیائی خطہ میں پہنچ چکے تھے۔ بہرحال، نئے یورپی مہم جو اور مہاجرمشرقی ساحل پرکچھ سستا کر مزید مغرب کی طرف مقامی آبادیوں، جنہیں وہ ریڈ انڈین یعنی سرخ ہندی کہتے، سے لڑتے، بھڑتے، سونا تلاش کرتے پیش قدمی کرتے گئے، یہاں تک کہ انہوں نے 4,500 کلومیٹر دور مغربی ساحل کو چھولیا، اور وہاں بحرالکاہل کے وسیع، عریض، اور عمیق پانیوں نے ان کا استقبال کیا۔ چھ ماہ کے دورانیے کے یہ سفر "اوریگن ٹریل، اوریگن راہ گذر" کے نام سے جانے جاتے ہیں۔ روایتی امریکی ادب میں اس بارے میں کہانیاں اور ناول بڑی تعداد میں لکھے گئے۔ یہ سفر نہایت ہی پرصعوبت، پرخطر، اور جان لیوا ہوتے۔ ان سفروں کے لیے سایہ دار گول چھت والی بیل گاڑیاں استعمال کی جاتیں، جو خاص اس سخت سفر کے لیے بنائی گئیں، اور ان میں عام طور پر بیل جوتے جاتے، جن کے مرجانے پر مسافر بھی بسا اوقات ان کے ساتھ ہی چل بستے۔ اسی قسم کے ایک سفر میں ایک قافلہ نیوادا کے صحرا میں بھٹک گیا، اور آدم خوری کی نوبت آگئی۔ ایسا محسوس ہوتا ہے کہ امریکیوں کی سرشت میں جو مہم جوئی رچ بس گئی ہے، اسی وجہ سے وہ آج بھی بے چین رہتے، اوراپنے ملک کی سرحدوں سے باہرد وردراز علاقوں پرشب خون مارتے رہتے ہیں۔

لگ بھگ پانچ صدیوں پر مشتمل یورپی نوآبادگاروں کی یہ زمینی قبضہ گیری، مقامی غیرتہذیب یافتہ قلیل تعدادی آبادیوں سے مقابلے اوربارودی اسلحہ سے ان کا بے دردی اور بے رحمی سے قتل عام اور ان کے تمام وسائل پر قبضہ، اور دنیا کی سب سے بڑی جائیدادی خرید و فروخت (نپولین سے جنوب میں لوزیانا، اور روس سے شمال مشرق میں الاسکا)، یورپی ممالک کی امریکی خطہ پر کنٹرول پانے کی کشمکش میں آپس میں جنگیں، اور آخر کار 13 امریکی ریاستوں کی جانب سے برطانیہ کے خلاف 4 جولائی 1776 کو اعلان آزادی، امریکی تاریخ کے دل چسپ ترین عنوانات ہیں۔ تاہم جس دوران یورپ کی مغربی سرحدوں سے نئی دنیا کی مشرقی سرحدوں کی جانب ایک کثیر تعداد میں لوگ ہجرت کررہے تھے، افریقہ کے ساحلی علاقوں کے ممالک یہ نہیں جانتے تھے کہ اس ہجرت کے سبب ان پر کیا مصیبتیں ٹوٹ پڑنے والی ہیں۔ ایک ایسے دور میں جب کہ صنعتی انقلاب برپا نہیں ہوا تھا، اور زراعت کے لیے مویشی اور انسانی ہاتھوں کی مزدوری اورمحنت ہی کی ضرورت تھی، یورپی گوروں کوپہلے یورپی غریبوں، اور بعد میں افریقہ سے انسانی تجارت غلاموں کی شکل میں اس کا بہترین حل نظرآیا۔ اس طرح ایک بڑی تعداد میں آزاد افریقیوں کو زبردستی خرید کر اور ان کی جسمانی آزادی سلب کرکے نئی دنیا لے جایا گیا۔ وہاں ان پر جو ظلم وستم روا رکھے گئے وہ امریکی تاریخ کا ایک تاریک باب ہیں۔ تاہم یہ جسمانی غلامی ان کالی جلد والوں کی روح اور ذہن کو مسخر نہ کرسکی۔ اس کی بہترین عکاسی انیسویں صدی کے ایک امریکی ناول "انکل ٹامزکیبن" میں کی گئی۔ یہ ناول 1852 میں شائع ہوا، اور امریکہ میں بائبل کے بعد سب سے زیادہ فروخت ہونے والی کتاب کی حیثیت اختیار کرگیا۔ ایک نیک دل خاتون ٹیچر، ہیریئٹ بی چر اسٹوو، کے اس ناول نے امریکی شمالی اور جنوبی ریاستوں کے درمیان خانہ جنگی میں ایک اہم کردار ادا کیا۔ جنوب میں غلامی کو پسند، اور شمال میں اسے برا سمجھا جانے لگا تھا۔ اس خانہ جنگی کے دوران مشہور امریکی صدر ابراہم لنکن برسراقتدار رہے، اور انہوں نے انکل ٹامز کیبن کی اس بارے میں بہت تعریف کی اور اس کی مصنفہ سے خاص طور پر ملاقات کی۔ وہ امریکن خانہ جنگی کے لیے ہیریئٹ کے کردار کو سراہتے اور کہتے کہ یہ جنگ اسی خاتون نے شروع کرائی ہے۔ واضح رہے کہ اس جنگ میں شمالی اور جنوبی ریاستوں کے درمیان اہم نزاع غلامی کا خاتمہ ہی تھا۔ (20 لاکھ نیگرو غلاموں کی آزادی کی جانب پہلا قدم امریکی صدر ابراہام لنکن کا وہ فرمان ءآزادی تھا جو انہوں نے 1 جنوری 1863 کو جاری کیا۔) ایک کالے پادری ہوسیا ہینسن کی زندگی کی حقیقی کہانی پر مبنی اس جذباتی ناول میں پہلی مرتبہ امریکی شعور کو انسانی حقوق کی پامالیوں کے بارے میں بیدار کیا گیا، ا ور غلام بنائے جانے والے خاندانوں کے مصائب کو ایک نہایت ہی رحمدلانہ انداز میں پیش کرتے ہوئے اعلی عیسائی مذہبی اقدار کو کام میں لاتے ہوئے گورے مہاجر امریکیوں کے ضمیرکو جھنجھوڑ ڈالا گیا۔ بعد میں "1976" میں امریکی ادب میں ایک اور تہلکہ خیز کتاب کا اضافہ ہوا، جب ایلکس ہیلے نے اپنے خاندان کی جڑیں تلاش کرڈالیں، ا ور وہ افریقہ میں گمبیا میں اپنے گاﺅں تک پہنچنے میں کامیاب ہوگیا۔ اس ناول کو "روٹس" کا نام دیا گیا۔ 1976 میں امریکہ نے اپنے دوسوسالہ جشن آزادی کو بہت جوش و خروش سے منایا، اور اسی دوران ہم نے بھی امریکی سفارت خانہ کے زیراہتمام امریکی تاریخ کا ایک کورس مکمل کیا، جس کی یادیں اس وقت آپ کے لیے یہ مضمون لکھتے اور تحقیق کرتے کام آرہی ہیں۔ اسی دوران ہمیں یہ علم ہوا کہ امریکہ میں نسلی منافرت ایک خاصہ اہم قومی مسئلہ ہے۔ اس کورس کے دوران امریکیوں نے بڑے فخر سے ہمیں 1967میں بنی ایک فلم ’ان دی ہیٹ آف دی نائٹ‘ دکھائی، جس میں سڈنی پوائیٹیر نے ایک ایسے کامیاب سیاہ فام جاسوس کا کردار ادا کیا تھا، جسے سفیدفام پولیس آفیسرز کے غیردوستانہ روّیہ کا سامنا تھا۔ امریکی نسلی تعصبات پر بنی یہ ایک دل چسپ فلم ہے۔ کہا جاتا ہے کہ اگرچہ موجودہ امریکہ میں تو صرف چار لاکھ غلام لائے گئے، مگر جنوبی امریکہ اور میکسیکو میں ان کی جملہ تعداد پچاس لاکھ سے بھی تجاوز کرگئی تھی۔ ان تمام خطوں میں یورپی نوآباد گار پہنچ چکے تھے، اور وہ سخت محنت کے لیے اپنی انسانی وسائل کی ضروریات کو غلاموں کی تجارت کے ذریعہ پورا کرتے رہے۔ اب 2008 میں ریاست ہائے متحدہ امریکہ کی کل آبادی 30 کروڑ ہے، جس میں افریقی امریکی لگ بھگ 14 فی صد یعنی 4.5 کروڑ ہیں۔ ان میں سے ہی ایک نمایاں نام بارک حسین اوباما کا بھی ہے۔

افریقی امریکیوں کو غلامی کے چنگل سے آزاد ہونے کے باوجود گورے امریکیوں کی جانب سے مستقل نسلی تعصب آمیز سلوک کا سامنا ہے۔ معاشرتی مساوات کی جدوجہد میں ہوسیا ہینسن سے لے کر بارک اوباما تک کئی رہنماﺅں کے نام نمایاں ہیں۔ ان میں روزا پارکس نامی خاتون پہلی شیردل امریکن تھی جس نے1955 میں بسوں میں علیحدہ نشستوں پر کامیابی سے اعتراض کیا۔ دیگر افراد میں مارٹن لوتھر کنگ، عالی جاہ محمد، محمد علی،وغیرہ کے نام ہیں۔ سفیدفام نسل پرستی اور ان کی برتری کے لیے دنیا بھر میں کئی تنظیمیں شدت پرستی سے کام لیتی رہی ہیں۔ امریکہ میں سب سے زیادہ معروف "کو کلکس کلان" ہے۔ جسے کے کے کے بھی کہا جاتاہے۔ یورپ میں اسکن ہیڈز، نازی اور نیونازی بھی اسی نسل پرستی کے پیروکارہیں۔ آپ میں سے وہ دوست جو امریکی تاریخ سے واقف نہیں، وہ یہ جان کر حیران ہوں گے کہ امریکہ میں ، باالخصوص جنوب میں، معمولی معمولی باتوں پر نیگرو غلاموں اور آزاد افراد کو بھی گرفتار کرکے بپھرے ہوئے گورے ہجوموں کے سامنے اذیتیں دے کر اور درختوں سے لٹکا کر ماردیا جاتا۔ اس عمل کو عوامی لنچنگ کہا جاتا، اور یہ بدترین اعمال اب سے چند برس پہلے تک بھی وہاں جاری تھے۔ نیگروافراد کو عوامی جگہوں پر اٹھنے بیٹھنے کی اجازت نہ تھی۔ واضح رہے کہ اسی قسم کے حالات جنوبی افریقہ میں بھی پائے جاتے تھے، اور موہن کرم داس گاندھی، اور نیلسن منڈیلا نے بھی اس کے خلاف جدوجہد کی۔ امریکی سنیما کی ایک بہترین فلم ’ٹو کل اے موکنگ برڈ‘ جو 1962 میں بنائی گئی، امریکی نسلی تعصب پر مبنی عدالتی نظام پر ایک کڑی ضرب ہے۔ اس میں گریگوری پیک نے ایک دفاعی وکیل کا لافانی کردار ادا کیا، جو اب امریکی نفسیات میںایک مثبت انداز میں داخل ہوچکاہے ۔

بہر حال پیارے دوستو، آج کی امریکی صورت حال کو سمجھنے کے لیے یہ پس منظر آپ کے لیے بڑی اہمیت رکھتاہے، ورنہ آپ آج کے اس عظیم تاریخی موڑ کا ادراک نہ کر پائیں گے، جس پر آج امریکہ کھڑاہے۔ بارک اوباما کی امریکی سیاست کے اکھاڑے میں کامیابی ایک طویل جدوجہد کا ایک اور قدم ہے۔ مگریہ صرف ایک سنگ میل ہے، اور امریکی معاشرتی مساوات کی منزل نہیں۔ نیگرو جنرل کولن پاول، مذہبی اور سیاسی رہنما جیسی جیکسن، اور خاتون کنڈولیزارائس بھی اسی اہم سفر کے خاص خاص نام ہیں۔ تاہم، اس معاشرتی مساوات کو ایک بہت بڑی ترغیب اور بڑھاوا اگست1963میں مارٹن لوتھرکنگ کی ایک تاریخی تقریر نے دیا، جس میں اس نے کہا کہ میر ا ایک خواب ہے کہ امریکہ میں سب لوگ رنگ و نسل کی تفریق کے بغیر رہ سکیں، اور یہ جان لیں کہ ہرنوزائیدہ بچہ انسانی حقوق کی مساوات کی امید کا ایک چراغ ہے۔ مارٹن لوتھر کنگ کا یہ پیغام اللہ سبحان تعالی ٰ کے آخری نبی محمدبن عبداللہ صلی اللہ و علیہ وسلم کے الوداعی خطبہ ءحج پر مبنی تھا۔ بہرحال سفیدفام نسل پرستوں نے کنگ کو 1968 میں جنوبی شہر میمفس، ٹینیسی میں قتل کردیا۔ اس وقت جیسی جیکسن ان کے شانہ بشانہ کھڑے تھے۔ اور آج جب 47 سالہ بارک اوباما شکاگو میں اپنی کامیابی کے بعد ایک بڑے ہجوم سے خطاب کررہے تھے تو 67 برس کی عمر کے نیگرو پادری جیسی جیکسن کے آنسو کسی صورت تھمنے کا نام نہ لیتے تھے۔ ان کی جدوجہد میں کامیابی کا یہ موڑ ان کی زندگی ہی میں آجائے گا اس کا انہیں یقین نہ تھا۔ تاہم یہ آنسو خوشی کے آنسو تھے۔ اگر آپ یہ سمجھتے ہیں کہ بارک اوباما کی کامیابی افریقن امریکن شہریوں اور رنگ دار شہریوں کے لیے آخری منزل ہے تو یہ ایک فاش غلط فہمی ہے۔ امریکن انتخابی نظام میں صدارتی امیدوار اسمبلی ممبران کے ووٹ سے منتخب ہوتا ہے، جو زیادہ باشعورمنتخب سیاسی نمائندے کہلائے جاسکتے ہیں۔ دوسری جانب عوام بھی اپنے ووٹ براہ راست ڈالتے ہیں۔ تاہم ان عوامی ووٹوں کا نتائج پر کوئی اثر نہیں پڑتا۔ چنانچہ یہ ایک اہم نکتہ ہے کہ اس موقع پر امریکی قوم نے ایک تقسیم شدہ ووٹ دیا۔ بارک اوباما کو 52 فی صد عوامی ووٹ، اور 69 فی صد الیکٹورل ووٹ ملے۔ چنانچہ اب بارک حسین اوباما کو ایک بڑی عوامی مزاحمت کا سامنا کرنا ہوگا، ان کے مخالفین امریکی میڈیا میں یہ واضح پیغام دے رہے ہیں کہ اب بارک اوباما کو اپنے تمام انتخابی وعدے پورا کرنا ہوں گے، ورنہ ۔۔۔ ہم دیکھ لیں گے اس کو ۔ ۔۔ چنانچہ اس امر کا قوی امکان ہے کہ ایک مخصوص لابی بارک اوباما کو ایک ناکام صدر ظاہرکرنے کی پوری کوشش کرتی رہے گی۔ ان کے ناقدین کا یہ کہنا ہے کہ وہ ایک بہترین مقرر و خطیب تو ثابت ہوچکے ہیں، اب عملی میدان میں ان کا کڑا امتحان ہے۔

اب سوال یہ پیدا ہوتا ہے کہ بارک اوباما کی شان دار کامیابی سے دنیا بھر میں کیوں ایک جشن کی سی کیفیت ہے؟ یہاں تک کہ پاکستانی بھی، جنہیں اوباما جنگی دھمکیاں دے چکے ہیں، ان سے خوش ہیں۔ اس کا جواب اس کالم اور مضمون کی پیشانی پر تحریر مرزاغالب کے شعر، اور اس محاورہ میں بھی ہے کہ، نادان دوست سے دانا دشمن بہترہے۔ پاکستانی عدل و انصاف کے لیے کام کرنے والے لوگ یہ جان کر خوش ہیں کہ بارک اوباما بھی ایک وکیل ہیں۔ یہ ایک حقیقت ہے کہ بارک اوباما دنیا بھر کے مظلوم اور پچھڑے ہوئے انسانوں کے لیے امید کی ایک کرن اور ایک ماڈرن پیغمبر ہیں۔ ان کی امریکہ میں کامیابی دنیا بھر میں نسلی تعصب کے شکار ہر انسان کے لیے ایک مہمیز اور ترغیب ہے کہ اسے بھی اپنے ظالم آقاﺅں سے ڈرنے کی چنداں ضرورت نہیں۔ آپ ملاحظہ کیجیے کہ یہ پیغام نسلی اور مذہبی تعصب پر چلنے والی دنیا کی سب سے بڑی نام نہاد جمہوریت بھارت کے کروڑہاکروڑ دلتوں، مسلمانوں، عیسائیوں، وغیرہ کے لیے کتنا پرکشش ہے۔ اگر وہ بھی اپنی جدوجہد جاری رکھیں تو ایک دن بھارت میں بھی ایک دلت یا مسلمان وزیراعظم بن جائے گا۔ آپ کی اطلاع کے لیے ہم یہ عرض کرتے چلیں کہ انکل ٹام کے کیبن نامی کتاب کا پورا نام یہ تھا: انکل ٹام کا کیبن یا نچلے طبقات کی زندگی۔ گویا کہ یہ کتاب بھارتی باشندوں کے لیے بھی ایک آفاقی پیغام رکھتی ہے۔

جہاں تک بارک اوباما کا تعلق ہے تو انہیں صدرجان ایف کنیڈی کی طرح قتل کیے جانے کا خدشہ رہے گا، کیوں کہ نسل پرستی امریکی قانون نافذ کرنے والے اداروں میں بھِی پائی جاتی ہے، جو اب ان کی حفاظت پر ماءمور رہیں گے۔ آج بھی امریکی نظام انصاف رنگ دار شہریوں کے ساتھ امتیازی سلوک روا رکھتا ہے، جس کا بین ثبوت یہ ہے کہ اگرچہ رنگ دار امریکی کل آبادی کا 14 فی صد ہیں، مگرامریکی جیلوں میں قید لوگوں میں وہ 50 فی صد ہیں۔ یہ انوکھا صدارتی انتخاب کا امریکی تجربہ اس وقت کامیاب ترین قرار پائے گا جب کہ بارک اوباما کے بعد بھی رنگ دار امریکی شہری باآسانی بلا تمیزرنگ و نسل صدر بن سکیں، اور یہاں تک کہ ایک دن ریڈانڈین یا آنیوٹ شہری بھی صدرچن لیا جائے۔ فی الحال وقتی طور پر انکل ٹام کا اپنے جنوبی شکستہ چوبی کیبن سے شمالی شان دار قصرابیض کا سفر پورا ہوچکاہے۔ اس کے لیے ہم تمام ہم خیال اور عقل مند پاکستانیوں کی جانب سے باشعور امریکی قوم کو سلام تحسین پیش کرتے ہیں۔

ہفتہ: 8 نومبر2008 ورژن-4 1

اگر کسی قوم کے رہنما خود روشن خیالی سے عاری ہوں تو ان کی ماتحت بھی ہمیشہ تاریکی میں ہی رہیں گے۔۔۔

ایک چینی کنگ فو کہاوت

National Library of Pakistan Registration: 969-8831-00-00

ہے جستجو کہ خوب سے ہے خوب ترکہاں

اب دیکھیے ٹھہرتی ہے جا کر نظر کہاں

This is a widely syndicated Column. No editing is allowed. It must be published as is. The intellectual property rights are asserted under the Pakistani and International Copyrights laws.

جستجو - حالات حاضرہ ۔۔۔ بش ازم سے آصفیات تک

2008-09-28T15:42:00.000+06:00

جستجو / حالاتِ حاضرہ ۔۔ آصفیات

جستجو / حالاتِ حاضرہ

حکمت، دانش سے بھرپور، سیاسی، سماجی، و ادبی طنزومزاح

بش ازم سے آصفیات تک

محمد بن قاسم

eMail: justujumedia@gmail.com

جب نومنتخب صدرپاکستان نے اقوام متحدہ کی جنرل اسمبلی کے اجلاس عام کے موقع سے فائدہ اٹھاتے ہوئے کئی اہم بین الاقوامی رہنماﺅں سے ملاقات کی تو پاکستانی قوم یہ توقعات لگائے بیٹھی تھی کہ وہ اس موقع پر پاکستان اور دہشت گردی کے خلاف جنگ کا مقدمہ مکمل سنجیدگی سے لڑیں گے، اور اس اہم اجلاس کے موقع پر اپنے خطاب سے بھی بقول شخصے سامعین پر چھا جائیں گے۔ تاہم افسوس کہ یہ امیدیں پوری نہ ہوسکیں۔ ان کی باتوں سے یہ محسوس ہوا کہ جناب صدر محترم ابھی تک اپنے ذاتی صدمات میں محصور، اور حادثاتی اڑان ہی بھر رہے ہیں۔

اڑان کے ذکر سے ہمیں یاد آیا کہ عربوں میں ایک لطیفہ خاصہ مقبول ہے۔ آپ کو بھی سنائے دیتے ہیں۔ ایک شخص ایک لائبریری میں داخل ہوا، جو شاید کسی سول ایوی ایشن کے دفتر کی، اور ائیرپورٹ کے قریب تھی۔ وہاں اس نے ادھر، اُدھر دیکھ کر ایک کتاب اٹھالی، جس کا عنوان تھا، جہاز کس طرح اڑائیں! وہ کتاب باتصویر، رنگین، اور قدم بقدم ہدایات سے مزین تھی۔ اس نے آﺅ دیکھا، نہ تاﺅ، اور چپکے سے وہ کتاب بغل میں دبائی اور ایک ہوائی جہاز میں سوار ہوگیا۔ اس کے کل پرزوں سے کچھ چھیڑچھاڑ کی، کچھ کتابی ہدایات پر عمل کیا، خدا کا کرنا، وہ جہاز ہوا میں بلند ہوگیا۔ اور کسی نہ کسی طرح ڈولتا، ڈالتا، وہ اڑنے لگا۔ جلدہی ان نئے نویلے پائلٹ صاحب کو زمین کی یاد ستانے لگی، اور انہوں نے کتاب میں جہاز اتارنے کی ہدایات تلاش کرنا شروع کردیں۔ اس کتاب کے آخری صفحہ پر تحریر تھا، مبارک ہو، اب آپ جہاز اڑانا سیکھ گئے۔ اب اسے اتارنے کے طریقوں کے بارے میں کتاب کا دوسر ا حصہ ملاحظہ کریں۔
کہا جاتا ہے کہ جب روم میں ہوتو ویسا ہی کرو، جیسا کہ رومی کرتے ہیں، یعنی کہ جیسا دیس ویسا بھیس۔ اس مقولہ پر عمل کرتے ہوئے ہمارے کچھ پاکستانی بھائی (اور شاید کچھ بہنیں بھی) کھَل کھیلتے ہیں، اور اسلامی اور پاکستانی اخلاقی اقدار کو پچھلی جیب یاپرس میں ڈال کر، ملحدانہ اورکافرانہ اقدار کو اپنا لیتے ہیں۔ ان میں سب سے زیادہ شراب نوشی، اور جنسِ مخالف سے دوستی کے وہ درجات ہیں جن پر فائز ہونا کچھ پاکستانیوں کے لیے باعثِ فخر ہوتا ہے۔ ساقی فاروقی کی پاپ بیتی ، یا اخترممونکا کی پیرس( چند) کلومیٹر، وغیرہ پڑھ ڈالیں، آپ کا دماغ روشن نہ ہوجائے توکہیے گا۔ یقیناً ایسی کئی کتابیں اور بھی ہوں گی ، جن میں اس قسم کے ناقابل فخر کارناموں کے تذکرے بھرے پڑے ہیں۔ جب کہ ان کے مقابلہ میں سچے پاکستانیوں کے سفرنامے بھی موجود ہیں، مثلاً فخر پاکستان، جناب جمیل الدین عالی صاحب کے، دنیا میرے آگے، تماشہ میرے آگے، جناب ابن انشاءمرحوم کا سفرنامہ چلتے ہو تو چین کو چلیے، وغیرہ۔ اب دیکھنا یہ ہے کہ ہمارے صدر محترم کا ایک امریکی حسینہ کے حسن و جمال کی تعریف کرنا ، اور اس کے گلے پڑنے کی خواہش کا معصومانہ اظہارامریکی ثقافت کے لحاظ سے، اور ہماری اپنی ثقافت کے حساب سے کیسا رہا۔ پاکستانیوں کے لیے ہر مغربی خاتون، خاص طور پر سفید جلددارن، خاصی دل کشی رکھتی ہے۔ جناب علی سفیان آفاقی نے اپنی کئی تحریروں میں اس امر کا خاص تذکرہ کیا ہے کہ ان کے بقول، یورپ وغیرہ میں چپہ، چپہ پر ایسی خوب صورت خواتین مل جاتی ہیں، جن کی پاکستان آمد پر بھاری سے بھاری پاکستانی فلمی ہیروئن ہلکی پڑجائے۔ تاہم، اس بارے میں ہمارے استاد محترم، جناب مشتاق یوسفی صاحب کا بھی یہی کہنا ہے کہ برطانیہ وغیرہ میں بدصورت خواتین خال، خال ہی ہوتی ہیں، اور یہ پاکستانیوں کا ہی کارنامہ ہوتا ہے کہ وہ شادی بیاہ کے لیے انہیں ہی ڈھونڈ نکالتے ہیں۔ اب آپ خود ہی ملاحظہ کریں، محترمہ سارہ پیلن، اپنی نوجوانی میں اپنے علاقہ میں ملکہ ءحسن رہ چکی ہیں۔ وہ ایک بھرپورزندگی گزار چکی ہیں، پرمسرت شادی شدہ، پانچ بچوں کی ماں ہیں، اور اب بھی خاندانی مصروفیات کو ترجیح دیتی ہیں۔ خود ان کی ایک بیٹی اپنی قانونی بلوغیت حاصل کرنے سے پہلے ہی حاملہ ہوچکی ہے، اور اب اپنے اس دوست سے منگنی اور شادی کا منصوبہ بنا رہی ہے ، جو اس معاملہ میں ذمہ دار ملزم ہے۔ 44 سالہ سارہ پیلن کا حسن نوجوانوں کے لیے تو شاید ماند پڑچلا ہو، مگر آخر خاصے بوڑھے امریکی بھی تو ابھی تک زندہ ہیں، اورگر ان کے ہاتھوں میں جنبش نہیں توکیا، ان کی آنکھوں میں تو دم ہے۔ اور وہی اپنے ووٹ ڈالنے ضرور جاتے ہیں، جب کہ نوجوان امریکی ضروری نہیں کہ اسی سطح تک اپنے ووٹوں کا استعمال کرتے ہوں۔ اسی طرح خاصے عمر رسیدہ پاکستانی بھی ہیں، جو کسی بھی چانس کے نہ ہوتے ہوئے بھی سارہ پیلن کی خوب صورتی سے آنکھیں سینکتے اور تیز کرتے ہیں، اور ان کی موجودگی میں مکمل فدوی کا روپ ڈھال لیتے ہیں۔ ان کے جمال کے سامنے زبانیں لڑکھڑاجاتی ہیں، اور الفاظ گڈمڈ ہوجاتے ہیں۔ اگر آپ کو یقین نہیں آرہا تو آپ خود ہی سارہ پیلن کی تصاویر ملاحظہ کیجیے، اور پاکستانی صدر، اور پاکستانی وزیرہ ءاطلاعات کے بارے میں خبریں دیکھ، اور پڑھ لیں، وہ دونوں ہی سارہ پیلن کے حسن کی تاب نہ لاسکے، گویا کہ مرد تو مرد، عورتیں بھی ان پر مر مٹ رہی ہیں۔ چونکہ اب امریکی مرد اور خواتین خاصی تعداد میں جنس مخالف کے بجائے ہم جنسی کو اپنے لیے بہتر سمجھ رہے ہیں، کسی عورت کا بھی کسی دوسری عورت کے خدوخال کی تعریف کرنا وہاں ایک خاص معنی رکھتا ہے۔ مثال کے طور پر، حال ہی میں مشہور امریکی کامیڈین خاتون ایلین ڈی جنریس نے اپنی ایک ساتھی خاتون کے ساتھ شادی کرڈالی ہے۔ اسی طور کئی مشہور امریکی مرد بھی اسی قسم کی یک جنسی شادی پر تلے ہوئے ہیں۔ یہ تذکرہ ہم نے اس لیے کیا کہ، امریکی ثقافت کا موجودہ حال آپ کے سامنے تازہ ہوجائے۔ بہر حال، امریکی خواتین کتنی ہی آزاد خیال کیوں نہ ہوں، عام طور پر وہ بھی جنس مخالف سے سرعام گلے نہیں لگا کرتیں۔ آپ ہالی وڈ کی فلموں کے مناظر کا حوالہ نہ دیں، وہ بھی کچھ اسی قسم کے ہوتے ہیں جیسے کہ پاکستانی فلموں میں بلڈوزر نما ہیروئن کے کھیتوں میں غیرسنسرشدہ رقص، جن کے نتیجہ میں وہ زرعی زمینیں برسوں تک بنجر ہوجایا کرتی ہیں،جن میں یہ رقص فلمائے جاتے ہیں۔

امریکی صدر کا انتخاب لڑنے والے جان مکین، جو قدیم عظیم پارٹی، یعنی ری پبلیکن کے امیدوار ہیں، وہ بھی سارہ پیلن کو اپنی انتخابی مہم کے دوران اکثر گلے لگا کر ان کی صلاحیتوں کی تعریف کرتے رہے۔ وہ خاصے عمر رسیدہ (لگ بھگ 74 برس کے) امریکی ہیں، تاہم ان کی اس حرکت سے دوسروں کو بھی ہلا شیری ملی ہے۔ اور ان کے دل و دماغ میں بھی کچھ، کچھ ہونے لگا ہے۔ یہ امر دل چسپ ہے کہ امریکہ میں دیگر مغربی ممالک کی طرح جنسی ہراسانی کے سخت قوانین موجودہیں۔ دفاتر میں کسی بھی ساتھی خاتون کی خوب صورتی کی تعریف اس کی مرضی کے بغیر کردینا ملازمت سے برخاستگی، اور جیل کی ہوا تک کھلا سکتا ہے۔ مگر سابق صدر بل کلنٹن کی وائٹ ہاﺅس کے پردوں کے پیچھے بلیک حرکات نے انہیں خاصہ بے عزّت کیا، اور امریکیوں میں ان امور پر اس قدرکھل کر لے دے ہوئی کہ بچے بھی یہ سب جان کر بالغ نظرہوگئے۔ اور زیادہ وقت نہیں گزرا کہ موجودہ امریکی صدر جارج بش نے یورپ میں ہونے والی ایک بین الاقوامی کانفرنس کے موقع پر جرمن چانسلر خاتون کے کندھوں پر پیچھے سے آکر اپنے ہاتھ جمادیے۔ اس حرکت کا جرمن چانسلر نے بہت برا مانا، اور وہ وہاں سے اٹھ کر چل دیں۔امریکی میڈیا میں اب سارہ پیلن کے بارے میں یہ رائے بنتی جارہی ہے کہ وہ قومی سطح کی رہنمائی اور بین الاقوامی تعاون و تعلقات کے لیے مطلوبہ علم و مطالعہ نہیں رکھتیں، اورمختلف اہم قومی امور ، مثلاً حالیہ امریکی مالی بحران اور دہشت گردی کے خلاف جنگ پر ان کی فکر بہت سطحی سی ہے۔

دوسری جانب یہ دیکھنا ہے کہ پاکستانی صدر نے موجودہ حکومتی سکریٹری کنڈولیزا رائس کے شدید سانولے سلونے حسن کی کس طرح تعریف کی ہوگی ! ...کیونکہ سابق پاکستانی وزیر اعظم جناب شوکت عزیز جو مبینہ طور پریہ دعویٰ کیا کرتے تھے کہ وہ دنیا کی کسی بھی عورت کو دومنٹوں میں زیرکرسکتے ہیں، وہ انہیں لبھانے میں ناکام رہے تھے، اور اس خاتون کے حیران کن رویہ پر ہکلانے لگے تھے ۔ ان سے اس ملاقات کو اس کالی دیوی نے اپنی ایک سوانح عمریTwice as Good: Condoleezza Rice and Her Path to Power میں ایک سانحہ سے تعبیر کیا تھا۔ شاید اسی لیے وہ اب اپنا منہ چھپائے پھرتے ہیں، اور ان کی کوئی خبر نہیں آتی۔ حالانکہ خدالگتی تو یہ بات ہے کہ کوئی نابینا اور فاتر العقل ہی کنڈولیزا پر ڈورے ڈالنے اور چارہ پھینکنے کی کوشش کرسکتاہے، مثلاً جارج بش۔۔۔اور شوکت عزیز پر کوئی الزام عائد کیا جاسکتا ہے تو وہ یہ ہے کہ انہوں نے اپنی آنکھوں کا معائنہ کیوں نہ کرایا، اور کیوں ایسے ہی تمام وقت آنکھیں میچ کرحکومت کرتے رہے۔ بہر حال جب سے صدرپاکستان اور وزیرہ اطلاعات پاکستانی کی امریکن نائب صدارتی امیدوار محترمہ سارہ پیلن سے ملاقت ہوئی ہے اور اس کا چرچا پاکستان میں ہوا ہے، پاکستانی نوجوانوں میں ایک نئی موبائل فون رنگ ٹون مقبول ہونے لگی ہے: اج جی کردا اے، جی کردا، تینوں جپھیاں پاواں، اے جی کردا۔۔۔ امکان اس امر کا ہے کہ پاکستانی وفد نے کنڈولیزا سے ملاقات کے بعد یہ شعر زیرلب، چپکے، چپکے، گنگنایا ہوگا:

وہ آئے بزم میں اتنا تو برق نے دیکھا

پھراس کے بعد چراغوں میں روشنی نہ رہی

(واضح رہے کہ میر کے نام سے موسوم یہ شعر برق کا ہے)

موجودہ امریکی صدرجارج بش گول مول اور اپنے مطلب کے برعکس بول اٹھنے کے لیے مشہور ہیں۔ ان کی اس عادت کو بش ازم کا نام دیا گیا ہے، اور اس پر کتابیں بھی تحریر کی جاچکی ہیں۔ بلا سوچے سمجھے بولنے کی ایسی ہی عادت شاید پاکستانی صدر کو بھی پڑرہی ہے۔ چنانچہ ان کی اس خصوصیت کو آصفیات کا نام دیا جا سکتا ہے۔ امریکی صدر جارج بش کی چندمہا دل چسپ گڈمڈ کہاوتیں آپ کی خدمت میں ایک آزاد ترجمہ کے ساتھ پیش ہیں:
"Too many good docs are getting out of the business. Too many OB-GYNs aren't able to practice their love with women all across this country." —Sept. 6, 2004
اچھے ڈاکٹر ایک بڑی تعداد میں اپنا پیشہ ترک کررہے ہیں۔ ان میں ایک بڑی تعداد ایسے ڈاکٹروں کی ہے جو بچوں کی پیدائش کے شعبہ سے تعلق رکھتے ہیں، وہ عورتوں کے ساتھ اپنی محبت کی مشق ناز کرنے سے قاصر ہیں۔
"Our enemies are innovative and resourceful, and so are we. They never stop thinking about new ways to harm our country and our people, and neither do we." —Aug. 5, 2004
ہمارے دشمن جدت پسند، اور باوسیلہ ہیں، اور ہم بھی ایسے ہی ہیں۔ وہ ہمارے ملک اور ہمارے عوام کو نقصان پہنچانے کے نت نئے طریقوں کے بارے میں ہمہ وقت غوروفکر کرتے رہتے ہیں، اور ہم بھی اسی جوڑتوڑ میں لگے رہتے ہیں۔
"The ambassador and the general were briefing me on the — the vast majority of Iraqis want to live in a peaceful, free world. And we will find these people and we will bring them to justice." —Oct. 27, 2003.
جناب سفیر اور جنرل مجھے اس بارے میں آگاہ کررہے تھے ۔۔ عراقی عوام کی اکثریت ایک پرامن اورآزاد دنیا میں رہنا چاہتی ہے۔ اور ہم اِن لوگوں کو ڈھونڈنکالیں گے، ا ور عدالت کے کٹھرے میں کھڑاکردیں گے۔
"See, free nations are peaceful nations. Free nations don't attack each other. Free nations don't develop weapons of mass destruction." —Oct. 3, 2003
دیکھیں جی، آزاد قومیں پرامن ہوتی ہیں۔ آزاد قومیں ایک دوسرے پر حملہ نہیں کرتیں۔ آزاد قومیں تباہی پھیلانے والے ہتھیار نہیں بنایا کرتیں۔
"There's no doubt in my mind that we should allow the world worst leaders to hold America hostage, to threaten our peace, to threaten our friends and allies with the world's worst weapons." — Sept. 5, 2002
مجھے اس بارے میں قطعی شبہ نہیں کہ ہمیں دنیا کے بدترین رہنماﺅں کو اجازت دے دینی چاہیے کہ وہ امریکہ کو یرغمال بنالیں، ہمارے امن کو تباہ کردیں، اور ہمارے دوستوں اور حمایتیوں کو دنیا کے بدترین ہتھیاروں سے ڈرائیں، دھمکائیں۔

اگر یہ کہاوتیں آپ کے سر کے اوپر سے گزر گئیں تو اس میں آپ کا کوئی قصور نہیں۔جارج بش کی اپنی سمجھ، انگلش کی گرامر اور کمپوزیشن بھی خاصی کمزورہے۔ چنانچہ ہمارے پاکستانی صدر محترم صاحب کو بھی کسی جگہ انگلش میں اپنے خیالات و جذبات کو تحریر کرتے وقت خطا ہوجانے پر قطعی پریشان نہ ہونا چاہیے۔ دشمنوں نے مزارِ قائد پر ان کی حاضری کے وقت رجسٹر پر ریکارڈ کیے جانے والے چند جملے اڑا لیے ہیں۔ مگر ہم تمام تر سنجیدگی سے یہ کہتے ہیں کہ چونکہ پاکستان کی قومی زبان اردو ہے، کسی اور زبان میں تحریر کا نہ تو کوئی اثبات ہے، اور نہ ہی اس میں کسی ہجے وغیرہ کی غلطی کوئی معنی رکھتی ہے۔ ہم نے خود اچھے اچھے امریکی اور پاکستانی اخبارات کی رپورٹوں میں ہجوں اور گرامر کی غلطیاں دیکھی ہیں۔ چنانچہ ایسے معاملات کا دفاع کرنا ضروری نہیں، اور قومی زبان کا استعمال اس کا بہترین علاج ہے۔
اسی طرح ہمارے صدر صاحب، بش ازم کی طرح ہرجگہ جمہوریت کازبانی کلامی سہارا لیتے ہیں، جسے آصفیت کا نام دیا جاسکتا ہے۔ ہر مسئلہ اور سوال کے جواب میں فرماتے ہیں کہ جمہوریت ہی سب سے بڑا انتقام ہے (چاہے متذکرہ معاملہ کسی انتقامی کارروائی کا متقاضی ہو یا نہ ہو!) ، جمہوریت ہی سب سے بڑی قوت ہے، کشمیر کا مسئلہ بھی اب عوامی قوت ہی حل کرے گی، الخ۔ مگر پاکستانی عوام پر یہ رمز نہیں کھلتا کہ یہ جمہوریت پائی کہاں جاتی ہے۔ موجودہ رہنما بھی ایک خاندانی وصیت کے سہارے تخت پر براجمان ہیں، نہ کہ کسی ایسے سخت امتحانی جمہوری عمل سے جس سے امریکی رہنما گزرتے ہیں۔ سال بھر تک ایسا بحث و مباحثہ ہوتا ہے، مخالفین کے درمیان، کہ ان کی صلاحیتوں کی تمام تر قلعی کھل جاتی ہے۔ اگرپاکستانی جمہوریت کا گھر پارلیمان ہے تو وہ گھر خالی ہے۔ اور وہ ایک مشہور کہاوت ہے کہ ، خانہ ءخالی را دیو می گیرد۔خالی گھر پر دیو اور جنات وغیرہ قبضہ کرلیتے ہیں۔ اگر پارلیمانی ایوان اسی طرح اکثر بھائیں، بھائیں کرتا رہا تو پاکستان میں جناتی جمہوریت کا رواج ہوجائے گا۔
اب نئی حکومت کو زمام اقتدار سنبھالے ہوئے خاصہ عرصہ گزرگیا ہے، اور اب ہمارے وزیراعظم، اور جناب صدر محترم کو جہاز اڑانے اور اتارنے کی دونوں کتابوں کو بیک وقت پڑھ کر اپنے قدموں پر کھڑا ہوجانا چاہیے، نا کہ صرف شہید محترمہ کی تصویرکی پوجا کرتے، جمہوری بچہ جمورا بنے رہیں، اور عملی طورپر محترمہ کی پالیسیوں اورحامیوں، اور خیالات کی نفی کرتے رہیں۔ جیسا کہ عدلیہ کی بلا داغ بحالی،سینئرمعزز پارٹی رہنماﺅں کی عملی واپسی، پاکستانی سرحدوں کا پرعزم اور بے خوف دفاع، اور اپنے عوام، بشمول قبائلی عوام کے جان ومال کی حفاظت کے لیے عملی اقدامات کرنا ہیں۔ یہاں اس امر کی وضاحت ضروری ہے کہ جمہوری ممالک میں ہر بڑی سیاسی پارٹی قومی امور پر اپنے موقف کا کھل کر اظہار کرتی ہے، اور برسراقتدار آتے ہی فوری طور پر اپنی پہلے سے اعلان کردہ نئی پالیسیاں نافذ کردیتی ہے۔ یہ نہیں کہا جاتا کہ ابھی ہمیں آئے ہوئے دن ہی کتنے گزرے ہیں ۔۔۔۔ ذرا چھری تلے دم تو لے لینے دو، ظالمو۔
ہم سمجھتے ہیں کہ اب حکومت پارلیمانی نظام کو چلنے دے، اور صدارتی عہدہ کو علامتی ہی رہنے دے۔ اسی طرح پاکستان پیپلز پارٹی اپنی شہید رہنما کو اس طرح بہتر طریقہ پر خراج عقیدت پیش کرسکتی ہے کہ وہ بجائے موجودہ سہولیات کے تبدیلی ءنام کے جذباتی اعلانات کے، صرف ٹھوس نئے ترقیاتی منصوبے بناکران کو محترمہ کے نام سے نا صرف منسوب کرے، بلکہ دن رات جدوجہد، محنت کرکے انہیں پایہ ءتکمیل تک بھی پہنچائے۔ کالاباغ ڈیم تعمیر کرکے اسے ضرور ایک بے نظیر ڈیم کا نام دے، پاکستانی عوام کے خشک گلوں کو تر، اور وسیع پیمانہ پر بنجر زمینوں کو سیراب کرکے زرعی اور غذائی اور سماجی انقلاب کی بنیاد رکھ دے( اس ضمن میں سندھیوں اور بلوچیوں کو بھی بالائی پاکستان کے علاقوں میں نوآبادگار کا درجہ دے کر انہیں ویسے ہی نئی نویلی نہری زمینیں الاٹ کی جائیں جیسا کہ اسکندرمرزا اور ایوب خان کے زمانہ میں 1957 میں سندھ میں گدو سکھربیراج بنانے کے وقت کیا گیا تھا، تاکہ اس مرتبہ ان کے آنسو پوچھنے کے کچھ اسباب ہوسکیں، اورعام سندھیوں کی اس ضمن میں مزاحمت کم ہوجائے، اور ایسی زمینوں پر قانونی طور پر صرف عام شہریوں کو ملکیت دی جائے، اورجوانوں کے علاوہ کسی بھی اعلیٰ فوجی افسر کو زمین الاٹ نہ کی جائے) ، قبائلی علاقوں میں پس منظر میں متحرک پاکستان دشمنوں کو بے نقاب کرے، عوام کو اس بارے میں آگاہ کرے، اور دوست نما دشمنوں کو بھی پاکستانی سرحدوں سے دور رکھنے کی سعی کرے، اور ملکی ترقی کے دور رس منصوبے تیارکرے۔ اور پاکستانی قوم کو یہ کہہ کر نہ پچھتانا پڑے، اے بسا آرزو کہ خاک شدہ۔

نوٹ: اوپر تصویر میں سارہ اپنے پانچویں نومولود کے ساتھ۔۔ 18 اپریل 2008 کو پیدا ہونے والا یہ بچہ ڈائون سنڈروم کا شکار ہے۔
٭
اتوار: 28 ستمبر 2008 (ورژن 1.1)
حکمت و دانش کو پوشیدہ رکھنا ایسا ہی ہے جیسا کہ کسی خزانہ کوتاریکیوں میں چھپادینا ۔۔۔ چینی کہاوت
(c) 2008 Justuju Media - All Rights Reserved

ہے جستجو کہ خوب سے ہے خوب ترکہاں
اب دیکھیے ٹھہرتی ہے جا کر نظر کہاں

The Intellectual Property Rights are asserted under the Pakistani and International Copyright Laws -- The writer and the syndicating agency, Justuju Media, hereby grant a permission for printing and reproduction of this article under a "Fair usage" non commercial universal license

جستجو / حالاتِ حاضرہ : شکریہ انکل سام

2008-09-21T11:33:00.000+06:00

جستجو / حالاتِ حاضرہ

دل چسپ سیاسی، سماجی، ادبی، طنزومزاح، حکمت و دانش سے بھرپورتحریریں

شکریہ انکل سام

محمد بن قاسم

eMail: justujumedia@gmail.com

اسلام آباد کے حساس ترین علاقہ میں ہونے والا دھماکہ اور اس کے نتیجہ میں ہونے والا جانی و مالی نقصان (بروز سنیچر20 ستمبر) ایک نہایت ہی المناک واقعہ ہے۔ اس کی وجہ سے علاقہ میں آنے والے زلزلہ کے' غیبی جھٹکوں' کو بھی ہم سب بھول گئے۔ تا ہم یہ دھماکہ کوئی غیر متوقع حادثہ نہیں، اور نہ ہی یہ پاکستانی 9/11 ہے، کیونکہ وہ تو اس دن ہی وقوع پذیر ہوگیا تھا جس دن امریکہ نے پہلی مرتبہ پاکستانی قبائلی علاقوں پر میزائل باری کی، اور اس میں معصوم جانیں ضائع ہوئیں، اور جس دن امریکی فوجیوں کے ناپاک قدم ہماری پاک سرزمین پر پڑے۔ اس رنجیدہ موقع پر ہم 'جستجو' کے تمام ارکان کی جانب سے جاں بحق ہونے والوں کے لواحقین سے دلی تعزیت کا اظہار کرتے ہیں، اور مرحومین کی مغفرت کی دعا کرتے ہیں۔ دوسری جانب تمام زخمیوں کی جلد از جلد شفایابی کے لیے بھی دعاگو ہیں۔

اس واقعہ کے بعد امریکہ نے مگرمچھ کے آنسو بہائے ہیں، اور یہ پیش کش کی ہے کہ اس کی ایف بی آئی کی ٹیم تفتیش میں مدد کے لیے آسکتی ہے۔ پاکستانی حکومت کو چاہیے کہ وہ فوری طور پر چاچا سام کا شکریہ ادا کرکے کسی بھی ایسی ٹیم کا استقبال کرنے سے معذرت کرلے۔ پاکستانی اداروں پر اعتماد کے اظہار کا اس سے بہتر کوئی طریقہ نہیں ہوسکتا۔ ہاں اگروہ کوئی خاص آلہ جات ، اور لیباریٹری کیمیکل وغیرہ جو تفتیش میں استعمال ہوتے ہیں دینا چاہے تو وہ ضرور قبول کرلیا جائے، یا اگر وہ کوئی تفتیشی مینوئل دینا چاہیں تو وہ بھی حاصل کرلیا جائے۔ کسی بھی غیر ملکی ٹیم کی مداخلت تفتیش کو غلط سمت میں لے جانے کے لیے استعمال ہوسکتی ہے۔ یہاں یہ یاد رکھنا ضروری ہے کہ یہ حادثہ کوئی انوکھا واقعہ نہیں۔ اسی قسم کے بے شمار واقعات سعودی عرب، کینیا، یمن، امریکہ، اور خود پاکستان میں بھی حال ہی میں ہوچکے ہیں۔ 20 ستمبر کے ذمہ دار افراد کے بارے میں بھی کچھ قیاس آرائیاں ممکن ہیں۔ اس طریقہءکار کے قدموں کے نشانات نام نہاد القاعدہ کی بین الاقوامی کارروائیوں کی طرح ہی ہیں۔ اگرچہ یہ قطعی ممکنات میں سے ہے کہ آلہ ءکار مقامی شدت پسند اور پاکستانی طالبان ہی ہوں، جنہیں القاعدہ کی مدد حاصل رہی ہو۔ یہ سب جاننے کے لیے کسی بھی غیرملکی مدد کی قطعی ضرورت نہیں۔ کیا وہ غیبی علم رکھتے ہیں، جس سے وہ پاکستان کی کوئی طلسمی مدد کرڈالیں گے۔! اگر امریکہ کو پاکستان کے ساتھ واقعی اظہار ہمدردی کرنا مقصود ہے تو وہ پاکستانی ایف سولہ طیارے فوری طور پر اسلام آباد پہنچادے، اور پاکستانی سرزمین کو اپنے ناجائز وجود و دراندازیوںسے ناپاک کرنا چھوڑ دے۔اس پر بم باری، میزائل باری سے گریز کرے۔ افغانستان اور عراق سے اپنا قبضہ فوری طور پر ختم کرے، اور ان تمام جنگوں کی بین الاقوامی تحقیقات شروع کردی جائیں، جس میں یہ تعین کیا جائے کہ ان بظاہر بے مقصد تباہ کن جنگوں کی کیا ضرورت تھی، اور اس کی ذمہ داری کس کے سر منڈھتی ہے۔ کتنے معصوم اور بے گناہ افراد جاں بحق، اور کتنے زخمی اور معذور ہوچکے ہیں۔ آپ کو اس عراقی بچے کی تصویر تو یاد ہی ہوگی، جس کے دونوں بازو اور ٹانگیں 2003 میں وحشیانہ امریکی بم باری سے ضائع ہوگئی تھیں۔ فلوجہ ، نجف، اور کربلا وغیرہ کے بے شمار شہید، اور تباہ شدہ مقدس عمارات بھی دہائی دے رہی ہیں۔ اس ریکارڈ کے ساتھ امریکی تعاون کو ایک فاصلہ پر ہی رکھنا بہتر ہوگا۔ اپنے آپ پر مناسب حد تک اعتماد رکھنا پاکستانی قوم کے لیے نہایت ہی ضروری ہے۔

اب کچھ بات اسلام آباد کی سیکیوریٹی کے بارے میں بھی ہوجائے۔ یہ امر صاف ظاہر ہے کہ یہ انتظامات قطعی ناقص تھے۔ سب سے پہلے تو پاکستان کے تمام منتخب شہری اور فوجی رہنماﺅں کو ایک ہی جگہ جمع کردیا گیا تھا۔ اگر خدانخواستہ یہ بارودی ٹرک پارلیمنٹ کی عمارت سے ٹکراجاتا تو پاکستان کا کیا ہوتا ۔۔۔۔ امریکی فوری طور پر اپنی فوجیں اسلام آباد میں اتاردیتے کہ ایٹمی پاکستان اس وقت ایک خطرہ بن چکا ہے، جہاں کہ کوئی بھی حکومت باقی نہیں بچی ہے، اور ایٹمی اثاثہ جات دہشت گردوں کے قبضہ میں جانے والے ہیں۔ یہ خدشہ محسوس ہوتا ہے کہ امریکی یہی تفتیش کرنا چاہتے ہوں گے کہ وہ ٹرک اپنے مذموم مقاصد میں کامیاب کیوں نہ ہوسکا۔ اسلام آباد کی سیکیوریٹی کا جو بھی ذمہ دار تھا، اسے فوری طور پر برطرف کردیا جائے۔ اور مشیر داخلہ پہ درپہ بہت بڑی ناکامیوں کے پس منظرمیں اپنا استعفیٰ قوم کے سامنے پیش کردیں، اور اسے فوری طور پر قبول بھی کرلیا جائے۔ وہ 81 اکتوبر 2007 سے اب تک تمام ہائی پروفائل واقعات میں سیکیوریٹی کے ذمہ دار رہے ہیں، اور ان میں انہیں مکمل ناکامی کا سامنا کرنا پڑا ہے۔ جمہوریت کا ساز ہر وقت بجانے والے اور اس کے راگ الاپنے والے یہ بھی سیکھ لیں کہ جمہوریت میں ناکام ذمہ دار افراد خود ہی اپنا استعفیٰ پیش کردیا کرتے ہیں، ورنہ ایک حقیقی سیاسی پارٹی ان سے خود ہی استعفیٰ طلب کرلیا کرتی ہے، جیسا کہ جنوبی افریقہ میں ہوا ہے، جہاں صدر ایم بیکی کو عہدہ سے ہٹانے کا فیصلہ کرلیا گیا ہے۔ تاہم افسوس کہ اس وقت حکومتی سیاسی پارٹی صرف ایک خاندانی پارٹی اور موروثی جاگیر کی طرح ہی چل رہی ہے۔ اس وقت پارلیمنٹ کی بالا دستی کے بارے میں جو بھی پروپیگنڈا کیا جاتا ہے وہ اس لیے ہے کہ پارلیمنٹ اس وقت بالا دست نہیں، بلکہ زیردست ہے۔ حکومتی پارٹی اور اس کے اتحادی اپنی مرضی کے قوانین بنانے کی مثالی حالت میں ہیں۔ اکثر معاملات میں حزب مخالف، اور دیگر جماعتیں بھی حکومت کا ساتھ دینے کو تیارہیں۔ اسلام آباد کے حالیہ واقعہ میں سب سے بڑا سیکیوریٹی شگاف یہ رہا کہ شارع دستور، جو پارلیمنٹ ہاﺅس وغیرہ ، اور میریٹ ہوٹیل کے سامنے سے گزرتی ہے ، اس پر ثقیل گاڑیوں کو گزرنے دیا گیا۔ تمام ہیوی ٹریفک کو اس شارع کی طرف آنے والے تمام راستوں پر ہی روک لیا جاتا، یا کم ازکم اس اہم دن انہیں شہر سے دور رکھا جاتا۔ پاکستانی مشیر داخلہ ایک بچکانہ انداز میں اپنے ٹی وی انٹرویوز میں یہ فرماتے رہے کہ بتائیے کہ اس علاقہ میں کنسٹرکشن ہورہی ہے، ہم کس طرح بڑی گاڑیوں اور ٹرکوں کو روکتے! کسی بھی سیکیوریٹی کے ذمہ دار فرد کی جانب سے یہ ایک نہایت ہی حیران کن بیان قرار دیا جاسکتا ہے۔ حکومت قوم پر رحم کرے، اور فوری طور پر یہ اہم محکمہ کسی قابل ترین شخصیت کے حوالہ کرے۔

اس رنجیدہ موقع پر میریٹ ہوٹیل کے سرکردہ مالک و منیجر جناب صدرالدین ہاشوانی کو سلام پیش کرنا ضروری ہے۔ انہوں نے اس موقع پر اپنے مالی نقصان کو قومی نقصان قرار دیا، اور کہا کہ مال تو آنے جانے والی چیز ہے، اصل نقصان تو جانی ہے جس کا کوئی بدل نہیں۔ جناب ہاشوانی صاحب، گورنر پنجاب سلمان تاثیر کے قریبی بزنس دوست رہے ہیں، اور یہ امید کی جاتی ہے کہ سلمان تاثیر صاحب ایک نئے میریٹ ہوٹیل کی تعمیر کی جائزہ رپورٹ وغیرہ تیار کرنے میں ان کی اسی طرح مدد کرسکیں گے جیسے کہ وہ ان کی مدد ایک منیجمنٹ مشیر کی حیثیت سے 1970 کے عشرہ میں کرتے رہے۔ اتنا وقت گزرجانے کے بعد یہ امکان تو نہیں کہ سلمان صاحب کو یاد رہا ہو، مگر اس دوران ہمیں بھی سلمان تاثیر صاحب کے ساتھ ان کی ٹیم کے ایک قریبی ممبر کی حیثیت سے اس قسم کے کئی جائزہ پراجیکٹس پر کام کرنے کا موقع ملا، اور وہیں ہم نے پاکستان کے ایک عبقری شخص مسعود علی نقوی (موجودہ سینیئر پارٹنر، کے پی ایم جی، تاثیر ہادی خالد اینڈ کمپنی، چارٹرڈ اکاﺅنٹنٹس) کی ذہانت سے بے پناہ استفادہ کیا، اور سلمان تاثیر کے اوّلیں بزنس پارٹنر جناب خورشید ہادی صاحب سے ٹیکسیشن، منیجمنٹ اورمالی اخلاقیات کے زرّیں اسباق سیکھے۔

اسلام آباد میں حادثاتی منیجمنٹ، جسے ڈس آسٹر منیجمنٹ بھی کہا جاتا ہے، کی کمزوریاں بھی عیاں ہوگئیں۔ میریٹ ہوٹیل کی بالائی منزلوں میں لگنے والی آگ کی شدت اور نوعیت ایسی تھی کہ ایک لمحہ بھی ضائع کیے بغیر اسلام آباد ایئرپورٹ سے سول ایوی ایشن کے مخصوص آگ بجھانے والے آلات اور ہیلی کاپٹر وغیرہ طلب کرنا لازمی ہوگیا تھا۔ مگر افسوس کہ وہ سب بہت تاخیر سے موقع پر پہنچے۔ اس آگ پر قابو پانے کے لیے اوپر سے آگ بجھانے والا کیمیکل پاﺅڈر، پانی، وغیرہ ڈالنے سے یہ جلد بجھ جاتی۔ اسی طرح ٹی وی پر نظر آنے والے مناظر میں اونچی عمارات تک پہنچ جانے والی فائر بریگیڈ کی سیڑھیاں، اسنارکلز، کم از کم ہمیں تو نظر نہیں آئیں۔ اگر آپ نے دیکھی ہوں تو ہمیں ضرور مطلع کریں۔

دہشت گردی کے معاملات سے نمٹنے کے لیے دور رس حکومتی پالیسی کا اعلان پہلے ہی ہو چکا ہے، چنانچہ صرف ان پر عمل کرنے کی ضرورت ہے۔ 1979 (افغانستان پر روسی فوج کشی) سے اس علاقہ میں امریکہ کی مسلط کردہ یہ جنگ امریکی نااہلیوں کی وجہ سے اب ہماری جنگ میں تبدیل ہوچکی ہے۔ تاہم جب تک حالات میں ایک ٹھہراﺅ اور درستی نہیں آجاتی، قبائلی علاقوں سے آنے والے تمام افراد، اور گاڑیوں کی اسی طرح چیکنگ کی جائے جس طرح کہ امیگریشن اور کسٹم پوائنٹس پر کی جاتی ہے۔ شہرمیں چلنے والے ٹرکوں کی وقتاً فوقتاً چیکنگ جاری رکھی جائے کہ ان میں کس قسم کا مواد منتقل کیا جارہا ہے۔ اس واقعہ میں مقامی افراد کے ملوث ہونے کے امکانا ت کے باوجود یہ یاد رکھنا ضروری ہے کہ اکثر اوقات ایسے بھٹکے ہوئے افراد کی ڈوریں سامنے نظر نہ آنے والے پراسرار کردار بھی کھینچتے ہیں، اور وہ منظر عام پر آئے بغیر ہی اپنا کام صرف مالی وسائل کی بنیاد پر کرجاتے ہیں۔ چنانچہ اس اور ایسے ہی دیگر واقعات کے پیچھے غیرملکی دشمنوں کا ہاتھ بھی ہوسکتا ہے۔

قارئین کرام، جناب صدر گرامی کے خطاب پر تبصرہ کسی اور وقت صحیح، مگر کاش وہ یہ تقریر اردو میں کرتے تو قوم کی سمجھ میں آجاتی اور نہ ہی ان سے تقریر پڑھنے میں کوئی غلطیاں ہوتیں، مگر شاید یہ تقریر انہوں نے قوم کے لیے نہیں بلکہ ممالک ِ غیر کے لیے کی، اور کشمیری تو ان کی جانب سے چند سُریلے الفاظ کا انتظار ہی کرتے رہ گئے۔ بے چارے۔ اس رنجیدہ اور الم ناک حادثہ کے باوجود یہ ضروری ہے کہ نہ تو جناب پرویز اشفاق کیانی اپنا دورہ ءچین ملتوی کریں اور نہ ہی جناب صدر صاحب اقوام متحدہ اور امریکہ کا۔ تاکہ پاکستان دشمنوں کے مذموم مقاصد کو شکست دی جاسکے۔

اتوارہ 21 ستمبر 2008

حکمت و دانش کو پوشیدہ رکھنا ایسا ہی ہے جیسا کہ کسی خزانہ کوتاریکیوں میں چھپادینا ۔۔۔ چینی کہاوت

ہے جستجو کہ خوب سے ہے خوب ترکہاں

اب دیکھیے ٹھہرتی ہے جا کر نظر کہاں